Aposel 15:19 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁹ Jems ua kamaghɨn mɨgei, “Nan nɨghnɨzimra kara, Kantrin Igharazibar Gumazamiziba, me navibagh iragha God bagha zui. Eghtɨ e men tuaviba apɨran kogham.

Godɨn Akar Aghuim; Akar Dɨkɨrɨzir Gavgavir Igiam

¹⁹ Egha Jems ghua kamagh mɨgei, “Nan nɨghnɨzimra kara, Kantrin Igharazibar Gumaziba, me navibagh iragha God bagha zui. Eghtɨ e men tuaviba apɨran kogham.

Aposel 15:19 ပူးပေါင်းရင်းမြစ်များ

Aposel 15:28

E Godɨn Duam ko navir vamɨra ikia kamaghɨn nɨghnɨgha ghaze, e osɨmtɨzitam ua ia darɨghan kogham. Bizir e ia mɨkemeziba, darara ia dar gɨn mangɨ.

1 Tesalonika 1:9

Ezɨ dughiar e ia bagha iziba, me uari bizir otivizibar gun e geghari. Egha ia marvir guaba ategha navibagh iragha guizbangɨra Godɨn gɨn zuir arazibar me geghari. A guizbangɨra ko zurara itir God.

Aposel 15:24

E kamaghɨn oraki, en tongɨn marazi me en azarazir puvatɨgha, ghua ia mɨgɨa ian nɨghnɨzibagh asɨghasɨki. Me ia gifarazɨ ia okam nɨghnɨsi.

Aposel 26:20

Egha kɨ faragha Damaskusɨn nguibamɨn akam akuni, egha Jerusalemɨn akam akunigha, Judan nguibaba bar dar akam akurava, uaghan Kantrin Igharazibar Gumazamiziba sara akam me mɨkɨra ghaze, ‘Ia uan navibagh iragh ua God bagh izɨ. Eghtɨ ian arazir ia amiba, ian gun mɨkɨm suam, ia navibagh iragha gɨfa.’

Hosea 14:2

Ia uamategh Ikiavɨra Itir God bagh izɨ, ofan mɨn kamaghɨn a ko mɨkɨm: “O God, nɨ bar moghɨra en arazir kuraba gɨn amadagh, egh e nɨ danɨngamin bizir aghuiba inigh. Datɨrɨghɨn e bulmakaun apuriba mɨsogh nɨn ofa damuan kogham. Puvatɨgham. Arazir aghuir e fomɨra damuasa nɨ ko akam akɨriziba, e dar amuam.

Aisaia 55:7

Eghtɨ gumazamizir arazir kurabagh amiba uan arazir kuraba ategh, uam adar amusɨ nɨghnɨghan kogham. Egh me uamategh Ikiavɨra Itir God, en God, a bagh izɨtɨ, a men apangkuvigh men arazir kuraba gɨn amangam.”

Galesia 2:4

Taitusɨn mɨkarzir mogomemɨn inim aghorir mɨgɨrɨgɨamɨn mɨngarim kamaghɨn oto. Gumazir ifavarir maba mogomemɨn en tongɨn ize. Me e gifara mati me guizbangɨra en marasi. Me orazi, e fomɨra Judan Arazibar apengan itima, da e ikiagharɨki, ezɨ Iesus e gamizɨma, e datɨrɨghɨn fɨriaghɨrɨ. Ezɨ gumazir kaba Krais e fɨrizir arazibar ganasa iza ifarava en tongɨn iti. Gumazir kaba e damutɨ e ua Judan Arazibar apengan ikɨtɨ da uam e ikɨrarɨghasa, me ifonge. Egha me Taitusɨn mɨkarzir mogomemɨn inim aghorasa, e mɨgei.

Aposel 15:10

Ezɨ kamaghɨn ia tizim bagh God damightɨ, a ian nɨghnɨzibar gɨn mangam? Egha osɨmtɨzir faragha en ovaviba ateran iburaziba ko, osɨmtɨzir e uaghan datɨrɨghɨn ateran iburaziba, da isa nɨghnɨzir gavgavim Iesusɨn itir darazigh arɨsi.

Aposel 21:21

Ezɨ gumazir maba me mɨgɨa ghaze, Pol Judan gumazir Kantrin Igharazibar Gumazamizibar tongɨn itiba Moses Osirizir Arazibar gɨn mangan men anogorosi. Egha ghaze, ia uan boribar mɨkarzir mogomebar iniba aghoran markɨ, egh Judaba e uan arazibar amuan markɨ.

Aposel 21:25

Ezɨ Kantrin Igharazibar Gumazamizir Iesusɨn gɨn zuiba, e akɨnafarir mamɨn uan nɨghnɨzim osirigha me bagha fomɨra anemada. Egha me mɨgɨa ghaze, ia marvir guabar ofa gamir asɨzibar aman markɨ. Egh ia uaghan asɨzir ghuziba itiba koma asɨzir me fɨragharim dafa mɨsozibar aman markɨ, egh uari isɨ dakuva arazir kurabar amuan markɨ.”