Aposel 13:41 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴¹ “ ‘Kɨ ian dughiamɨn bizir igharazitam damightɨ a ia batogham. Eghtɨ gumazitam ia mɨkɨmtɨ ia nɨghnɨzir gavgavim an ikian kogham. Kamaghɨn, ia gumazir dɨbovir akar kurabagh amiba, ia gan, ia dɨgavir kuram damigh ikuvigham.’ ”

Godɨn Akar Aghuim; Akar Dɨkɨrɨzir Gavgavir Igiam

⁴¹ ‘Kɨ ian dughiamɨn bizir igharazitam damightɨma a ia batogham. Eghtɨma gumazitam ia mɨkɨmtɨma ia nɨghnɨzir gavgavim an ikian kogham. Kamaghɨn, ia gumazir dɨbovir akar kurabagh amiba, ia gan, ia dɨgavir kuram damigh ikuvigham.’”

Aposel 13:41 ပူးပေါင်းရင်းမြစ်များ

Habakuk 1:5

Ezɨ Ikiavɨra Itir God kamaghɨn uan gumazamizibav mɨgei, “Ia bar deraghvɨra kantrin igharazimɨn gumazamizibar gan! Maia! Ia nguazir kamɨn itir dughiamɨn, kɨ bar bizir igharagha garim ian tongɨn a damigham. Eghtɨ ia bizir kam bareghamin dughiamɨn, ia ti nɨghnɨzir gavgavim an ikian kogham! Kamaghɨn amizɨ, ia bar dɨgavir kuram damigham!

1 Pita 4:17

Dughiar God uan adarazir araziba tuisɨghamim, an otogha gɨfa. An gumazamiziba faragh kotiamɨn otoghtɨma, eghtɨ gɨn Godɨn Akar Aghuim akɨrim ragha a gasarazir gumaziba me uaghan kotiamɨn otoghɨva, egh guizbangɨra bar ikuvigham.

Aghuzir Akaba 5:12

Egh nɨ kamaghɨn mɨkɨmam, “Kɨ bar ongani. Kɨ manmaghsua otuegha aghuzir akabar aghua. Me na akɨrasa mɨgeir akaba, kɨ da baraghan aghua.

1 Tesalonika 2:16

Egha me God ua gumazamizir kaba inian me aghuagha, kamaghɨn e Kantrin Igharazibar Gumazamiziba akam e me mɨkɨman me aghuagha, en tuaviba apɨri. Kamaghɨra me zurara arazir kurabagh amima, da ghua bar ekefe, ezɨ datɨrɨghɨn Godɨn anɨngagharim men izegha gɨfa.

Aposel 13:47

Ekiam bizir kam bagha kamaghɨn e mɨkeme: “ ‘Kɨ nɨ amɨsevegha ingangarir ekiam nɨ ganɨdi. Egh nɨ damightɨ, nɨ Kantrin Igharazibar Gumazamiziba bagh angazangarimɨn mɨn ikiam. Eghtɨ kɨ Kantrin Igharazibar Gumazamiziba bar men akuragh ua me iniam.’ ”

Aposel 22:21

“Ezɨ Ekiam kamaghɨn na mɨgei, ‘Nɨ mangɨ. Kɨ saghon itir gumazamizir Kantrin Igharazibar Itiba bagh nɨ amangam.’ ”

Luk Osirizir Akar Aghuim 16:14

Farisin dagɨaba bagha bar ikuviziba bizir kaba baregha Iesusɨn garav mɨnbaba sighsiravɨra iti.

Aisaia 65:15

Eghtɨ nan adarazi me akar kuramɨn igharaz darazir anɨngsɨ, me kamaghɨn mɨkɨmam, ‘Ikiavɨra Itir God, en Ekiam, gumazir kurar kabagh asɨghasɨghizɨ moghɨn, ia gasɨghasɨgham.’ Kamaghɨn amizɨ, gumazamiziba ian ziabagh nɨghnɨgh suam, da bizir kuraba. Eghtɨ God ziar aghuir igiam isɨ uan ingangarir gumazamizibar anɨngam.

Aisaia 5:24

Ia Ikiavɨra Itir Godɨn Gavgaviba Bar Itimɨn akaba baraghan aghua. Ia akɨrim ragha Israelian Godɨn Bar Zuezimɨn Akar Gavgavibagh asaragha gɨfa. Kamaghɨn amizɨ, ia dadar mɨsɨngizibar mɨn ikuvigham, mati dar biba kurigha gɨvazɨ, dar akɨmariba asiaghira nguazim gɨra, mɨnezibar mɨn mɨgha ghue. Osɨmtɨzir kam bar zuamɨram ia batogham, mati avim isia ghua dadar mɨsɨngizibagh irɨgha zuamɨra isigha gɨfa.

Aposel 3:23

A barazir puvatɨziba God me gasɨghasigham. Eghtɨ me ua Godɨn adarazi ko ikian kogham.’

Aposel 6:14

E orazima a kamaghɨn mɨgei, ‘Gumazir kam Nasaretɨn gumazim, Iesus, a Godɨn Dɨpenir kam apɨrigh a gasɨghasɨgh, egh arazir Moses fomɨra e ganɨngiziba otɨvkɨnigham.’ ”

Luk Osirizir Akar Aghuim 23:35

Ezɨ gumazamiziba an gara tuivighav itima, gumazir dapaniba uaghan an gara mɨnbaba sighsirava kamaghɨn a mɨgei, “A gumazir mabar akurvakis. Egh a guizbangɨra God Uam E Iniasa Mɨsevezir Gumazim, gumazir God inabazim, a uabɨ uabɨn akuragh.”

Esekiel 33:9

Eghtɨ nɨ ikiangsɨzir akam arazir kuram gamir gumazim mɨkemeghtɨ, a uan arazir kuraba ataghɨraghan aghuaghtɨ, an arazir kurar kam an ikɨ a gasɨghasightɨ an aremegham. Eghtɨ nɨ bizir kamɨn osɨmtɨzim puvatɨgham, egh nɨ ovengan kogham.”