Aposel 14:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Egha a ian modozir puvatɨ, eghtɨ gumazamiziba a gɨfoghan kogham. Puvatɨ. A zuraram arazir aghuibar ia gamua, amozim ia ganɨga, dagher aghuir avɨriba ia ganɨga, dagher aghuibagh ami da otifi. Egha ia gamima ian naviba deragha bar akonge.”

Godɨn Akar Aghuim; Akar Dɨkɨrɨzir Gavgavir Igiam

¹⁷ Egha a ian modozir puvatɨ, eghtɨ gumaziba a gɨfoghan kogham. puvatɨ. A zuraram arazir aghuibar ia gamuava, amozim ia ganɨga, dagher aghuir avɨriba ia ganɨga egha dagher aghuibagh ami da otifi. Egha ia gamima ian naviba deragha bar akonge.”

Aposel 14:17 ပူးပေါင်းရင်းမြစ်များ

Joel 2:23

“Ia nan damazimɨn deraghasa, kɨ ian akurvagha amozir avɨriba ia ganɨdi. Amozir dughiabar iakɨnir faragha zuiba, kɨ amoziba ia ganɨga, egha uaghan amozir dughiabar gɨn izir iakɨniba, kɨ amoziba ia ganɨdi. Kamaghɨn amizɨ, ia Saionɨn gumazamiziba, ia bar akongegh. Kɨ Ikiavɨra Itir God, ian God, kɨ ian akurvaghasa amizir biziba, ia da bagh bar akongegh.

Jopɨn Akɨnafarim 5:10

An amozim amadima, a nguazim giza dɨpam isa azeniba ko bizibagh anɨdi.

Godɨn Araziba 11:14

Egh ia kamaghɨn damutɨ, an amozim amadaghtɨ amozim izamin dughiabar a izam. Azeniba oparir dughiam ko dagheba asir dughiam sara amozim izam. Eghtɨ ia dagheba ko wain ko, olivɨn boreba izɨvagham.

Aisaia 5:6

Kɨ nguazim damightɨ ruarim a batoghtɨ dɨkoniba itir ikarɨziba azenir kamɨn avegham. Kɨ wainɨn azenimɨn ogher kuraba asian kogh, egh ikarɨzibar aghariba aghoran kogham. Kɨ uaghan ghuariabav kemeghtɨ, da amozimɨn tɨvaghtɨ a wainɨn azenir kam gizan kogham.”

1 Timoti 6:17

Gumazamizir dagɨar avɨriba ikia nguazir kamɨn itiba, nɨ kamaghɨn me mɨkɨm, me uari uan ziaba fan markɨ. Egh me uan bizir pura ikuviba nɨghnɨzir gavgavim dar ikian markɨ. Me guizbangɨra nɨghnɨzir gavgavim Godra ikɨ. An e damutɨ, e bar akongeghasa, a bizir aghuir avɨriba e ganɨdi.

Esekiel 34:26

“Kɨ deravɨra uan gumazamiziba ko nguazir nan mɨghsɨam avɨnizibar amuam. Egh amozir dughiamɨn, kɨ amozir avɨribar amutɨ da nguazim girɨ a damightɨ a bar deragham.

Jeremaia 5:24

Kɨ Ikiavɨra Itir God, ian God. Ezɨ ia nan apengan ikian aghua. Egha ia kamaghɨn nɨghnɨzir puvatɨ, kɨ uabɨ azeniba oparir dughiam ko dagheba asir dughiamɨn, amozim amadi, a izi. Egha kɨ uabɨ daghebagh amima da uan dughiamram otivima, ia azenibar, vaghvagha zurara da isi.

Godɨn Araziba 28:12

Amozim Ikiavɨra Itir Godɨn agharimɨn iti, ezɨ an an dughiamra anemadaghtɨ a izighiram. Eghtɨ a ian ingangaribar amutɨ da deraghvɨram otivam. Eghtɨ ia ikɨzir igharaziba, men adarazir amamangatɨghtɨ, me pura ia da biziba inigh gɨn ua da ikarvagham. Eghtɨ ia bizir bar avɨriba ikiam, kamaghɨn amizɨ, ia igharaziba da pura biziba inian kogham.

Ofa Gami 26:4

eghtɨ kɨ amozim damutɨ, a uan izir dughiamra izam. Eghtɨ kɨ ian daghebar amutɨ, da deraghvɨra ian nguazimɨn otivtɨ, temeba bɨva ovɨzir avɨriba ikiam.

Luk Osirizir Akar Aghuim 6:35

Ia uan apanibagh ifuegh deravɨra me damu, biziba pura me danɨngɨva, uamategh da ikarvaziba inisɨ nɨghnɨghan markɨ. God arazir aghuiba gumazir arazir kurabagh amiba ko gumazir a mɨnabir puvatɨzibagh ami. Kamaghɨn amizɨ, gɨn ian ivezim bar ekeveghtɨ, ia Godɨn Bar Pɨn Itimɨn boribar mɨn ikiam.

Jeremaia 14:22

Kantrin igharazitamɨn aser kuratam amozim damightɨ an arigham ti? Puvatɨ. O overiam uabɨ amozim e danigham ti? Bar puvatɨ. Ikiavɨra Itir God, en God, nɨrara nɨ bizir kamagh garibagh ami da otifi. Kamaghɨn amizɨ, e nɨghnɨzir gavgavim nɨn iti.”

Onger Akaba 52:1

O gumazir ekiam, nɨ manmaghsua uabɨ fa, arazir kurar nɨ Godɨn gumazamizibagh amiziba bagha bar akonge? Godɨn apangkuvim men ikia mamaghɨra iti.

Jopɨn Akɨnafarim 37:6

A mɨgeima aisɨn amozim nguazim giri. A mɨgeima, amozir bar ekiam nguazir gizi.

Nehemia 9:25

En inazir afeziaba mɨsogha nguibar dɨvazir gavgavibar aven itiba ko, nguazir dagheba deragha aghuiba ko, dɨpenir bizir avɨriba izɨvaziba ini. Egha mozir par gumazir igharaziba kuizim isa, wainɨn azeniba ko, temer olivɨn avɨriba ko, temer avɨrir aghuir dagheba itiba sara ini. Me nguibar kamɨn aperagha an dagher aghuir avɨriba apava mɨkarziba aghua bizir aghuir nɨ me ganɨngizir kam bangɨn me bar akonge.

1 Atriviba 18:1

Aruem dughiar ruarimɨn iti, ezɨ an dughiar namba 3ɨn azenimɨn, Ikiavɨra Itir God kamaghɨn Elaija mɨgei, “Nɨ mangɨ Atrivim Ahapɨn ganigh, eghtɨ kɨ uam amozim amadaghtɨ a izam.”

Matyu 5:45

Arazir kam kamaghɨn ian akagham, ia guizbangɨra uan Afeziar uan Nguibamɨn itimɨn boribara. Guizbangɨra, an aruem gamima, a gumazir kuraba ko aghuiba bar me gisɨsi. Egha an amozim gamima, a gumazir aghuiba ko gumazir arazir kurabagh amiba sara me gizi.

Aisaia 22:13

Egh ia gan! Ia azir arazibagh amir puvatɨ. Ia akazim gamua bar akuegha iti. Egha ia sipsipba ko bulmakaubav sogha, isar dafam gamua, egha wainɨn dɨpaba api. Egha ia kamaghɨn mɨgei, “E fo, e gurumɨn ovengam, kamaghɨn amizɨ, ia izɨ e damɨ wainɨn dɨpabar amam.”

Jopɨn Akɨnafarim 36:31

God ghuariaba ko amozibagh atifa, egha arazir kamra a gumazamiziba bar me gativagha deravɨra men gari. Egha amozim gami an azenibagh izima gumazamiziba dagher avɨriba iti.

Onger Akaba 4:7

Wit ko wainɨn ovɨziba azenibar aghua bar puvɨra bema, gumaziba da bagha bar akonge. Ezɨ nɨ na gamizɨ kɨ nɨ bagha bar akongezir arazim, nan navir averiam bar a gizɨvagha, wit ko wain gifongezir arazim guizbangɨra bar a gafira.

Aisaia 40:21

Ia ti fozir puvatɨ? Egha ia ti oraghizir puvatɨ? Gumazitam ti ia mɨkemezir puvatɨ, ezɨ ia bar fomɨra iza datɨrɨghɨn bizir kam gɨfozir puvatɨ?

Aposel 14:18

Aning bizir kabar pamten me mɨgɨa, uaningɨn ofa damuan men anogoroghavɨra iti.

Aposel 17:26

Ezɨ God gumazir vamɨran ingari, egha an ovavir kamɨn a gumazamiziba bar men ingari. Egha me isa nguazimɨn danganiba bar dagh arɨki. Egha a uabɨ me ikiamin ikɨrɨmɨrimɨn dughiaba arɨki. Egha danganir me itiba a me bagha nguazir mɨtaghniaba arɨki.