Aposel 17:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁶ Ezɨ God gumazir vamɨran ingari, egha an ovavir kamɨn a gumazamiziba bar men ingari. Egha me isa nguazimɨn danganiba bar dagh arɨki. Egha a uabɨ me ikiamin ikɨrɨmɨrimɨn dughiaba arɨki. Egha danganir me itiba a me bagha nguazir mɨtaghniaba arɨki.

Godɨn Akar Aghuim; Akar Dɨkɨrɨzir Gavgavir Igiam

²⁶ Ezɨ God gumazir vamɨra an ingari, egha an ovavir kamɨn a gumaziba bar men ingari. Egha me isa nguazimɨn danganiba bar dagh arɨki. Egha a uabɨ me ikiamin ikɨrɨmɨrimɨn dughiaba arɨki. Egha danganir me itiba a me bagha nguazir mɨtaghniaba arɨki.

Aposel 17:26 ပူးပေါင်းရင်းမြစ်များ

Jenesis 3:20

Ezɨ gumazim kamaghɨn nɨghnɨsi, an amuim, gumazamiziba bar men ovavir amizimɨn otogham. Kamaghɨn, a ziam, “Iv,” a gatɨ.

Malakai 2:10

E bar moghɨra afeziar vamɨra iti. Ezɨ Ikiavɨra Itir Godɨn vamɨra an e gamizɨ e otifi. Egha manmaghsuavɨra, e uari uan namakaba ko, dɨkɨrɨzir akaba abɨagharɨsi? Egha manmaghsuavɨra, e Ikiavɨra Itir God, en ovaviba ko Dɨkɨrɨzir Akar Gavgavim an gɨn zuir puvatɨ? Arazir kam, bar ikufi!

1 Korin 15:22

Ia fo, gumazamiziba Adam ko porogha kamaghɨn an mɨn me bar areme, egha kamaghɨra gumazamiziba Krais ko poro, eghtɨ kamaghɨn an mɨn me bar ua dɨkavigham.

1 Korin 15:47

Adamɨn faragha zuim, a nguazimɨn gumazim. God nguazimɨn an ingari. Ezɨ Adamɨn gɨn zuim, a Godɨn Nguibamɨn ikegha ize.

Onger Akaba 31:15

Kɨ datɨrɨghɨn itir ikɨrɨmɨrir kam, kɨ a isa nɨn dafarim gatɨ. Nɨ nan akuragh nan apanir nan agɨntɨzibar dafaribar ua na inigh.

Jopɨn Akɨnafarim 14:5

Nɨ en ikɨrɨmɨrimɨn ababanim atɨgha gɨfa, eghtɨ e manmaghɨn dughiaba ko azenibar nguazir kamɨn ikiam? Gumazitam uan ikɨrɨmɨrim bagh ua dughiatam gisɨvaghan kogham.

Jopɨn Akɨnafarim 12:23

A kantribagh amima, da gavgava ziaba iti. Egha a gɨn uam adagh asɨghasɨsi. A kantribagh amima, da otiva bar gavgafi, egha gɨn a dar gumazamiziba inigha ghua kantrin igharazibar me kalabus garɨsi.

Jenesis 9:19

Ezɨ Noan otarir 3plan kabanang, me datɨrɨghɨn nguazim gizɨvazir gumazamiziba bar men ovaviba.

Daniel 11:35

Eghtɨ apaniba gumazir dapanir tabav soghtɨ me arɨghiram. Eghtɨ men osɨmtɨzir kam gavgavim gumazamizir mabar anɨngam. Me arazir aghuibar amuva, Godɨn damazimɨn bar zuegham. Eghtɨ arazir kam gɨvaghan kogham. A kamaghɨra ikɨ mangɨ God inabazir dughiar abuananamɨn tugham.

Daniel 11:27

Egh gɨn atrivir kamning uaning inigh daperagh damam. Egh aningɨn nɨghnɨziba bar ikuvightɨ, aning akam gitɨva, akar ifavarir avɨribar uaning mɨkɨmam. Egh bizir aning damuasa ifongeziba, aning dar amighan kogham. God bizir kabar amuasa inabazim dughiam a tɨghar otivam.

Aisaia 14:31

“Ia Filistian nguibar ekiaba ko, gumazamizir men itiba, ia bar moghɨram atiatingɨva, nɨghɨva akong puv aziva, pamtemɨn dɨm gan, mɨdorozir gumazir bar bɨzir dafam, notɨn amadaghan ikegha izi. Me izima, mati avir mɨturim men gɨrakɨrangɨn otifi. Mɨdorozir gumazir kaba, me mɨdorozir gumazir bar gavgaviba, ezɨ, men tav uabɨra gɨn izir puvatɨ, me bar moghɨra uari inigha izi.”

Hibru 2:3

Ezɨ datɨrɨghɨn, God en akurazir arazim, a bizir bar ekiam. E akɨrim ragh Godɨn akurvazir arazim gasaraghɨva, e manmaghɨn arazir kuramɨn ivezim gitagham. Bar puvatɨgham. Ekiam uabɨ faragha en akurvaghasa mɨkeme, ezɨ gumazamiziba an akam baraki. Ezɨ me kamaghɨn mɨgɨa en aka, akar kamnagh a guizbangɨra.

Aisaia 45:21

Ia gumazamiziba bar moghɨra izɨ kotɨn aven uari bagh mɨkɨm. Ia fofoghsɨ uarira uarir azangsɨgh suam, godɨn manamra a fomɨra bizir datɨrɨghɨn otivasa mɨkemeziba, da datɨrɨghɨn guizbangɨrama otifi? Kɨrara, kɨ God, kɨ bizir kabav kemezɨ, da datɨrɨghɨn otifi. Ezɨ ua godba puvatɨ. Kɨ Godɨn arazir aghuibaram amim, egha kɨ ian Akurvazir Gumazim. Ezɨ ua godba puvatɨ, kɨrara kɨ God.

Aposel 15:18

Ekiam kamaghɨn mɨkeme. A bizir kaba fomɨra gumazamizibar akazɨ me dagh fo.’ ”

Onger Akaba 74:17

Nguazim mangɨ tuivamin danganiba, nɨ dar ababaniba arigha gɨfa. Azenibar aven, aruem ganamin dughiaba ko amozim izamin dughiaba, nɨ da arigha gɨfa.

Jeremaia 27:5

Kɨ uabɨ uan gavgavir ekiamɨn nguazir kamɨn ingari, egha kɨ uaghan gumazamiziba ko, asɨzibar ingarizɨ da nguazir kamɨn iti. Kɨ uabɨ uan ifongiamɨn gɨn ghua, nguaziba abɨgha gumazamizibagh anɨdi.

Aposel 14:17

Egha a ian modozir puvatɨ, eghtɨ gumazamiziba a gɨfoghan kogham. Puvatɨ. A zuraram arazir aghuibar ia gamua, amozim ia ganɨga, dagher aghuir avɨriba ia ganɨga, dagher aghuibagh ami da otifi. Egha ia gamima ian naviba deragha bar akonge.”

Aisaia 34:17

Ikiavɨra Itir God uabɨ Idomɨn nguazim abɨgha, asɨzir kaba bagha da tuiragha dagh anɨngi, eghtɨ da zurara danganir kamɨn ikɨ mangɨtɨ dar ovavir borir gɨn otivamiba, dar danganiba inigh mangɨ dughiabar ikɨ mamaghɨra ikiam. Nguazir kam, Ikiavɨra Itir God da bagha anetɨ.