Amos 9:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ “Ia oragh! Kɨ pura mɨkɨmtɨma, Israelia nɨghɨva akongam, mati gumazim rais mɨsogha, da amɨsɨvasa dagh ivazvasi. Eghtɨ Israelian gumazamizir kuraba raizɨn afezibar mɨn, kantrin igharazibar tongɨn nguazim giregham.

Amos 9:9 ပူးပေါင်းရင်းမြစ်များ

Luk Osirizir Akar Aghuim 22:31

Egha Iesus kamaghɨn mɨgei, “Saimon, Saimon, Satan nɨn nɨghnɨzir gavgavim tuisɨgh a gɨfoghasa Godɨn azara.

Godɨn Araziba 28:64

“Egh Ikiavɨra Itir God, ia amangightɨ ia nguazir kamɨn tintinibar kantrin igharazibar mangegham. Ia kantrin kabar ikɨva, men asebar ziaba fam, aser kabar marvir guaba, me temeba ko dagɨabar dar ingari. Ia ko ian inazir afeziaba fomɨra aser kabar ziaba fer puvatɨ.

Aisaia 30:28

An anɨngagharim biziba bar dagh asɨghasɨsi, mati aperiam otogha ivemara biziba bar da ava ghua, gumazimɨn fɨragharimɨn tu. Ikiavɨra Itir God kantriba bar uan agharimɨn men suigha, me ikuvasa a pura tintinibar me kavkɨri. Egha a men nɨghnɨzibagh amima, da deragha ingari puvatɨzɨ, a me inigha danganir me mangan ifongezir puvatɨzibar zui, mati gumazim hoziamɨn daroribar an aku mangasa, ainɨn otevim an akam garu.

Ofa Gami 26:33

Kɨ apaniba amadaghtɨ, me ia mɨsogh ia batueghtɨ ia tintinibar kantrin igharazibar mangegham. Eghtɨ ian nguazim uaghan gumazamiziba puvatɨgh pura ikiam, eghtɨ nguibar ekiaba ikuvigh ikiam.

Jeremaia 31:36

“Kɨ Ikiavɨra Itir God, kɨ guizbangɨra mɨgei, Israelian adarasi, me zurara ikɨ mamaghɨra ikiam, mati aruem ko iakɨnim ko mɨkoveziba. Eghtɨ aruem ko iakɨnim ko mɨkoveziba, me uan ingangarir kɨ me ganɨngizim damuan kogham, eghtɨ dughiar kamra Israelian adarazi gɨvagham.

Jeremaia 46:28

Kɨ Ikiavɨra Itir God, kɨ kamaghɨn mɨgei: Kɨ ia ko ikɨ ian akurvagham. Kamaghɨn amizɨ, Ia Israelia, ia nan adarasi, ia nan ingangarir gumazamiziba, ia atiatingan markɨ. Kɨ ia batoghezɨ, ia ghua kantrin igharazibar tongɨn iti. Eghtɨ kɨ kantrin kaba bar me agevegham. Egh kɨ ia agɨvaghan kogham. Guizbangɨra, kɨ puv ia damigham, kɨ arazir voroghɨra itim gɨnɨghnɨgha ia akɨri.”

Jeremaia 49:36

Kɨ nguazir kamɨn danganiba bar apanibar afeghtɨ, me tintinibar izɨ Elamia mɨsogham, mati amɨnir gavgaviba iza me gasɨghasɨki. Ezɨ kɨ me batueghtɨ, me tintinibar danganiba bar dar mangɨ, eghtɨ Elamɨn gumazamiziba tintinibar kantriba vaghvagh dar ikiam.

Esekiel 5:10

Eghtɨ arazir kurar ia amizibar ivezir kuram, ia ameboghfeziaba uan boribav soghɨva dar tuzibar amɨtɨ, boriba uan ameboghfeziabav sogh men tuzibar amam. Kɨ pazɨvɨra ia damuam, eghtɨ ariaghirezir puvatɨzir darasi, kɨ me aghamsightɨ me tintinimɨn nguazir kamɨn danganir igharazibar mangegham.

Esekiel 5:12

Kɨ ia isɨ 3plan okoruabar ia arigham. Eghtɨ namba 1ɨn okoruam, mɨtiriar ekiam ian aghɨtɨ arɨmariaba ia damutɨ ia nguibar ekiamɨn aven arɨghiregham. Eghtɨ namba 2ɨn okoruam, apaniba izɨ nguibar ekiamɨn azenan mɨdorozir sababar me mɨsoghtɨ me arɨghiregham. Eghtɨ namba 3ɨn okoruam, kɨ me aghamsigh tintinimɨn me amangightɨ me nguazimɨn danganiba bar dar mangeghtɨ, kɨ apanibar amamangatɨghtɨ me uan mɨdorozir sababa inigh men agɨntɨgh mangɨ me mɨsoghɨrarɨgham.

Esekiel 20:38

Ian tongɨn itir akaba batogha arazir kurabagh amir gumazamiziba, kɨ me batueghtɨ, me ua ian tongɨn ikian kogham. Me datɨrɨghɨn kantrin igharazibar nguazibar ikia kalabuziamɨn iti, eghtɨ kɨ dar me inigh azenan izam. Eghtɨ me ua Israelɨn nguazimɨn aven mangan kogham. Eghtɨ ia kamagh fogh suam, kɨ Ikiavɨra Itir God.

Esekiel 36:19

Kɨ men arazir kurar me amizir kaba tuisigha da ikarvagha me batoghezɨ, me tintinibar kantrin igharazibar ghue.

Aisaia 27:12

Egh Ikiavɨra Itir God bizir kabar amuamin dughiamɨn, a uan gumazamizir tintinibar kantribar itiba iniam, Yufretisɨn Fanemɨn ikegh mangɨ Isipɨn kantrin tugham. A vaghvagh me iniam, mati gumazim witɨn ovɨziba rɨghɨrɨgha dar mɨseviba ategha, witɨn ovɨzir aghuibara isa itarim garɨsi.

Aisaia 28:28

A witɨn ovɨziba dɨkabɨnamin arazim bar a gɨfo, egha an adar bretbar ingaram. Egha a witɨn ovɨziba, ko witɨn mɨseviba, da amɨsɨvasa hos ko wilkar isa witɨn ovɨzibagh isɨn ghua da mɨrmɨra zui. Egha a deravɨra aghumra ghua dar gara ghaze, A witɨn ovɨziba amɨsar dagh asɨghasɨghan kogham.

Esekiel 39:28

Eghtɨ Israelia kɨ me gamizir bizibagh nɨghnɨgham. Kɨ me amadazɨ me ghua kantrin igharazibar kalabusɨn mɨn itima, kɨ ua me akuvagha me inigha men nguazimɨn ize. Kɨ men tav ateghtɨ, a kantrin kabar aven ikɨvɨra ikian kogham. Eghtɨ me kamaghɨn fogham, kɨ Ikiavɨra Itir God, men God.