Aposel 2:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ezɨ en marazi Kritɨn Arighatɨzim ko Arebian Distrighɨn gumazamiziba, e vaghvagha me barazima me en nguibabar akabar God amizir bizir ekiabar gun mɨgei!”

Godɨn Akar Aghuim; Akar Dɨkɨrɨzir Gavgavir Igiam

¹¹ E bar moghɨra, Judaba ko Kantrin Igharazibar Gumaziba, me Judan arazibagh amuava dar gɨn ghua, egha me uaghan, mati en marasi. Ezɨma en marazi Kritian arighatɨzim koma Arebian Distrighɨn gumaziba, e vaghvagha me barazima me en nguibabar akabar God amizir bizir ekiabar gun mɨgei!”

Aposel 2:11 ပူးပေါင်းရင်းမြစ်များ

1 Korin 12:10

Egha igharazitav, a mirakelbagh amir gavgavim a ganɨdi. Egha igharazitav, a Godɨn otivir akabar gun mɨgeir gavgavim a ganɨdi. Egha igharazitav, a duaba tuisɨghamin gavgavim a ganɨdi. Egha igharazitav, Godɨn Duamɨn otivir mɨzer guar avɨribav kɨmamin gavgavim a ganɨdi. Egha igharazitav, a mɨzer kabagh ighavkɨnamin gavgavim a ganɨdi.

Ua Me Ini 15:11

O Ikiavɨra Itir God, ua godɨn manam ikia nɨn mɨn gavgafi? Tav ua itir puvatɨ. Nɨ atrivir ekiam, egha arazir aghuibaram ami. Nɨ bar pɨn kozɨ, e nɨn atiati. Tina nɨn mɨn iti? Tav ua itir puvatɨ. Nɨrara dɨgavir kuram gamir arazibagh ami, egha ingangarir ekiabagh ami.

Hibru 2:4

Dughiar kamɨn, God mirakelɨn igharagha gariba ko dɨgavir kuram gamir arazibagh amua uan ifongiamɨn gɨn ghua Godɨn Duamɨn bizir aghuiba tuiragha gumazamizibagh anɨdi. Ezɨ arazir kamɨn a kamaghɨn en aka, an Otarimɨn akar kam a bar guizbangɨra ghu.

Taitus 1:12

Fomɨra, Kritɨn gumazir fofozir mam, anarɨra kamaghɨn mɨkeme, “Kritɨn gumaziba, me zurara ifarir gumaziba, me gumazir bar kuraba. Me damasavɨra nɨghnɨgha ikia, egha ingangaribar amuan bar amɨra. Me mati asɨzir atiaba.”

Jeremaia 25:24

Egha kɨ ghua Arebian atriviba ko, gumazamiziba puvatɨzir danganimɨn itir ikɨzir igharagha gariba, men atrivibagh anɨngi.

Onger Akaba 26:7

Kɨ nɨ mɨnabava nɨ bagha onger akar mam banga nɨn ingangarir bar aghuir nɨ amizibar gun mɨgei.

Jopɨn Akɨnafarim 9:10

A dɨgavir kuram gamir bizir guar avɨribagh ami, ezɨ da bar en fofozim gafira. Ezɨ dɨgavir kuram gamir arazir an amiba, e da mengɨva avegham.

Taitus 1:5

Kɨ kamaghɨn nɨghnɨsi, nɨ uan ingangarir otevir nɨ amua gɨvazir puvatɨziba agɨvagh, egh kɨ nɨ mɨkemez moghɨn vaghvagh nguibar ekiabar itir siosbar gumazamizir dapaniba amɨsɨv. Kɨ kamaghsua Kritɨn Arighatɨzimɨn nɨ ataki.

Aposel 27:12

Kuritam amɨnir ekiamɨn ongarir mɨkebar kamɨn ikeghan kogham. A bar ikufi. Kamaghɨn gumazir avɨriba mangɨvɨra ikiasa mɨgei. Egha ghaze, me manmaghɨn Finiksɨn otivigh ikɨtɨ amɨnir kam gɨvagham. Kar Kritɨn Arighatɨzimɨn itir ongarir mɨkebam. Finiks, a Kritɨn Arighatɨzimɨn Sautɨn ongarir mɨkebamɨn aven iti. An aruem ghuaghiri naghɨn gari.

Aposel 27:7

Egha e dɨkavigha kurim dughiar avɨribar nɨmɨra zuima e pamten ingarava ghua nɨmɨra Nidusɨn boroghɨn zuima, amɨnim bar gavgavizɨma kurim uan tuavim ategha ghua Kritɨn Arighatɨzimɨn oto, a Salmonɨn Arighatɨzimɨn nguazir otevimɨn boroghɨn iti. Egha Kritɨn amɨnim ivai puvatɨzir danganimɨn ghuaghiri.

Jeremaia 3:2

Ia kogh mɨghsɨabar ganɨva deraghvɨra nɨghnɨgh. Ia mɨghsɨar kabanangɨn, ti dar tam gisɨn gumaziba ko amiziba uari isava akuir arazim gamizɨ moghɨn, asebar ziaba fez, o? Puvatɨ, ia mɨghsɨabar vaghvagha arazir kam gami. Ia aseba baghavɨra iti, mati tuavimɨn amizim, tuavir mɨriabar apiav ikia gumaziba bagha gari. Egha uaghan mati Arebiabar mɨn gumazamiziba puvatɨzir danganibar mogav ikia gumazibar biziba okɨmasa me mɨzua iti. Ia mati amizim gumaziba isa me koma akuir arazir kuram gami moghɨn, uan nguazim gamizɨ, a nan damazimɨn bar mɨze.

Aisaia 28:29

Ingangarir kabar fofozim ko nɨghnɨzir aghuim, bar Ikiavɨra Itir Godɨn Gavgaviba Bar Itimɨn ize. A uabɨra fofozir aghuir guar avɨriba ko nɨghnɨzir aghuim bar a gizɨfa.

Aisaia 25:1

O Ikiavɨra Itir God, nɨ nan God, ezɨ kɨ nɨn ziam fasa. Nɨ nan akurvaghasa bizir aghuir igharagha garibagh ami. Nɨ fomɨra damuasa mɨkemezir biziba, nɨ guizbangɨra dagh amigha gɨfa. Kamaghɨn amizɨ, kɨ ziar ekiam nɨ ganɨdi.

Aisaia 13:20

Gumazitam ua nguibar kamɨn ikian kogham. Eghtɨ uaghan Arebian gumaziba izɨ uan averpenitam danganir kamɨn anesaraghan kogham. Eghtɨ sipsipbar garir gumaziba uan sipsipba inigh izɨtɨ, da danganir kamɨn irɨv ikɨ avughsan kogham.

Onger Akaba 136:4

A uabɨra mirakelɨn ekiabagh ami. A zurara en apangkuvigha mamaghɨra iti.

Onger Akaba 111:4

Ikiavɨra Itir God zurara gumazamizibar nɨghnɨzibagh amima, me zuraram an amir dɨgavir kuram gamir arazibagh nɨghnɨghvɨra iti. Ikiavɨra Itir God en apangkuva en akurvasi.

Onger Akaba 107:21

Kamaghɨn, me Ikiavɨra Itir God zurara men apangkuvigha arazir aghuimɨn me gamizir bizim bagh, a mɨnamam.

Onger Akaba 107:15

Kamaghɨn, me Ikiavɨra Itir God zurara men apangkuvigha arazir aghuimɨn me gamizir bizim bagh, a mɨnamam.

Onger Akaba 107:8

Kamaghɨn, Ikiavɨra Itir God zurara men apangkuvigha arazir aghuimɨn me gamizir bizim bagha, me a mɨnabɨ.

Onger Akaba 96:3

Ia, an gavgavim ko ingangarir aghuir an amibar gun kantriba bar dar gumazamizibav kɨm.

Onger Akaba 89:5

Ikiavɨra Itir God, nɨn Nguibamɨn itir enselba nɨ amir mirakelba bagh, ighiaba bangɨ nɨn ziam fam. Me gara fo, nɨ zurara deraghavɨra e gami, egha dughiatamɨn e ataghɨrazir puvatɨ, egh me arazir kam gɨnɨghnɨgh uari akuv nɨn ziam fam.

Onger Akaba 78:4

E akar kaba uan boribar ghuangsɨghan kogham. Borir igiar datɨrɨghɨn otivamiba, e kamagh me geghanam, Ikiavɨra Itir God, a gavgavir ekiam iti. A ingangarir ekiabagh amua, mirakelɨn arazarazir avɨribagh ami.

Onger Akaba 77:11

O Ikiavɨra Itir God, kɨ dɨgavir kuram gamir araziba ko, ingangarir ekiar nɨ faragha amiziba, kɨ uamategh dagh nɨghnɨgham.

Onger Akaba 71:17

O God, kɨ igiamra ikia iza datɨrɨghɨn, nɨ nan sure gami. Ezɨ bizir aghuir nɨ amir kaba, kɨ dughiar kamɨn dar gun mɨkɨmvɨra ikiam.

Onger Akaba 40:5

O Ikiavɨra Itir God, nɨ nan God, nɨ bizir aghuir bar avɨriba e bagha dagh ami. Gumazitam nɨn mɨn amir puvatɨ, nɨ bar me gafira. Nɨ e bagha bizir aghuir avɨribagh ami. Dar dɨbobonim bar ghuavanabozɨ, kɨ da mengan ibura.

2 Eghaghaniba 26:7

God Usian akurazɨ, a Filistiaba ko Meunia ko Gurbalɨn nguibar ekiamɨn itir Arebian adarazi abɨni.

2 Eghaghaniba 17:11

Ezɨ Filistian marazi bizir aghuir maba inigha Jehosafat bagha ize, egha me uaghan takis givezasa, silvaba inigha ize. Ezɨ Arebian gumazamiziba uaghan 7,700plan sipsipɨn apuriba ko 7,700plan memen apuriba inigha iza Jehosafat ganɨngi.

1 Atriviba 10:15

Egha a uaghan dagɨar ingangaribagh amir gumaziba da takis isi. Ezɨ Arebian atriviba ko, Israelɨn distrighbar garir gumazir dapaniba dagɨaba isa a ganɨdi.

Aisaia 21:13

Arebia bar ikuvighasa, Ekiam akar kam anɨngi. Ia Dedanian gumaziba, ia kamelɨn bɨzibagh apiagha, danganir dɨpaba puvatɨzibagh aruava, bizibagh iveza da amadi. Egh ia arɨ mangɨ Arebian ruarimɨn danganir dɨpaba puvatɨzimɨn muegham.

1 Korin 12:28

Egha God siosɨn ingangarim damuasa, faragha aposelbav sefe, egha aposelbar gɨn, a uan akamɨn otivir akabar gun mɨgeir gumazamizibav sefe, egha men gɨn, God ifongezir arazibar igharaz darazir sure gamir gumazamizibav sefe. Egha uaghan mirakelbagh amir gumazamiziba ko, gumazamizir arɨmariabagh amima da ghuamaziba ko, gumazamizir igharaz darazir akurvaziba ko, siosɨn ingangaribar amuasa gumazamizibav gɨa ingangariba vaghvagh me ganɨdiba ko, Godɨn Duamɨn otivaghirir mɨzebav geir gumazamizibav sefe.

Aposel 2:10

Ezɨ marazi Frigian Distrik ko Pamfilian Provinsɨn ize. Ezɨ marazi Isipɨn kantri, ko Libian Distrighɨn aven itir nguibar ekiam Sairinin boroghɨn ikegha ize. Ezɨ marazi Judan gumazir Romɨn nguibamɨn ikegha izeziba. Marazi Judaba, ezɨ marazi Kantrin Igharazibar Gumazamiziba, me Judan Arazibagh amua dar gɨn ghua, egha me uaghan, mati en marasi.

Aposel 2:12

Ezɨ Judan gumazamiziba dɨgavir kuram gamigha pura okam nɨghnɨgha uarir azangsɨsi, “Kar bizir tizim?”

Aposel 27:13

Ezɨ Sautɨn amɨnir amɨrizim dɨkafi. Ezɨ me ghaze, me ti deravɨra mangɨ ongarir mɨkebar me mɨkemezim batogham. Egha kamaghɨn me kurimɨn anka asigha Kritɨn ongarir dadarimɨn mɨriamɨn zui.