Amos 9:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ikiavɨra Itir Godɨn Bar Gavgaviba Itim, a en Ekiam, a uan dafarimɨn nguazimɨn suirazɨ, mɨkɨmkɨzim a gɨnobaghnobasi. Eghtɨ nguazimɨn itir gumazamiziba, men naviba osemeghtɨ me arangam. Eghtɨ nguazir kamɨn danganiba bar akongam. Mati Isipɨn kantrin itir Nailɨn Fanemɨn aperiam otogha buigha ua mɨkɨrɨzɨ moghɨn, nguazir kam bar buigh ghuanabogh izighiram.

Amos 9:5 ပူးပေါင်းရင်းမြစ်များ

Amos 8:8

Kamaghɨn amizɨ, kɨ nguazim damightɨ, mɨkɨmkɨzim a gɨnobaghtɨ, nguazir kamɨn itir gumazamiziba atiatingɨva arangam. Eghtɨ nguazir kamɨn danganiba bar akongam. Mati Isipɨn kantrin itir Nailɨn Fanemɨn, aperiam otogha buigha ua mɨkɨrɨzɨ moghɨn, nguazir kam bar buigh ghuvanabogh ua izighiram.

Onger Akaba 46:6

Kantrin avɨribar gumazamiziba dɨgavir kuram damigh uarira uariv sogham. Eghtɨ atriviba uan gumazamiziba ko bar iregham. Eghtɨ Godɨn tiarim ararimɨn mɨn dagaraghtɨ, nguazim puram ameregh magɨram.

Akar Mogomem 20:11

Egha kɨ atrivir dabirabir ghurghurir ekiamɨn garima a iti, ezɨ gumazir a gapiaghirim, kɨ an garima a iti. Ezɨ nguazim ko overiam aning arav ghu, eghtɨ gumazitam uam aningɨn ganan kogham.

Aisaia 64:1

O Ikiavɨra Itir God, nɨ overiam abigh kagh izighirɨ! Nɨ kamaghɨn damutɨ, mɨghsɨaba nɨn damazimɨn atiating bar puvɨram akongam.

Matyu 7:27

Ezɨ amozim izima aperiam otozɨma, amɨnir ekiam dɨpenir kam pamtem a givai. Bizir kaba dɨpenir kam gunabagha a munamadima, a irɨ. A guizbangɨra bar pazavɨra irɨ.”

Nahum 1:6

An anɨngazir dughiam, tina deravɨra ikɨ ikuvighan kogham. Bar puvatɨgham. A gumazamizibar anɨngagha, an damazimning mati avim isiava aghefe, An anɨngagharim, dagɨaba mɨsaragharɨsi.

Hosea 4:3

Kamaghɨn amizɨ, nguazir kam osɨmtɨzim ikia mɨsigham. Ezɨ nguazimɨn itir gumazamiziba, ko an itir biziba bar, kar asɨziba ko, kuaraziba, ko, osiriba, da bar arɨmɨghiregham.’ ”

Jeremaia 12:4

Gumazamizir kaba arazir kurabagh ami. Egha uaghan me ghaze, “Bizir e bativamin kaba, Jeremaia bar dar ganighan kogham.” Kamaghɨn amizɨ, nɨ gumazamizibar arazir kurabar osɨmtɨziba ikarvagha nguazim gamizɨ, an aghazagharizɨ, graziba bar mɨsɨngi. Ezɨ asɨziba ko kuaraziba tintinibar ariaghiri. Ezɨ kɨ nɨn azai, Nɨ dazoghɨn bizir kam agɨvaghtɨ, nguazim ua deragham?

Onger Akaba 144:5

O Ikiavɨra Itir God, nɨ overiam abigh izighirɨ. Egh uan agharim mɨghsɨabar amadaghtɨ dar mɨturir ekiaba otiv.

Onger Akaba 32:6

Kamaghɨn dera, nɨn gumazamiziba osɨmtɨziba bativ, egh zurara nɨ ko mɨkɨmtɨ, osɨmtɨzim aperiar ekiamɨn mɨn me avigh mangɨsɨ izɨ, me avigh mangɨghan kogham.

Onger Akaba 97:5

Ikiavɨra Itir God, a nguazir kamɨn God. A izima, mɨghsɨaba pura amera uaghira dɨpabar mɨn otifi.

Onger Akaba 104:32

A nguazimɨn garima, mɨkɨmkɨzim puram a batifi. A dafarim mɨghsɨabagh arɨzima, mɨghariba pura dar otifi.

Nahum 1:5

God uan gavgavim akazɨ, mɨghsɨaba agoa nɨgha, dɨpabar mɨn otifi. A uan gavgavim akazɨ, mɨkɨmkɨzim nguazim ginobagha a gamima a nɨsi, ezɨ gumazamiziba uaghan agoa nɨsi.