Aposel 15:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Eghtɨ gumazamizir ikiavɨra itir naba God bagh ruiam. Kantrin Igharazibar Gumazamizir nan ziamɨn itiba bar uaghan na buriam.

Godɨn Akar Aghuim; Akar Dɨkɨrɨzir Gavgavir Igiam

¹⁷ Eghtɨ gumazamizir ikiavɨra itir naba God bagh ruiam. Kantrin Igharazibar Gumazir nan ziamɨn itiba bar uaghan na buriam.

Aposel 15:17 ပူးပေါင်းရင်းမြစ်များ

Sekaraia 2:11

Dughiar ekiar kɨ ian akurazɨ kamɨn, kantrin avɨribar gumazamiziba Ikiavɨra Itir God bagh izɨ, an gumazamizibar ikiam. Guizbangɨra, kɨ izɨ ia ko ikɨva ian tongɨn ikiam.” Bizir kam otoghtɨ, ia fogh suam, Ikiavɨra Itir Godɨn Gavgaviba Bar Itim, a uabɨ na amadazɨ kɨ ia bagha ize.

Aisaia 65:1

Ikiavɨra Itir God kamaghɨn mɨgei, “Gumazamizir na bagha azai puvatɨziba, kɨ men dɨmdiaba baragh, men akurvaghasa me mɨzua iti. Gumazamizir na burir puvatɨziba, na bagh izasa kɨ me mɨzua iti. Kɨ fo, me bar nan saghon ikia nan ziamɨn nan dɨman aghua. Ezɨ kɨ kamaghɨn men dɨa ghaze, ‘Kɨrara kagh iti. Kɨ kagh iti.’

Hosea 2:23

Egh kɨ uan gumazamiziba nguazir kamɨn me arightɨ, me aghung azenir aghuir kɨ ingarizimɨn mɨn ikiam. Kɨ faragha kamaghɨn uan gumazamizibav gɨa ghaze, ‘Kɨ Ia Gifongezir Puvatɨ.’ Egh gɨn kɨ bar me gifuegham. Kɨ faragha kamaghɨn me mɨgei, ‘Ia Nan Gumazamiziba Puvatɨ.’ Egh gɨn kɨ kamaghɨn me mɨkɨm suam, ‘Ia nan gumazamizibara.’ Eghtɨ me kamaghɨn nan akam ikaragham, ‘Nɨ en God.’ ”

Malakai 1:11

“Kɨ Ikiavɨra Itir Godɨn Gavgaviba Bar Itim, kɨ ghaze, gumazamizir aruem anadi naghɨn itiba ko, aruem uaghiri naghɨn itir kantriba, me bar moghɨra ziar ekiam na ganɨdi. Nguibaba bar dar gumazamiziba mughuriar aghuim zuir ofaba ko, ofan igharazir guar avɨriba sara na danɨngam. Gumazamizir kaba me bar moghɨra ziar ekiam na ganɨdi.

Jeremaia 16:19

O Ikiavɨra Itir God, nɨ gavgavim na ganɨga, nan danganir mogomemɨn mɨn ikia, egha osɨmtɨzibar dughiabar nɨ nan akurvasi. Nguazir kamɨn oteviba bar dar gumazamiziba bar, nɨ bagh izɨ kamaghɨn mɨkɨmam: En inazir afeziabar aseba, da pura bizir kɨniba, da e gifara, en akuraghan kogham.

Aisaia 43:7

Ia nan gumazamizibara, kɨ vaghvagha ian ingari. Kɨ uan ziar ekiam ko gavgavir ekiam bagha, ian ikɨzimɨn ingarigha ghaze, Kantrin Igharazibar Gumazamiziba ian ganɨva nan ziam fam.”

Jeremaia 14:9

Manmagh amizɨ, nɨ gumazir okam nɨghnɨzimɨn mɨn, en akurvaghamin gavgaviba puvatɨ? Manmagh amizɨ, nɨ mati, mɨdorozir gumazim uan apaniba abɨnamin gavgaviba puvatɨ? Ikiavɨra Itir God, e bar fo, nɨ kamaghɨn amir puvatɨ. E fo, nɨ en tongɨn itima, e nɨn gumazamizibara iti. Kamaghɨn, nɨ e ataghɨraghan markɨ.”

Aisaia 11:10

Eghtɨ dughiar kamɨn, atrivir igiam, Jesin ovavir boribar tongɨn otogh, mati temer ghuzir igiam, temer dakar kamɨn oto. Eghtɨ gumazamiziba bar an gantɨ, a me bagh ababanimɨn mɨn ikiam. Eghtɨ gumazir kamra, kantribar gumazamiziba a bagh izɨ a baghvɨra ikiam. Eghtɨ an Dɨpenir an avughsɨ ikiamim, bar gavgavigh ziar bar ekiam ikɨtɨ, an angazangarim bar me gisiragham.

Jenesis 49:10

Egha an atrivimɨn aghorimɨn suiraghtɨ, an an gavgavir ekiam akaghtɨ, a ikɨ mamaghɨra ikiam. Egh an ovavir boribar atrivimɨn mɨn ikɨ mangɨtɨ, gumazamiziba bar a bagh bizir aghuiba inigh a bagh izamin dughiam otogham. Egh a kantriba bar dagh ativagham.

Jenesis 22:18

Guizbangɨra, nɨ nan akam baregha an gɨn ghu, kamaghɨn amizɨ, nɨn ovavir boriba bangɨn kɨ nguazir kamɨn itir ikɨzibar gumazamiziba, bar deravɨra me damuam.”

Maika 5:7

Eghtɨ Jekopɨn ovavir boribar ikiavɨra itir varazira, me kantrin igharazir avɨribar gumazamizibar tongɨn ikɨ, men akurvaghamin gumazibar mɨn ikiam. Mati dɨmagaribar grazibagh irir ghuariaba, ko, temebagh izir amoziba, Ikiavɨra Itir God da amadagha dagh amizɨ, da deraghavɨram otifi. Bizir kaba me Godɨn gavgavimra dar amuam, men gavgaviba puvatɨ.

Amos 9:12

Eghtɨ Israelia Idomɨn kantrin nguazir ikiavɨra itiba bar ada inigh, egh kantrin igharazir kɨ ua bagha inabaziba uaghan da iniam. Kar Ikiavɨra Itir God, bizir kabar amutɨ da otivasa mɨgei.”

Joel 2:32

Eghtɨ dughiar kamɨn, Ikiavɨra Itir Godɨn ziamɨn diaghamin adarasi, a men akurvagham. Eghtɨ Ikiavɨra Itir God mɨkemezɨ moghɨn, gumazamizir Saionɨn Mɨghsɨam ko Jerusalemɨn nguibamɨn itiba, men tarazi oveghan kogham. Gumazamizir Ikiavɨra Itir God ua bagha inabaziba, me men tongɨn ikɨ deraghvɨra ikiam.”

Daniel 9:19

O Ekiam, en dɨmdiam baragh! O Ekiam en arazir kuraba gɨn amadagh! O Ekiam, e baragh egh en akuragh! Jerusalemɨn nguibar kam ko an gumazamiziba sara, e nɨn adarazira. Kamaghɨn amizɨ, nɨ suighsuighan markɨ. O nan God, nɨ uan ziar ekiam gɨnɨghnɨgh egh zuamɨra en akuragh!”

Daniel 4:35

A gari, nguazimɨn itir gumazamiziba mati pura biziba. An Nguibamɨn itir enselba ko nguazimɨn itir gumazamiziba an apengan iti, a bar me gatifa. Egh a bizitam damusɨ an a damuam, eghtɨ gumazitam an anogoreghan kogham. Guizbangɨra, gumazitam kamaghɨn an azangsɨghan kogham, Nɨ bizir tizim gami. Bar puvatɨ.

Dɨboboniba 24:23

Egha Balam akar mam ua kamaghɨn a mɨkeme: “Iavzika! God arazir kabar amuamin dughiamɨn, tinara ikɨvɨra ikiam? Bar puvatɨgham.

Dɨboboniba 6:27

“Eghtɨ arazir kamɨn me nan ziam dɨponɨva nan azangsɨgh suam, Ikiavɨra Itir God, nɨ deraghvɨra Israelia damu. Eghtɨ kɨ bar deraghvɨra me damuam.”

Jenesis 48:16

Egha nɨ enselɨn mamɨn mɨn na bato, egha kɨ ikuvasava amima, nɨ nan akura. Ezɨ kɨ datɨrɨghɨn nɨn azai, nɨ deravɨra borir kamning damu. Egh nɨ aningɨn ovavir boribar amutɨ, me nguazir kamɨn bar avɨrasemegham. Eghtɨ aning bangɨn, gumazamiziba nan ziam ko, Abraham ko Aisakɨn ziamning sara okɨnɨghnɨghan kogham.”

Godɨn Araziba 28:10

Eghtɨ nguazimɨn ikɨziba bar ian gan fogham, Ikiavɨra Itir God uan ziam ia gatɨzɨ, ia an gumazamizibara, eghtɨ me ian atiatingam.

Aisaia 63:19

Ezɨ e datɨrɨghɨn mati gumazamizir nɨ fomɨra me gativazir puvatɨziba. Egha mati gumazamizir nɨ uan ziam me gatɨzir puvatɨzibar mɨn iti.

Jems 2:7

Ezɨ God Iesusɨn ziar aghuim ia gatɨ, ezɨ tina ziar aghuir kam gasɨghasɨsi? Dagɨar avɨriba itir gumazamizir kabara.