Daniel 10:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Egha dagher isɨngtɨzitam amezir puvatɨgha, asɨzitam ko wainɨn dɨpatam nan akatorim giraghuzir puvatɨ. Egha boretam uabɨ gaghua egha uan dapanir arɨzim akɨrizir pu, bar puvatɨ, ezɨ wighɨn pumuning ko mɨkezim gɨfa.

Daniel 10:3 ပူးပေါင်းရင်းမြစ်များ

Matyu 6:17

Eghtɨ ia dagheba ataghɨrazir dughiamɨn, ia borem uari aghɨva uan guaba ru,

Amos 5:11

Ia onganarazibagh amir gumazamiziba dɨkabɨra men biziba pura dagh ekuava, men dagheba okei. Ia dagɨar gavgavibar dɨpenir aghuibar ingari, egh ia dɨpenir katamɨn ikeghan kogham. Ia wainɨn azenir aghuiba opari, egh ia azenir kabar wainɨn dɨpatabar ameghan kogham.

Daniel 11:8

Egh a men asebar marvir guaba, ko men aseba baghavɨra itir bizir aghuir me silva ko golɨn ingariziba, ko bizir aghuir igharaziba sara, inigh Isipɨn mangam. Eghtɨ bizir kabar gɨn azenir tabar mɨdoroziba puvatɨgham.

1 Korin 9:27

Puvatɨ. Kɨ uan inivafɨzim mɨsogha a dɨkabɨrima, a nan apengan iti. Kɨ kamaghɨn aghua, kɨ Akar Aghuim gumazamizir igharazibav kɨmɨva, gɨn ivezim inighan kogham.

Nahum 2:9

An apaniba kamaghɨn uan adaraziv gei, “Aria, ia men gol ko silvaba okemegh bar da inigh. Bizir aghuir bar avɨriba, men nguibar ekiam gizɨfa.”

Daniel 6:18

Egha gɨn atrivim uamategha uan dɨpenimɨn ghu. Egha dɨmagarir kamɨn daghetam amezir puvatɨgha, gumazamizibar diazɨ me iza a koma aperazir puvatɨ. Egha a uaghan akuava avenge. Bar puvatɨ.

Jopɨn Akɨnafarim 33:20

Me daghebar aman bar aghua. Me bar ifongezir dagheba, me da isa me ganɨdi, ezɨ me dar gari da mati bizir bar kurabara. Ezɨ me dar aman ibura.

2 Samuel 19:24

Ezɨ Solɨn igiavotarim Mefiboset uaghan iza Devit bato. Dughiar Devit Jerusalem ataghizimɨn ikegha iza datɨrɨghɨn, atrivim uamategha deragha izezimɨn, Mefiboset uan dagariba ko korotiaba ruezir puvatɨ, egha a uaghan uan ghuamasɨzim gɨsezir puvatɨ.

Luk Osirizir Akar Aghuim 7:46

Ezɨ nɨ borem nan dapanim gingezir puvatɨ. Ezɨ amizir kam a borer mughuriar aghuim inigha nan dagarimning ginge.

Daniel 10:12

Ezɨ a ua kamaghɨn mɨgei, “Daniel, nɨ atiatingan markɨ. Dughiar farazimra nɨ uabɨ dɨkabɨragha egha an fofozim iniasava ami. Ezɨ dughiar kamra, God nɨn dɨmdiam baraki. Egha datɨrɨghɨn na amadazɨ, kɨ nɨn azangsɨzim bangɨn ize.