Aposel 4:28 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁸ Nɨ fomɨram otivasa mɨkemezir biziba, me nɨn gavgavim ko nɨn nɨghnɨzimɨn gɨn ghua dagh ami.

Godɨn Akar Aghuim; Akar Dɨkɨrɨzir Gavgavir Igiam

²⁸ Me nɨn gavgavim ko nɨn nɨghnɨzimɨn gɨn zui, nɨ fomɨram otivasa mɨkemezir biziba.

Aposel 4:28 ပူးပေါင်းရင်းမြစ်များ

Aposel 2:23

God uan ifongiamɨn gɨn ghua ia bagha fomɨra nɨghnɨzir mam gamigha, uan Otarim isa ian agharim gatɨ. Ezɨ ia gumazir kurabar agharimɨn, a isa ter ighuvimɨn a gafuzɨ, an areme.

Aisaia 46:10

Bizir tam tɨghar otivamin dughiamɨn, an otogh manmaghɨn gɨvagham, kɨ bizir kamɨn gun mɨgei. Kɨ bar fomɨra bizir otivambar gun mɨkeme, ezɨ gɨn bizir kaba kɨ mɨkemezɨ moghɨram otifi. Egh kɨ bizir manatam damusɨ ifongegh, kɨ puram a damuam. Eghtɨ kɨ damuasa ifongezir bizir kam, bizitam nan tuavim apɨrighan kogham.

Jenesis 50:20

Bar guizbangɨra, ia na gasɨghasɨghasa akam mɨsoke. Ezɨ kɨ fo, God ian amamangatɨzɨ, ia arazir kam gami. Guizbangɨra, God gumazamizir avɨribar akurvaghasa ifonge, eghtɨ me ikuvighan kogham. Ezɨ ia God amizir ingangarir kam gɨfogha gɨfa.

Matyu 26:24

Gumazamizibar Otarim, Godɨn Akɨnafarim mɨkemezɨ moghɨn, an aremegham. Eghtɨ gumazir Gumazamizibar Otarim isava apanibar agharim gatɨzim, gumaka! A bar ikuvigham! Amebam a batezir puvatɨzɨ deraghai!”

Aposel 3:18

Ezɨ God fomɨra an akam inigha izir gumaziba bar me mɨkemezɨ, me mɨgɨa ghaze, God Uam E Iniasa Mɨsevezir Gumazim, Krais, mɨzazim iniam. Ezɨ God uan mɨgɨrɨgɨabagh amizɨ moghɨn dar dagheba otifi.

Aisaia 53:10

Ezɨ Ikiavɨra Itir God, uabɨ uan ifongiamɨn gɨn ghua uan ingangarir gumazir kam dɨkabɨragha a gamizɨ, a mɨzazim isi. A fo, ingangarir gumazim gumazamizibar arazir kuraba gɨn amangɨsɨ, osɨmtɨziba agɨvamin ofan mɨn uan mɨkarzim anightɨ, an ikɨrɨmɨrim bar ruaraghtɨ, a uan ovavir boribar ganam. Egh ingangarir an amim, Ikiavɨra Itir God ingarasa ifongezir araziba, a dar amuam. Egh a bizir kabar amutɨ, da deraghvɨram otivam.

Hibru 6:17

God fomɨra, gumazamiziba uan akar dɨkɨrɨzim me ganɨngizɨ, me fo, me gɨn an akam akɨrizir biziba iniam. Dughiar kam a deraghvɨra kamaghɨn men akaghasa ifongegha ghaze, nɨghnɨzir kam uam an otevkɨnighan kogham. Kamaghɨn amizɨ, a gavgavim uan akar dɨkɨrɨzim ganɨga uan ziam dɨbora ghaze, bar guizbangɨra.

Efesus 1:11

God uan ifongiam ko nɨghnɨzimɨn gɨn ghua, bizibagh amima da otifi. A faraghavɨra uan nɨghnɨzimɨn gɨn ghua, e Krais ko porogh an gumazamizibar mɨn ikiasa, an e amɨsefe.

Luk Osirizir Akar Aghuim 22:22

Eghtɨ Gumazamizibar Otarim tuavir Afeziam faragha a bagh atɨzimɨn gɨn mangam. Ezɨ gumazir a inigha gumazir kurabar dafarim gatɨzim, gumaka, a bar ikuvigham.”

Matyu 26:54

Kɨ kamaghɨn damightɨ, Godɨn Akɨnafarim mɨkemezir mɨgɨrɨgɨaba otivan kogham. Godɨn Akɨnafarim na bativamin bizir kabav keme.”

Aisaia 40:13

Gumazitam bizibar amuamin fofozim, Ikiavɨra Itir Godɨn sure damuan kogham. Gumazitam an faragh mangɨ nɨghnɨziba a danɨngan kogham.

Aisaia 28:29

Ingangarir kabar fofozim ko nɨghnɨzir aghuim, bar Ikiavɨra Itir Godɨn Gavgaviba Bar Itimɨn ize. A uabɨra fofozir aghuir guar avɨriba ko nɨghnɨzir aghuim bar a gizɨfa.

Aisaia 5:19

Ia kamaghɨn mɨgɨa ghaze, “E kamaghɨn orasi, Israelian Godɨn Bar Zuezim, a bizitamɨn e damusɨ egh a zuamɨram a damuam. Egh e kamaghɨn ganigh, an nɨghnɨzim gɨfogham.”

Aghuzir Akaba 21:30

Nɨ nɨghnɨzir aghuim ko fofozir aghuim ko bizibar amuamin fofozim ikɨ, egh nɨ Ikiavɨra Itir Godɨn apanimɨn ikɨtɨ, nɨn fofozir aghuir kam nɨn akuraghan kogham.

Onger Akaba 76:10

Gumaziba naviba men ikufi, ezɨ bizir kam gumazir igharazibagh ami me nɨn ziam fe. Gumazir mɨdorozim gamua deragha ikiavɨra itiba, me nɨn ziam fam.

Jopɨn Akɨnafarim 12:13

Ezɨ Godɨn nɨghnɨzir aghuim ko fofozim, gumazamizir ghuribar fofozim bar a gafira. Egha uaghan gavgavir ekiam iti.

Aisaia 14:24

Ikiavɨra Itir Godɨn Gavgaviba Bar Itim kamaghɨn akar dɨkɨrɨzir mam gami: “Bar guizbangɨra, bizir kɨ damuasa nɨghnigha gɨvazim, kɨ a damuam.

Aisaia 37:26

“ ‘Senakerip, nɨ kamaghɨn fozir puvatɨ, kɨ fomɨra bizir kabar amuasa nɨ amɨsefe. Kɨ, nguibar gavgavir dɨvazir gavgaviba itiba, kɨ dagh asɨghasɨghasa, gavgavim nɨ ganɨngi. Ezɨ nɨ nan nɨghnɨzimra gɨn ghua nguibar kaba akaragharɨghizɨ da iregha, mati me dagɨaba pozibav kɨnizɨ, da iti.