Aposel 23:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ezɨ amɨnim tirazɨ ua dɨmangan, Ekiam an boroghɨn tugha ghaze, “Nɨ atiatingan markɨ! Nɨ Jerusalemɨn nan gun mɨkemezɨ moghɨra nɨ nan gun Romɨn me mɨkɨm.”

Godɨn Akar Aghuim; Akar Dɨkɨrɨzir Gavgavir Igiam

¹¹ Ezɨ amɨnim tirazɨ ua dɨmangan Ekiam an boroghɨn tugha ghaze, “Nɨ atiatingan markɨ! Nɨ Jerusalemɨn nan gun mɨkemezɨ moghɨra nɨ nan gun Romɨn me mɨkɨm.”

Aposel 23:11 ပူးပေါင်းရင်းမြစ်များ

Aposel 19:21

Bizir kaba otivigha gɨvazɨ, Pol Godɨn Duamɨn gɨn Masedonian Provins ko Akaian Provins moghɨn mangɨ, Jerusalemɨn otivasa. Egha ghaze, “Kɨ nguibar kamɨn ikeghɨva, gɨn uaghan Romɨn nguibar ekiamɨn mangam.”

Aposel 18:9

Ezɨ dɨmagarir mamɨn Ekiam irebamɨn mɨn garir bizimɨn kamaghɨn Pol mɨgei, “Nɨ atiatingan markɨ, nɨ mɨkɨmvɨra ikɨ, egh nɨmɨra ikian markɨ.

2 Timoti 4:17

Ezɨ Ekiam uabɨ nan boroghɨn ikia gavgavim na ganɨdi. Kamaghɨn amizɨ kɨ Akar Aghuim bar anekurima, Kantrin Igharazibar Gumazamiziba, me bar a barasi. Ezɨ kɨ ovengasava amima God nan akura, mati a laionɨn akamɨn ua na ini.

Matyu 14:27

Ezɨ Iesus zuamɨra me mɨgɨa ghaze, “Ia gavgafigh, kar kɨrara. Ia atiatingan markɨ!”

Filipai 1:13

Kamaghɨn mɨdorozir gumazir Romɨn atrivimɨn dɨpenimɨn gariba ko gumazir igharaziba sara, me bar kamaghɨn fogha gɨfa, kɨ Kraisɨn ingangarim gamima, me bizir kam bagha na isa kalabus gatɨ.

Aisaia 41:10

Kɨ ian God, egha kɨ ia ko iti, kamaghɨn amizɨ, ia atiatingan markɨ. Kɨ ia damutɨ ia gavgavightɨ, kɨ ian akuragham. Kɨ bar deravɨra ian ganɨva, uan gavgavir ekiamɨn ian apaniba abɨnam.

Matyu 9:2

Ezɨ me soroghafariba amɨrazir gumazir mam inigha a bagha izi. Gumazir kam akuriamɨn iti. Ezɨ Iesus gumazir kabar nɨghnɨzir gavgavimɨn ganigha kamaghɨn arɨmariar gumazir kam mɨgei, “Nan borim, nɨn navim bar amɨragh ikɨ. Kɨ nɨn arazir kuraba gɨn amada.”

Aisaia 43:2

Ia dɨpar konibagh irɨ mangɨtɨ, kɨ ia ko mangam. Ia faneba abɨgh vongɨn mangɨtɨ, da ia avan kogham. Eghtɨ ia avir ekiar puvɨra isimɨn aven mangɨtɨ, a ian isian kogham.

Aisaia 41:14

Ikiavɨra Itir God ghaze: “O Israelia, ia avɨrasemezir puvatɨgha gavgaviba puvatɨ. Kɨ ian akurvagham. Kɨ Israelian Godɨn Bar Zuezim, ian Akurvazir Gumazim.

Aposel 22:18

Kɨ Ekiamɨn garima a na mɨgei, ‘Nɨ zuamɨra dɨkavigh Jerusalem ategh mangɨ. Nɨ kagh nan akam akuntɨma, me a bareghan kogham.’

Aposel 20:22

“Ia oragh, Godɨn Duar nan aven itim, a datɨrɨghɨn Jerusalemɨn mangasa puvɨra na mɨgei. Ezɨ kɨ fozir puvatɨ, bizir manatam munagh na batogham.

Aposel 2:25

Devitɨn Onger Akabar Akɨnafarim kamaghɨn mɨkeme: “ ‘Kɨ Ekiamɨn garima a zurara bar nan boroghɨra iti. A bar roghɨra ikia gavgavim na ganɨdi. Kamaghɨn amizɨ, kɨ atiatiava agoir puvatɨ.

Jon Osirizir Akar Aghuim 16:33

Ia nan poroghɨv ikɨva egh ia navir amɨrizim ikiasa kɨ ifonge. Kamaghsua kɨ akar kam ia mɨkeme. Eghtɨ ia nguazir kamɨn ikɨtɨ, osɨmtɨziba ia bativam. Eghtɨ ian naviba gavgavigh ikɨ! Kɨ nguazir kamɨn gavgavim dɨkabɨragha anegɨfa!”

Jon Osirizir Akar Aghuim 14:18

“Kɨ ia ateghtɨ, ia mati borir ameboghfeziaba puvatɨzibar mɨn uarira ikian kogham. Puvatɨ. Kɨ ua ia bagh izam.

Matyu 28:20

Egh kɨ ia mɨkemezir mɨgɨrɨgɨaba, ia bar da isɨva men sure damu, eghtɨ me dar gɨn mangɨ. Ia deravɨra fogh, kɨ ia ko ikɨvɨra ikɨ mangɨtɨ, nguazir kamɨn dughiam gɨvagham.”

Aisaia 46:10

Bizir tam tɨghar otivamin dughiamɨn, an otogh manmaghɨn gɨvagham, kɨ bizir kamɨn gun mɨgei. Kɨ bar fomɨra bizir otivambar gun mɨkeme, ezɨ gɨn bizir kaba kɨ mɨkemezɨ moghɨram otifi. Egh kɨ bizir manatam damusɨ ifongegh, kɨ puram a damuam. Eghtɨ kɨ damuasa ifongezir bizir kam, bizitam nan tuavim apɨrighan kogham.

Onger Akaba 109:31

Guizbangɨra, apaniba gumazamizir onganaraziba isɨ kot datɨgh kamagh mɨkɨm suam, me arɨmɨghiram. Ezɨ, God gumazamizir onganarazibar gara men akurvasi.

Aposel 22:15

Nɨ an akam akun, egh ganigha oraghizir bizibar gun gumazamiziba bar me mɨkɨmam.

1 Korin 9:1

Ia nan gan fogh, kɨ gumazir fɨriaghɨrɨzim! Kɨ guizbangɨra aposelɨn mam! Egha kɨ uabɨ Iesus en Ekiam, kɨ an ganigha gɨfa. Egha kɨ Ekiamɨn ingangarim gamima, nan ingangarimɨn ia gamizɨma, ia Kraisɨn adarazir otifi!