Daniel 10:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Egha uan guam fegha garima, gumazir mam korotiar bar ghurghurim arugha, letiar golɨn aghuimɨn ingarizim ike.

Daniel 10:5 ပူးပေါင်းရင်းမြစ်များ

Esekiel 9:2

Ezɨ kɨ gari, gumazir 6pla dɨvazimɨn notɨn amadaghan itir itiar akamɨn boroghɨn ikegha izi. Me bar vaghvagha gumazibav soghamin mɨdorozir sababar suiki. Ezɨ gumazir igharazir mam me ko izi. A korotiar ghurghurir bar aghuir mam aruzɨ, osizirir biziba itir mɨtarir muziarim an oghɨriamɨn mɨtem gitoroghav iti. Me bar izegha ofa gamir brasɨn dakozimɨn mɨriamɨn boroghɨn mɨtifi.

Jeremaia 10:9

Aser marvir guar kaba, me dar kurkiasa, Tarsisɨn nguibamɨn ghua silva isa, egha ghua Ufasɨn nguibamɨn gol ini. Egha iza gol ko silvan ingarir darazigh anɨdi, eghtɨ me uan marvir guaba avam. Egha me inir blupla ko pɨghagheviba isamigha asebar marvir guar kabar kurti. Kurkazir marvir guar kabar itiba, kar dɨgɨribagh amir fofozir gumaziba ingangarir kaba bar dagh ami.

Josua 5:13

Dughiar mamɨn Josua Jerikon nguibamɨn boroghɨn itir danganimɨn ikia, kogha garima gumazir mam tugha mɨdorozir sabar ghumtɨzimɨn suira. Ezɨ Josua gumazir kam bagha ghua kamaghɨn an azara, “Nɨ en mɨdorozir gumazitam, o nɨ en apanim?”

Efesus 6:14

Ia tugh gavgavighsɨ, Godɨn guizɨn akam letiamɨn mɨn uan ivariam gikegh. Egh arazir aghuir ia zuraram amiba evarimɨn pɨzir korotiamɨn mɨn anerugh.

Sekaraia 1:8

Kɨ dɨmangan irebamɨn mɨn garir bizir mamɨn garima, Ikiavɨra Itir Godɨn enselɨn mam, hoziar aghevim gaperagha izi. A iza danganir zarir mamɨn tevsevibar tongɨn tughav itima, an akɨrangɨn hoziar agheviba ko, baghɨraviba dukumiziba koma, ghurghuriba tuivighav iti. Ezɨ enselɨn maba hoziar kabagh apiaghav iti.

Aisaia 11:5

An arazir aghuim mati gumazim letɨn uabɨ amɨghɨrɨ, an an ikɨtɨ, a gumazamizibar ganam. Eghtɨ an nɨghnɨzir gavgavir arazir aghuim gamim, mati inim gumazimɨn evarim avara, an an ikɨtɨ, a uan ingangarim damuvɨra ikiam.