Aposel 5:39 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁹ Egh me Godɨn tugh bizim damutɨ, ia men anogoroghan kogham. Ia fogh suam, ia God ko mɨsosi.”

Godɨn Akar Aghuim; Akar Dɨkɨrɨzir Gavgavir Igiam

³⁹ Egh me Godɨn tugh bizim damutɨ, ia men anogoroghan kogham. Ia fogh suam, ia God ko mɨsosi.”

Aposel 5:39 ပူးပေါင်းရင်းမြစ်များ

Aghuzir Akaba 21:30

Nɨ nɨghnɨzir aghuim ko fofozir aghuim ko bizibar amuamin fofozim ikɨ, egh nɨ Ikiavɨra Itir Godɨn apanimɨn ikɨtɨ, nɨn fofozir aghuir kam nɨn akuraghan kogham.

Aisaia 46:10

Bizir tam tɨghar otivamin dughiamɨn, an otogh manmaghɨn gɨvagham, kɨ bizir kamɨn gun mɨgei. Kɨ bar fomɨra bizir otivambar gun mɨkeme, ezɨ gɨn bizir kaba kɨ mɨkemezɨ moghɨram otifi. Egh kɨ bizir manatam damusɨ ifongegh, kɨ puram a damuam. Eghtɨ kɨ damuasa ifongezir bizir kam, bizitam nan tuavim apɨrighan kogham.

Matyu 16:18

Ezɨ kɨ nɨ mɨgei, nɨ Pita. Egh dagɨar kam gisɨn kɨ uan siosɨn ingaram, eghtɨ Ovevemɨn Gavgavim an suiragh anepɨrighɨva a gasɨghasighan kogham.

Aposel 7:51

Egha Stiven ua kamaghɨn Judan kotɨn gumazibav gei, “Ia bar orazir puvatɨzir darasi! Ian naviba ko nɨghnɨziba mati, God gɨfozir puvatɨzir gumazamiziba! Ia uan inazir afeziabar mɨrarama ami! Ia uaghan Godɨn Duam zurara a batosi!

1 Korin 1:25

Nguazimɨn itir gumazamiziba kamaghɨn nɨghnɨgha ghaze, “Godɨn nɨghnɨzir maba bar ongani.” Ezɨ nɨghnɨzir kamra bar gumazamizibar nɨghnɨzibagh afira. Ezɨ me kamaghɨn nɨghnɨsi, Godɨn arazir maba kamaghɨn en akakasi, God gavgaviba puvatɨ. Ezɨ an arazir kabara bar gavgavigha, bar gumazamizibar gavgavim gafira.

Aposel 11:17

E fo, e faragha nɨghnɨzir gavgavim Ekiam Krais Iesusɨn itima, Godra uan Duam bizir aghuimɨn mɨn e ganɨngi. Egha kamaghɨra datɨrɨghɨn God Kantrin Igharazibar Gumazamiziba uaghan uan Duam, bizir aghuim mɨn me ganɨngi. Kamaghɨn amizɨ, kɨ tina, kɨ God me ko ingaramin ingangarimɨn anogoregham?”

Aposel 9:5

Ezɨ Sol azara, “Ekiam, nɨ tina?” Ezɨ a kamaghɨn a mɨgei, “Kɨ Iesus, nɨ na gasɨghasɨsi.

Aposel 6:10

Ezɨ Godɨn Duam fofozir aghuim isa Stiven ganɨngi. Kamaghɨn amizɨ, Judan gumaziba an akaba ko mɨkɨman ibura.

Luk Osirizir Akar Aghuim 21:15

Eghtɨ kɨ nɨghnɨzir aghuiba ko mɨgɨrɨgɨar aghuiba ia danɨngtɨma, ia mɨgɨrɨgɨar aghuibara damutɨ, ian apanitam ian akaba batoghɨva ia adoghan kogham.

Daniel 4:35

A gari, nguazimɨn itir gumazamiziba mati pura biziba. An Nguibamɨn itir enselba ko nguazimɨn itir gumazamiziba an apengan iti, a bar me gatifa. Egh a bizitam damusɨ an a damuam, eghtɨ gumazitam an anogoreghan kogham. Guizbangɨra, gumazitam kamaghɨn an azangsɨghan kogham, Nɨ bizir tizim gami. Bar puvatɨ.

Jopɨn Akɨnafarim 34:29

God nɨmɨra ikɨ bizitam damuan koghtɨ, tinara suam God arazir kuram gami? Egh a uan guam modoghtɨ, tina an boroghɨn mangɨ an guamɨn ganam? Bar puvatɨ. God gumazamiziba ko kantribagh ativagha bar dar gari, eghtɨ gumazir kuratam atrivimɨn otoghan kogh, egh gumazamizibagh asɨghasɨghan kogham, mati gumazim asɨzimɨn suighasa azuazimɨn ingari.

Aposel 23:9

Kamaghɨn amizɨ, adoghodozir dafam otozɨ Judan Arazibagh fozir gumaziba (me Farisiba), me dɨkavigha pamtem mɨgɨa ghaze, “Gumazir kam osɨmtɨziba an puvatɨ. A ti guizbangɨra mɨgei, ensel o duam ti a mɨkemeghama.”

Aisaia 43:13

Datɨrɨghɨn ko dughiabar zurara, kɨ guizɨn Godɨn ikiam. Kɨ gumazamizitabar suiraghtɨ me nan agharimɨn ikɨtɨ, tina nan gavgavim iriagh, nan agharimɨn me batuegham? Bar puvatɨgham. Egh kɨ ingangaritam damutɨ, gumazitam nan ingangarim tɨvaghan kogham.”

Aisaia 45:9

E gumazamiziba, God en ingari, e mati pura bizir kɨniba. Kamaghɨn gumazir Godɨn atara a mɨgeim, a bar ongani. Gumaka, a bar ikuvigham. God mati gumazir nguazir mɨnebar ingarimɨn mɨn iti. Ezɨ e nguazir mɨnebar mɨn, bɨaghiregha pura tintinibar nguazim gireghav iti. Ia bizir kam gɨnɨghnɨgh. Nguazir mam ti dɨkavigh mangɨ gumazir a inigha mɨnemɨn ingarizim, kamaghɨn an azaragham, “Manmaghɨn ami? Nɨ na inigha bizir tizimɨn ingari?” Eghtɨ nguazim ti kamaghɨn atar mɨkɨmam, “Nɨ tizim bagha bizir nɨ ingarizir kam, an suighamin agharimningɨn ingarizir puvatɨ?”

2 Atriviba 19:22

Nɨ uabɨra uan ziam fa, egha nɨ tinara akar kuraba ko dɨbovibar a gami? Nɨ tinara pamtemɨn tiraghtirazir akabar a mɨgei? Nɨ tinara dɨkabɨnasa arazir kabagh ami? Kɨrara, kɨ Israelian Godɨn Bar Zuezim, nɨ bizir kabar na gami!

1 Atriviba 12:24

‘Kɨ Ikiavɨra Itir God, kɨ kamaghɨn mɨgei: Ia mangɨ Israelia mɨsoghan markɨ, me ian adarasi. Guizbangɨra, kɨ uabɨ kamaghɨn amizɨ, Israelia ian bighiaghirɨ. Kamaghɨn ia uamategh uan nguibabar mangɨ.’ ” Ezɨ Semaia Ikiavɨra Itir Godɨn akam me mɨkɨnizɨ, me uamategha uan nguibabar ghue.

2 Samuel 5:2

Sol fomɨra en atrivimɨn itima, nɨ mɨdorozibar Israelia e bagha en mɨdorozir gumazibar faragha zui. Ezɨ Ikiavɨra Itir God nɨ mɨgɨa ghaze, nɨ sipsipbagh eghuvir gumazimɨn mɨn ikɨ, en gumazamizibagh ativagham. Egh en atrivimɨn otogham.”

1 Korin 10:22

E ti Ekiam damightɨ, an navim ikuvigham o? En gavgavim ekevegha, Ekiamɨn gavgavim gafiras? Bar puvatɨ!

Jenesis 24:50

Ezɨ Laban ko Betuel kamaghɨn an akam ikaragha ghaze, “Ikiavɨra Itir God uabɨ bizir kam gamizɨ, ezɨ e mɨgɨrɨgɨaba puvatɨ.