Daniel 1:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ezɨ Ekiam Nebukatnesar amamangatɨzɨma, an Atrivim Jehoiakim inigha Judan gumazamizir avɨrim inigha Godɨn Dɨpenimɨn kavɨn aghuiba ko itariba ini. Egha da inigha Babilonɨn kantrin ghua uan asebar dɨpenimɨn ghu. Egha bizir aghuir kaba isa dɨpenir kamɨn aven itir danganir mogomemɨn da atɨ.

Daniel 1:2 ပူးပေါင်းရင်းမြစ်များ

Jenesis 10:10

Ezɨ Nimrot nguibar ekiar 3plan gari, Babel, Erek, ko Akat. Nguibar ekiar 3plan kaba Babilonian nguazimɨn iti.

Jenesis 11:2

Egha me aruem anadi naghɨn ikegha, puram arua ghua iza Babilonɨn nguazir zarimɨn apia.

2 Atriviba 24:1

Ezɨ Jehoiakim Judabar atrivimɨn itir dughiamɨn, Babilonian Atrivim Nebukatnesar uan mɨdorozir gumaziba ko iza Judan kantri mɨsosi. Egha a me abɨragha, Atrivim Jehoiakim gamizɨ, an an apengan iti. Ezɨ 3plan azeniba gɨvazɨ, Atrivim Jehoiakim, Atrivim Nebukatnesar a gativaghan a bar aghua, egha a uam an apengan itir puvatɨ.

2 Eghaghaniba 36:5

Jehoiakim 25plan azeniba ikia, Judabar atrivimɨn oto. Egha 11plan azenibar Jerusalemɨn atrivimɨn ike. Jehoiakim Ikiavɨra Itir Godɨn damazimɨn arazir kurabagh ami.

2 Eghaghaniba 36:7

Egha Nebukatnesar uaghan Ikiavɨra Itir Godɨn Dɨpenimɨn aven itarir ekiar maba ko, itarir dozir maba inigha Babilonɨn ghugha, uan atrivir dɨpenimɨn da arɨki.

Esra 1:7

Ezɨ Atrivim Sairus uaghan, Ikiavɨra Itir Godɨn Dɨpenimɨn itir itarir aghuiba ko, itarir dɨpam apiba sara me ganɨngi. Itariba ko itarir dɨpam apiba, Atrivim Nebukatnesar fomɨra ghua Israelia ko mɨsogha me abɨragha Jerusalemɨn da inigha izegha, da isa uan asebar dɨpenim gatɨ.

Aisaia 11:11

Egh gɨn ua izamin dughiamɨn, Ekiam uamategh uan agharim ghufegh uan gavgavim akagh, uan gumazamiziba inigh uamategh izɨ, men nguibabar me arɨgham. Kar gumazamizir ikiavɨra itir varazira, me kantri Asiria ko, Isip ko, Itiopia ko, Elam ko, Babilonian kantri ko, Hamat ko, Mediterenianɨn Ongarir Ekiamɨn arighatɨzibar ikiavɨra itiba.

Aisaia 42:24

Tinara mɨkemezɨ, apaniba iza, e Jekopɨn anabamɨn gumazamizibagh asɨghasɨki? E Israelia, tinara e isa en apanibar agharim gatɨzɨ, me izegha en biziba okeme? Ikiavɨra Itir God uabɨ arazir kam gami. E akɨrim ragha Ikiavɨra Itir God gasaragha arazir kurabagh amua, an Akar Gavgaviba batogha, a ifongezɨ moghɨn zuir puvatɨ. Kamaghɨn amizɨ, a uabɨ bizir kam gamizɨ, an oto.

Jeremaia 25:1

Ikiavɨra Itir God Judabav kɨmamin akam iti, egha akar kam isa Jeremaia ganɨngi. Dughiar kamɨn Josaian otarim Jehoiakim, a Judabar atrivimɨn itima, an namba 4ɨn azenim oto. Ezɨ Nebukatnesar Babilonɨn atrivim itima an namba 1ɨn azenim oto.

Jeremaia 27:16

Kɨ ofa gamir gumaziba ko, gumazamiziba bar me bagha kamaghɨn akam akura ghaze, “Kɨ Ikiavɨra Itir God, kɨ guizbangɨra mɨgei, ia akam inigha izir gumazir ifavarir kabar akaba baraghan markɨ. Me ghaze, ‘Me kɨran oveghangɨn Ikiavɨra Itir Godɨn Dɨpenimɨn aven ingangarim damuamin bizir Babilonɨn itiba, me bar ada inigh ua Jerusalemɨn izam.’ Godɨn akam inigha izir gumazir ifavarir kaba pura ia gifari.

Jeremaia 28:3

Azenir pumuning ikɨvɨra ikɨtɨ, kɨ ua Ikiavɨra Itir Godɨn Dɨpenimɨn aven ingangarim damuamin bizir kaba bar ada inigham, kar bizir Nebukatnesar inigha Babilonɨn ghuziba, ezɨ kɨ ua da inigh Jerusalemɨn izam.

Jeremaia 35:11

Ezɨ dughiar Babilonɨn Atrivim Nebukatnesar iza nguibar ekiar kam ko mɨsozima, e Kaldia ko Sirian mɨdorozir gumazibar atiatingi, egha e Jerusalemɨn ikiasa akam mɨsoke. Kamaghɨn amizɨ, e datɨrɨghɨn Jerusalemɨn ikiavɨra iti.”

Jeremaia 50:2

“Nɨ Kantrin Igharazibar Gumazamiziba bagh mangɨ, akam me mɨkɨn. Nɨ nir avɨzim fegh ghuanang, eghtɨ gumazamiziba an ganigh, izɨ akam baragh. Egh akam mongan markɨ. Nɨ mangɨ kamaghɨn me mɨkemegh, ‘Apaniba Babilonɨn nguibam inigha gɨfa. Babilonɨn aser kam, Bel, a bar aghumsɨki. Ezɨ asem Marduk dɨgavir kuram gami. Ezɨ Babilonɨn asebar marvir guaba bar aghumsɨki, ezɨ dar nedazir kuriba dɨgavir kuram gami.’ ”

Jeremaia 51:44

Kɨ mɨzazim Bel gasegham, a Babilonɨn asem. Kɨ a damightɨ bizir a tuavaremeziba, uam a dar migham. Eghtɨ Kantrin Igharazibar Gumazamiziba uam an izan kogham. Eghtɨ Babilonɨn dɨvazir ekiam bar akarighirɨgham.

Daniel 5:13

Egha me Daniel inigha aven ghuzɨma, an atrivimɨn boroghɨn tughav iti. Ezɨ atrivim kamaghɨn a mɨgei, “Nɨ Daniel, nɨ ti Judan gumazir mam? Nɨ ti Judan adarazir mav, fomɨra nan afeziam, Atrivim Nebukatnesar, nɨ inigha ize?

Daniel 5:18

“Nɨ oragh. Godɨn Bar Pɨn Itim, a nɨn afeziam Nebukatnesar gamizɨ, a bar atrivir ekiamɨn otogha bar gavgafi, egha ziar ekiam ikia bar pɨn ti.

Habakuk 1:16

Egha arazir kamra, me dagher avɨriba ko, bizir aghuir avɨrim uari bagha da akumakua, dar pozim mɨkɨri. Egha me uan asebar ziaba fava, bizir mughuriar aghuiba zuiba tuava, mughuriar aghuiba me ganɨga, me bagha ofabagh ami.

Sekaraia 5:11

Ezɨ ensel kamaghɨn na ikara, “Aning akɨrar kam inigh Babilonɨn mangɨva, a bagh an ziam famin dɨpenir ekiatamɨn ingaram. Aning dɨpenimɨn ingarigh gɨvaghɨva, akɨrar kam an averiam datɨgham. Eghtɨ Babilonian gumazamiziba me dɨpenir kamɨn an ziam fam.”

Godɨn Araziba 32:30

Men Ikiavɨra Itir Godɨn gavgavim, a men dagɨar ekiar gavgavimɨn mɨn iti. Egha a men aghuagha me ataki. Ezɨ ia bizir Israelia batozir kam gɨnɨghnɨgh: manmaghsua, apanir vamɨra Israelian 1,000pla mɨsogha me abɨni? Ezɨ manmaghsua apanir pumuning, Israelian 10,000pla mɨsogha me abɨni? Bar guizbangɨra, bizir kamɨn mɨngarim kamakɨn: Men God men aghuagha akɨrim ragha me gasara.

Gumazir Dapaniba 2:14

Ezɨ Ikiavɨra Itir God bar men anɨngaghegha, mɨdorozir gumaziba ko okɨmakɨar gumaziba ataghizɨ me iza Israelia mɨsogha men biziba bar da okeme. Ikiavɨra Itir God me isa apanibar agharim gatɨzɨ, me tintinibar ikegha iza bar me abɨra. Israelia mɨtivigh gavgavigh uari bagh mɨsoghan ibura.

Gumazir Dapaniba 3:8

Kamaghɨn amizɨ, Ikiavɨra Itir God Israelian atara Mesopotemian atrivim Kusan Risataim ataghizɨma, a mɨdorozimɨn me gafira. Israelia 8plan azenibar atrivim Kusan Risataimɨn gavgavimɨn apengan iti.

Gumazir Dapaniba 4:2

Kamaghɨn amizɨ, God Jabin ataghizɨ, a uaghan me abɨra. Jabin, a Kenanian atrivir mam, egha Hasorɨn nguibamɨn garir atrivim. Atrivim Jabin, an mɨdorozir gumazibar dapanim Sisera, a nguibar ekiam Haroset Hagoimɨn gumazir mam.

1 Samuel 5:2

Me otivigha gɨvagha Godɨn Boksiam inigha, me uan asem Dagonɨn ziam fer dɨpenimɨn aven ghu. Egha Dagonɨn marvir guar dagɨamɨn ingarizimɨn boroghɨn anetɨ.