Aposel 8:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Ezɨ Saimon uaghan nɨghnɨzir gavgavim ikia egha rue. Egha Saimon Filipɨn gɨn arua garima, Filip arazarazir ekiaba ko mirakelbagh amima da otifi, ezɨ a dɨgavir kuram gami.

Godɨn Akar Aghuim; Akar Dɨkɨrɨzir Gavgavir Igiam

¹³ Ezɨ Saimon uaghan nɨghnɨzir gavgavim ikiava egha rue. Egha Saimon Filipɨn gɨn arua garima, Filip arazarazir ekiaba ko mirakelbagh amima da otivima, a dɨgavir kuram gami.

Aposel 8:13 ပူးပေါင်းရင်းမြစ်များ

Aposel 19:11

Egha God mirakelɨn bar gavgavir igiaba Polɨn dafarimningɨn dagh ami.

Jon Osirizir Akar Aghuim 5:20

Afeziam bar Otarim gifonge, egha bizir a uabɨ amiba, a bar ada isa uan Otarimɨn aka. Afeziam kamaghsua, a ia damutɨ ia dɨgavir kuram damuam, kamaghɨn a ingangarir ekiar igharaziba sara uaghan uan Otarimɨn akagham, da ingangarir an amigha gɨvazibagh afiragham.

Aposel 13:44

Ezɨ Sabatɨn dughiar igharazim otozɨ, nguibar ekiar kamɨn itir gumazamizir avɨrim bar iza uari akuvagha Ekiamɨn akam barasi.

Jon Osirizir Akar Aghuim 7:21

Ezɨ Iesus kamaghɨn men akam ikaragha ghaze, “Kɨ mirakelɨn ingangarir vamɨra a gami, ezɨ ia bar nɨghnɨzir avɨribagh ami.

Luk Osirizir Akar Aghuim 8:13

Ezɨ dagɨaba itir danganibagh irezir witɨn ovɨziba mati, gumazamizir akam baregha bar akongeziba, ezɨ men biba nguazim giraghuezir puvatɨ. Me dughiar otevimɨn nɨghnɨzir gavgavim Godɨn iti, ezɨ osɨmtɨzibar dughiam me God ataki.

Mak Osirizir Akar Aghuim 16:17

Eghtɨ nɨghnɨzir gavgavim nan itiba, mirakelɨn arazir kaba uaghan me bativam: me nan ziamɨn duar kuraba batoghɨva, me nguibabar akar fozir puvatɨzibav kɨmɨva, egh kuruziba uan dafaribar dar suigham. Egh me imezir dɨpar ariaghiritam rameghtɨ a tong men navibagh asɨghasighan kogham. Egh me uan dafariba isɨ arɨmariar gumazamizibar arɨghtɨ men arɨmariaba gɨvam.”

Aposel 8:21

Nɨn navir averiam Godɨn damazimɨn derazir puvatɨ. Kamaghɨn amizɨ, nɨ Godɨn ingangarimɨn aven ikian kogham.

Aposel 3:10

me an ganigha a gɨfogha ghaze, gumazir kamra Godɨn Dɨpenimɨn tiar akar ziam, Tiar Akar Bar Dirimɨn apiav ikia, dagɨaba bagha gumazamizibagh inge. Egha me dɨgavir kuram gamigha pura nɨghnɨsi, manmaghɨn amizir bizim kav bato.

Habakuk 1:5

Ezɨ Ikiavɨra Itir God kamaghɨn uan gumazamizibav mɨgei, “Ia bar deraghvɨra kantrin igharazimɨn gumazamizibar gan! Maia! Ia nguazir kamɨn itir dughiamɨn, kɨ bar bizir igharagha garim ian tongɨn a damigham. Eghtɨ ia bizir kam bareghamin dughiamɨn, ia ti nɨghnɨzir gavgavim an ikian kogham! Kamaghɨn amizɨ, ia bar dɨgavir kuram damigham!

Matyu 3:6

uan arazir kurabar gun mɨgeima a Jordanɨn Fanemɨn me rue.