Aposel 17:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Berian Judaba, men araziba ko men nɨghnɨziba bar dera. Me Polɨn mɨgɨrɨgɨaba baraghasa bar ifonge. Egha me Polɨn mɨgɨrɨgɨabar mɨngariba abɨgh bar dagh fofoghasa zurara Godɨn Akamɨn Osiziribar gari. Me kamaghɨn foghasa, Polɨn mɨgɨrɨgɨaba, da guizɨn mɨgɨrɨgɨaba, o? Kamaghɨn, me Tesalonikan itir Judabar arazibagh afira.

Godɨn Akar Aghuim; Akar Dɨkɨrɨzir Gavgavir Igiam

¹¹ Berian Judaba, men araziba ko men nɨghnɨziba bar dera. Me Polɨn mɨgɨrɨgɨaba baraghasa bar ifonge. Egha me Polɨn mɨgɨrɨgɨabar mɨngariba abɨgh bar dagh fofoghasa zurara Godɨn Akamɨn Osiziribar gari. Me kamaghɨn foghasa, Polɨn mɨgɨrɨgɨaba, da guizɨn mɨgɨrɨgɨaba, o? Kamaghɨn, me Tesalonikan itir Judabar arazibagh afira.

Aposel 17:11 ပူးပေါင်းရင်းမြစ်များ

Aisaia 34:16

Ia Ikiavɨra Itir Godɨn akɨnafarir rɨghizimɨn aven ganɨva, ia bizir kabar mɨgɨrɨgɨabar gantɨ, da ikiam. Asɨziba, o kuaraziba, o bizir tiziba, akɨnafarim dar gun mɨgei, da bar izɨ kantri Idomɨn nguazimɨn ikiam. Egh da vaghvagh asɨzir amebaba ko apuriba ikiam. Guizbangɨra, Ikiavɨra Itir God uabɨ da izasa dav keme. An Duam da akuvagh, da inigh izam.

Jon Osirizir Akar Aghuim 5:39

“Ia ghaze, akar Godɨn Akɨnafarimɨn itim, a zurara itir ikɨrɨmɨrir aghuarim ia ganɨdi. Kamaghɨn amizɨma ia akar Godɨn Akɨnafarimɨn itibar gara da tuisɨsi. Ezɨ Godɨn Akɨnafarim uaghan nan gun mɨgei!

1 Tesalonika 2:13

Ia en akam baregha Godɨn akam ini, egha gumazibar akamɨn mɨn a inizir puvatɨ, ia guizbangɨra Godɨn akamra ini. Ezɨ akar kam bar pamten ia gumazamizir nɨghnɨzir gavgavim Kraisɨn itibar navir averiabar ingari. Kamaghɨn amizɨ, e bizir kam bagha zurara God mɨnabi.

Matyu 13:23

Ezɨ witɨn ovɨzir nguazir aghuim gireziba, kar gumazamizir Godɨn akam baragha deragha anebɨgha a gɨfoziba. Gumazamizir kaba mati witɨn ovɨziba mɨsɨva, maba 100plan ovɨziba mɨsefi, ezɨ maba 60plan ovɨziba mɨsefi, ezɨ maba 30plan ovɨziba mɨsefi.”

Aghuzir Akaba 9:9

Nɨ gumazir nɨghnɨzir aghuim itim, akam a danɨngam, eghtɨ nɨghnɨzir aghuiba a gizɨv mangɨvɨra ikiam. Egh nɨ gumazir aghuimɨn sure damutɨ, an fofozim ekɨv mangɨvɨra ikiam.

Aghuzir Akaba 1:5

Eghtɨ akɨnafarir kam gumazir fofoziba itiba bar men akurvaghtɨ, me fofozim inivɨra ikiam. Egh gumazir nɨghnɨzir aghuiba itibar sure damutɨ, me tuavir aghuimɨn gɨn mangɨsɨ nɨghnɨgham.

1 Tesalonika 1:6

Egha ia Godɨn akam inizɨ, osɨmtɨzir avɨriba ia batifi, ezɨ ia Ekiamɨn araziba ko en arazibar gɨn zuima, Godɨn Duam ian navibagh amima ia bar akonge.

Jon Osirizir Akar Aghuim 3:21

Ezɨ gumazir guizbangɨn arazim gamim, a Godɨn angazangarimɨn izi. A kamaghɨn ifonge, Godɨn angazangarim deravɨra kamaghɨn gumazamizir igharazibar akagham, a Godɨn gavgavimɨn uan ingangarim gami. Ezɨ kamaghɨn gumazir kam Godɨn angazangarimɨn aven izi.”

2 Tesalonika 2:10

An arazir kurar avɨrir igharazibar amu, ovevemɨn tuavimɨn gɨn zuir gumazibagh ifaram. Me guizɨn akam gifongeghan aghua, ezɨ God men akuraghan kogham. Kamaghɨn amizɨ, gumazamizir kaba bar arɨghiregham.

1 Pita 2:2

E fo, borir iririvim an otem bagha bar kufi. Kamaghɨra, ia Godɨn Duam ia ganɨngizir daghem baghɨva mɨtiriam ian aghɨ, bizir kuratam an itir puvatɨ. Guizbangɨra, Godɨn arazir a ia gamim, ia a gɨfo, Ekiam a bar moghɨra dera. Kamaghɨra, ia Godɨn Duamɨn daghem amɨva aghung egh Godɨn Duamɨn aven gumazir aruabar mɨn ikiam.

Luk Osirizir Akar Aghuim 24:44

Egha a kamaghɨn me mɨgei, “Fomɨra Moses Osirizir Araziba, ko Godɨn akam inigha izir gumazibar osiziriba, ko Onger Akabar Akɨnafarim, da nan gun mɨkemezir biziba, da bar moghɨra guizɨn otivam. Kar bizir kɨ ia ko ikia ia mɨkemeziba.”

Aisaia 8:20

Me Godɨn Araziba ko an Akar Gavgaviba ko, an nɨghnɨzim gɨfogh. Egh me kamaghɨn damighan kogh, me mɨtarmemɨn averara ikɨtɨ, amɨnim me bagh tiraghan kogham, eghtɨ me dughiar aghuitamɨn ganighan kogham.

Aghuzir Akaba 8:10

Nan aghuzir akaba ko fofozim, aning bar deragha silva ko golɨn aghuim gafira. Kamaghɨn ia silva ko gol bagh nɨghnɨghan markɨ. Ia pamtem nan akaba inisɨ nɨghnɨgh.

Jems 1:21

Kamaghɨn amizɨ, ia bar arazir mɨzɨrɨziba ko arazir kurar otiviba, ia bar ada munamadagh. Egh ia bar uari dɨkabɨragh egh Akar God ian navir averiamɨn dɨkarazim inigh. Eghtɨ Akar kam ian akuragham.

Onger Akaba 119:148

Kɨ dɨmagaribar akuir puvatɨ. Kɨ nɨn akar dɨkɨrɨzim gɨnɨghnɨghavɨra iti.

Onger Akaba 119:100

Kɨ nɨn akabar gɨn zui. Kamaghɨn, nan fofozim gumazir aruabar fofozibagh afira.

Onger Akaba 119:97

Kɨ nɨn Arazim bagha bar ifonge. Egha arueba ko dɨmagaribar a gɨnɨghnɨghavɨra iti.

Aposel 10:33

Kamaghɨn amizɨ, kɨ nɨ bagha zuamɨram akam amada. Ezɨ nɨ deragha izi. E datɨrɨghɨn bar iza Godɨn damazimɨn iti. God nɨ mɨkemezir akaba, nɨ dav kɨmtɨma e bar da baragham.”

Aposel 2:41

Ezɨ gumazamizir avɨriba an akam baregha a gifuegha, egha rue. Ezɨ dughiar kamɨn God ua 3,000plan gumazamizir maba ua me inizɨ, me Kraisɨn adarazir aven ize.

Jopɨn Akɨnafarim 23:12

Kɨ an akam batoghezir puvatɨ. A na ganɨngizir akaba, kɨ bar dar gɨn zui. Kɨ an akaba bar dagh ifongegha ghaze, da bar dera, egha dagher isɨngɨzibagh afira.

Aposel 17:1

Pol ko an gɨn aruir gumaziba, me Amfipolis ko Apolonian nguibamning ategha ghuavɨra ikia Tesalonikan nguibamɨn oto. Tesalonikan nguibamɨn aven, Judabar dɨpenir God ko mɨgeir mam iti.

Aposel 11:1

Ezɨ aposelba ko Judian nguibabar aven itir darasi, me kamaghɨn oraki, Kantrin Igharazibar Gumazamiziba uaghan Godɨn akam ini.

Luk Osirizir Akar Aghuim 16:29

“Ezɨ Abraham an akam ikaragha ghaze, ‘Moses ko Godɨn akam inigha izir gumazibar osiziriba iti. Eghtɨ me men akaba baragh.’

Jeremaia 2:21

Kɨ nguazir kamɨn ia atɨ, mati gumazim uan azenimɨn wainɨn ikarɨzir aghuir mam ginabagha anekara, eghtɨ a gɨn bɨva ovɨzir bar aghuiba ikiam. Ezɨ manmaghɨn amizɨ ia datɨrɨghɨn iragha ruarimɨn wainɨn ikarɨzir atiamɨn mɨn oto?

Godɨn Araziba 29:29

Egha Moses ua kamaghɨn mɨgei, “Bizir maba, da Ikiavɨra Itir God, en Godɨn bizir mogomeba, da muegha a ko iti. Egha, a uan Arazibar e ko en ovavir boribav gɨa da azenim gatɨ, eghtɨ e dughiabar dar gɨn mangɨ kamaghɨra ikiam.”

Luk Osirizir Akar Aghuim 11:3

E datɨrɨghɨn damamin dagheba, nɨ datɨrɨghɨn da isɨ e danɨng.