Daniel 10:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ezɨ dughiar kabar kɨ, Daniel, kɨ 3plan wikbar oseme.

Daniel 10:2 ပူးပေါင်းရင်းမြစ်များ

Nehemia 1:4

Ezɨ kɨ akar kam baregha aperaghav ikia puv azi. Egha bar osemegha dughiar maba kɨ dagheba tagha, Godɨn Uan Nguibamɨn Itim ko mɨgɨavɨra iti.

Akar Mogomem 11:5

Eghtɨ gumazitam arazir kurabar aning damusɨ damutɨ, avim aningɨn akamningɨn otogh, bar aningɨn apanibar isigh me gasɨghasigham. Kamaghɨn amizɨ, gumazir manam arazir kuramɨn aning damusɨ, an ovegham.

Jems 4:9

Ia naviba bar osemegh egh pamtem arangɨva aziam. Ia gumazamizir datɨrɨghɨn atiba, ia uan akazim ategh, egh ia arang. Ia gumazamizir bar akongeziba, ia uan agoroger kam ategh, naviba bar osemegh azi ikɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 9:2

Kɨ zurara uan anabam bagha nɨghnɨgha, bar men apangkuvigha, osemegha nan navir averiam ikufi.

Matyu 9:15

Ezɨ Iesus men akam ikaragha ghaze, “Gumazir amuimɨn ikiamim, a ia ko ikɨtɨ, ia a bagha izezir gumazibav kɨmtɨ, me ti amughamugh, dagheba ataghɨraghan kogham? Puvatɨ. Me dagheba ataghɨrazir dughiam iti. Gɨn dughiam izɨtɨma gumazir amuimɨn ikiamim, me me dama a inigh mangɨtɨma, dughiar kabar me dagheba ataghɨragham.

Jeremaia 9:1

Kɨ ghaze, Kamaghɨn deragham, nan dapanim dɨpamɨn mɨn ikɨtɨ, nan damazimning mozir dɨpar zurara anaga ivemarimɨn mɨn ikɨ. Eghtɨ kɨ arueba ko dɨmagaribar nan gumazamizir kɨ bar ifongeziba, apaniba mɨsoghezɨ ariaghireziba, me bagh aziva arangvɨra ikiam.

Aisaia 66:10

“Ia Jerusalem gifongezir darasi, ia a ko bar akongegh. Ia gumazamizir a bagh azia itiba, ia datɨrɨghɨn a bagh bar akongegh.

Onger Akaba 43:2

O God, kɨ nɨ baghavɨra zuima nɨ na modi. Nɨ manmaghsua nan aghuagha na batoke? Manmaghsua nan apaniba na abɨrazɨ, nan navim osemegha kamaghɨra iti?

Onger Akaba 42:9

God, a dagɨar ekiamɨn mɨn gavgavim na ganɨdi, ezɨ kɨ kamaghɨn a mɨgei, “Nɨ manmaghsua na gɨnɨghnɨzir puvatɨ? Nɨ manmaghsua nan apaniba ataghizɨ me na abɨrazɨ, nan navir averiam bar na baseme?”

Daniel 10:12

Ezɨ a ua kamaghɨn mɨgei, “Daniel, nɨ atiatingan markɨ. Dughiar farazimra nɨ uabɨ dɨkabɨragha egha an fofozim iniasava ami. Ezɨ dughiar kamra, God nɨn dɨmdiam baraki. Egha datɨrɨghɨn na amadazɨ, kɨ nɨn azangsɨzim bangɨn ize.