Amos 9:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Me Karmelɨn Mɨghsɨamɨn orazimɨn mangɨ uari mongeghtɨ, kɨ me buri men apigham. Me magɨrɨ ongarimɨn dɨkɨnimɨn mongeghtɨ, kɨ ongarimɨn itir kuruzir aser dafam mɨkemeghtɨ, a me mɨsuegh me amegham.

Amos 9:3 ပူးပေါင်းရင်းမြစ်များ

Jeremaia 16:16

Ikiavɨra Itir God kamaghɨn mɨgɨa ghaze, “Kɨ apaniba amadaghtɨ, me izɨva Judan gumazamizibar suigh me iniam, mati gumazim uan ivem akunigha osirir avɨriba ini. Eghtɨ gɨn kɨ uam apanir igharaziba ameghtɨ, me mangɨ gumazamizir mɨghsɨabar mongeziba, ko dagɨar toribar mongeziba, buri men suigham, mati gumazim ruarimɨn asɨziba buria dar suisi.

Aisaia 27:1

Eghtɨ dughiar kamɨn, Ikiavɨra Itir God uan gavgavir bar ekiam akakagham. A izɨ ongarimɨn itir kuruzir aser dafar kam Leviatan, ivezir kuram isɨ a danɨngɨva a gasɨghasɨgham. A uan mɨdorozir sabar ekiar gavgavir bar ghumizim inigh, kuruzir bar puvɨra daghdagha tintinibar aragharuir kam atughtɨ an aremegham.

Jopɨn Akɨnafarim 34:22

Dɨmagarir bar mɨtater pɨzi tam ikɨtɨ, Godɨn damazimɨn arazir kurabagh amir gumazamiziba ti an aven modogham o?

Amos 1:2

Amos kamaghɨn mɨgei: “Ikiavɨra Itir God, Jerusalemɨn nguibar ekiamɨn Saionɨn Mɨghsɨamɨn iti. Egha an azenan iza pamtemɨn dɨa dagarvasi. Ezɨ grazir aghuariba ko, Karmelɨn Mɨghsɨamɨn orazimɨn itir terafariba bar mɨsɨngi.”

Jenesis 3:8

Ezɨ guaratɨzir orangtɨzimɨn, aning orazima Ikiavɨra Itir Godɨn Gavgavim, an azenir kamɨn arua izi, ezɨ aning temebar tongɨn modo.

2 Samuel 22:46

Men gavgaviba bar gɨvazɨ, me nɨrɨzim ko agorogem sara na bagha izi.

Jopɨn Akɨnafarim 22:13

Bizir kam nɨn nɨghnɨzim gamima, nɨ ti kamaghɨn mɨgei, ‘God bizir tizim gɨfo? An overiam gisɨn aruima, ghuariar ekiam anevarazɨ mɨtarmer ekiam a modo, ezɨ an en ganan kogham. A manmaghɨn en araziba tuisɨgham?’

Onger Akaba 68:23

Ia uan apaniba bar me agɨvagh, men ghuziba uan dagariba ruegh. Eghtɨ ian afiaba, men ghuzibar amɨ mangɨ uan ifongiaba agɨvagham.”