Amos 9:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² “Egh me nan arɨ mangɨsɨ, uari bagh mozibagh ku magɨrɨ Gumazamizir Oveaghuezibar Nguibamɨn ikiam, eghtɨ kɨ uaghan magɨrɨ men suigham. Me pɨn overiamɨn ghuavanaboghtɨ, kɨ uamategh me gekuigh izighiram.

Amos 9:2 ပူးပေါင်းရင်းမြစ်များ

Jeremaia 51:53

Eghtɨ Babilon ti overiamɨn ghuanabogh, egh mɨsoghamin danganir gavgavimɨn ingarightɨ, kɨ gumaziba ameghtɨ, me izɨ a gasɨghasɨgham. Kɨ Ikiavɨra Itir God, kɨ mɨkemegha gɨfa.”

Obadia 1:4

Ezɨ kɨ God, kɨ ia mɨgei, ‘Ia kuarazir isabar mɨn mɨgha bar pɨn ghuavanaga, egha uan dɨpeniba bar pɨn mɨkovezibar tongɨn dar ingari, ezɨ kɨ ia gekuightɨ ia bar izighiregham.’ ”

Luk Osirizir Akar Aghuim 10:18

Ezɨ a me mɨgɨa ghaze, “Kɨ Satanɨn garima a ira onɨmarimɨn mɨn Godɨn Nguibamɨn tagha gɨfa.

Jeremaia 49:16

Nɨ ifaghata ghaze, nɨ kantrin igharazibagh amima me puvɨram atiati. Egha nɨ ti ghaze, nɨ bar dera. Puvatɨ, nɨ uabɨ fer nɨghnɨzimra nɨ gifari. Dagɨar gavgavir ekiaba ian nguibar ekiam, dɨvazimɨn mɨn avɨnizɨma, ia mɨghsɨamɨn bar pɨn mar iti. Nɨ uan nguibam kuarazir isaba uan mɨkonibar ingarir danganibar an ingari. Eghtɨ kɨ nɨ gekuightɨ nɨ izighiram. Kɨ Ikiavɨra Itir God, kar nan akam.”

Aisaia 2:19

Egh gɨn izamin dughiamɨn, Ikiavɨra Itir God dɨkavigh nguazir kamɨn gumazamiziba ivezir kuram me danɨngɨsɨ izam. Gumazamiziba bar an gantɨ, an atrivimɨn mɨn uan angazangarir ekiam ko gavgavim sara izɨtɨ, me bar puvɨram atiating, arɨ mangɨ dagɨar toribar mongegh ikiam. Tarazi nguazibar moziba okoregh dar aven mongam.

Jopɨn Akɨnafarim 20:6

Gumazamizir kabanang gumazamizibar damazimɨn gumazir ekiabar otiva ziar ekiaba isi. Me mati mɨghsɨar mam, an ghuam pɨn mar ikia ghuariaba ko voroghɨra zui.

Jopɨn Akɨnafarim 34:22

Dɨmagarir bar mɨtater pɨzi tam ikɨtɨ, Godɨn damazimɨn arazir kurabagh amir gumazamiziba ti an aven modogham o?

Esekiel 26:20

Kɨ nɨn amadaghtɨ, nɨ Oveaghuezibar Nguibamɨn magɨrɨ gumazamizir bar fomɨra ikeziba ko ikiam. Kɨ nɨ damightɨ, nɨ nguazimɨn apengan magɨrɨ nguibar ekiar kɨ asɨghasɨghiziba ko zurara ikiam. Bizir kam bangɨn, gumazitam ua nɨn danganimɨn ikian kogham. Eghtɨ nɨ ua nguazir kamɨn nguibar aghuitamɨn mɨn otogham kogham.

Esekiel 31:14

Kamaghɨn amizɨ, datɨrɨghɨn ikegh mangɨva temer deravɨra dɨpam isava aghuir ruaribagh amiba, ua puvatɨgham. Temeba bar arɨghiram, mati gumazamiziba ariaghira ghua Oveaghuezibar Nguibamɨn iti.

Jopɨn Akɨnafarim 22:13

Bizir kam nɨn nɨghnɨzim gamima, nɨ ti kamaghɨn mɨgei, ‘God bizir tizim gɨfo? An overiam gisɨn aruima, ghuariar ekiam anevarazɨ mɨtarmer ekiam a modo, ezɨ an en ganan kogham. A manmaghɨn en araziba tuisɨgham?’

Jopɨn Akɨnafarim 24:23

God me gamima, me nɨmɨram apiav ikia osɨmtɨziba men puvatɨ. Egha a zurara deravɨra men arazir me amibar gari.