Amos 9:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ikiavɨra Itir God kamaghɨn mɨgɨa ghaze: “O Israelia, kɨ Itiopian gumazamiziba deragha men gari moghɨn, kɨ uaghan deragha ian gari. Kɨ Kritɨn nguibamɨn Filistiaba inigha ize, egha kantri Kirɨn, kɨ Sirian gumazamiziba inigha ize, egha kamaghɨra, kɨ Isipɨn kantrin ia inigha ize.

Amos 9:7 ပူးပေါင်းရင်းမြစ်များ

Jeremaia 47:4

“Filistiaba gasɨghasɨghamin dughiam a izegha gɨfa. Kɨ men tuavim apɨrigham, eghtɨ me ua Tair ko Saidonɨn akuraghan kogham. Fomɨra Filistian ovaviba Kritɨn Arighatɨzim ategha iza Filistian nguibar ekiabar iti. Ezɨ datɨrɨghɨn, kɨ Ikiavɨra Itir God, kɨ nguibar ekiamɨn itir Filistian varazira gasɨghasɨghasava ami.

2 Atriviba 16:9

Ezɨ Atrivim Tiklat Pileser, Ahasɨn akam baregha, uan mɨdorozir gumaziba inigha ghua, Damaskusɨn nguibar ekiamɨn mɨsogha a ini. Egha Tiklat Pileser, Atrivim Resinɨn mɨsoghezɨ, an areme. Egha Damaskusɨn gumazamiziba, kalabuziar gumazamizibar mɨn me inigha, Kirɨn nguibar ekiamɨn ghu.

Godɨn Araziba 2:23

Ezɨ Avia, men nguazim ongarir ekiamɨn ikegha ghua Gasan amadaghan sautɨn tu. Ezɨ Kritia kamaghɨrama amigha Avian nguazim inigha a gapia.)

Amos 2:10

Kɨ Isipɨn nguazimɨn aven ia inigha azenan ize. Egha ia inigha Amorian nguazimɨn ia arɨghasa, 40plan azenibar gumazamiziba puvatɨzir danganimɨn kɨ ian faragha ghua ian akua ize.

Amos 1:5

Kɨ nguibar ekiar kam Damaskus, an ainɨn tiar akabar dɨvazir gavgaviba bar ada akararigham. Egh kɨ Avenɨn Danganir Zarimɨn itir gumazamiziba batuegh, uaghan Beteden kantrin atrivim batuegham. Eghtɨ kantri Sirian itir gumazamiziba mangɨ aruem anadi naghɨn itir nguazim Kirɨn, aven kalabusɨn mɨn ikiam. Kɨ Ikiavɨra Itir God, kɨ kamaghɨn mɨkeme!”

Hosea 12:13

Israelia Isipɨn itir dughiamɨn, Ikiavɨra Itir God uan akam inigha izir gumazir mam amada, ezɨ a me inigha Isip ataki. Egha akam inigha izir gumazir kam deravɨra me geghufi.

Jeremaia 13:23

Eghtɨ Itiopian kantrin gumazamiziba, men mɨkarzir pɨziba, mɨkarzir ghurghuribar otivam, ti puvatɨ. Eghtɨ kaziar atiam, me a dɨbora ghaze, lepat, a ti uan mɨkarzir dighdiriba itiba giragham, a? Bar puvatɨ. Kamaghɨra, arazir kurar kam, nɨn arazimra, ezɨ nɨ aneteghan kogham.

Aisaia 22:6

Elamɨn kantrin mɨdorozir gumaziba, me piba ko baribar suiki, egha me mɨsoghasa hoziaba ko karisba sara izi. Ezɨ Kirɨn nguibar ekiamɨn mɨdorozir gumaziba, me mɨsoghasa uan oraba sara izi.

Aisaia 20:4

Eghtɨ Asirian atrivim mangɨ, kantri Isip ko kantri Itiopia mɨsogham. Egh a kantrin kamningɨn gumazamizir igiaba ko, gumazamizir ghuriba inigh mangɨ kantrin igharazir tamɨn me kalabuziam darɨgham. Egh me mangamin dughiamɨn, me korotiaba ko dagarir asuataba aghuighan kogham, me pura daruam. Me pura bibiabara ikɨ, bar aghumsigham.

Ua Me Ini 12:51

Ezɨ dughiar kamra Ikiavɨra Itir God, Israelian anababar aven vaghvagha bar me inigha Isipɨn kantrin azenan ghu.

Aisaia 43:3

Kɨ Ikiavɨra Itir God, ian God, Israelian Godɨn Bar Zuezim, ian Akurvazir Gumazim. Ia apanibar dafarimɨn itir dughiamɨn, kɨ Isipia ko, Itiopiaba ko, Sebaba, me isɨ ian danganim inisɨ apanibar agharim datɨgh ia givezeghtɨ, ia fɨrighɨrɨgham.

2 Eghaghaniba 14:9

Asa, kantri Judan atrivimɨn itir dughiamɨn, Itiopian kantrin gumazir mam Sera, uan mɨdorozir gumazir bɨzir dafam inigha Judabav soghasa izi. Seran mɨdorozir gumazibar dɨbobonim 1,000,000ɨn tu. Egha a 300plan mɨdorozir karisba iti. Me iza Maresan nguibar ekiamɨn otifi.

2 Eghaghaniba 14:12

Asa God ko mɨkemegha gɨvagha, Judan mɨdorozir gumaziba ko me ghua Itiopiabav sosi. Ezɨ Ikiavɨra Itir God Itiopiaba abɨrazɨ, me are.