Amos 9:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Eghtɨ Israelia Idomɨn kantrin nguazir ikiavɨra itiba bar ada inigh, egh kantrin igharazir kɨ ua bagha inabaziba uaghan da iniam. Kar Ikiavɨra Itir God, bizir kabar amutɨ da otivasa mɨgei.”

Amos 9:12 ပူးပေါင်းရင်းမြစ်များ

Aisaia 43:7

Ia nan gumazamizibara, kɨ vaghvagha ian ingari. Kɨ uan ziar ekiam ko gavgavir ekiam bagha, ian ikɨzimɨn ingarigha ghaze, Kantrin Igharazibar Gumazamiziba ian ganɨva nan ziam fam.”

Aposel 15:17

Eghtɨ gumazamizir ikiavɨra itir naba God bagh ruiam. Kantrin Igharazibar Gumazamizir nan ziamɨn itiba bar uaghan na buriam.

Aisaia 65:1

Ikiavɨra Itir God kamaghɨn mɨgei, “Gumazamizir na bagha azai puvatɨziba, kɨ men dɨmdiaba baragh, men akurvaghasa me mɨzua iti. Gumazamizir na burir puvatɨziba, na bagh izasa kɨ me mɨzua iti. Kɨ fo, me bar nan saghon ikia nan ziamɨn nan dɨman aghua. Ezɨ kɨ kamaghɨn men dɨa ghaze, ‘Kɨrara kagh iti. Kɨ kagh iti.’

Jeremaia 14:9

Manmagh amizɨ, nɨ gumazir okam nɨghnɨzimɨn mɨn, en akurvaghamin gavgaviba puvatɨ? Manmagh amizɨ, nɨ mati, mɨdorozir gumazim uan apaniba abɨnamin gavgaviba puvatɨ? Ikiavɨra Itir God, e bar fo, nɨ kamaghɨn amir puvatɨ. E fo, nɨ en tongɨn itima, e nɨn gumazamizibara iti. Kamaghɨn, nɨ e ataghɨraghan markɨ.”

Jeremaia 15:16

O Ikiavɨra Itir Godɨn Bar Gavgaviba Itim, nɨ uan ziam na garɨzima, kɨ nɨ nan anavɨra. Ezɨ nɨn akam na batogha, mati nan daghemra mɨn iti, mati dagher mam, gumazim, a isa anepava gavgavim namnam ko duam ganɨdi. Ezɨ nɨn akam na gamima, kɨ uan navir averiamɨn aven bar akongegha nan navim dera.

Aisaia 63:19

Ezɨ e datɨrɨghɨn mati gumazamizir nɨ fomɨra me gativazir puvatɨziba. Egha mati gumazamizir nɨ uan ziam me gatɨzir puvatɨzibar mɨn iti.

Aisaia 11:14

Aning uaning inigh mangɨ aruem uaghiri naghɨn itir Filistiaba ko mɨsogham. Egh aning mɨsoghɨva aruem anadi naghɨn itir gumazamizibar bizir aghuiba iniam. Aning kantri Idom ko Moap ko, Amonɨn gumazamiziba dɨkabɨragh, kantrin kaba gativaghtɨ, me men apengan ikiam.

Onger Akaba 60:8

Moapɨn kantri, a nan itarir dɨpar kɨ ruemɨn mɨn iti. Idomɨn kantri, a nan danganir kɨ uan dagarir asuaba arɨzimɨn mɨn iti. Ezɨ Filistiaba, kɨ mɨdorozimɨn me abɨragha bar akuegha pamten dei.”

Jenesis 27:37

Ezɨ Aisak a ikaragha ghaze, “A nɨ gativaghamin gavgavim kɨ a ganigha gɨfa, egha kɨ ghaze, nɨn adarazi bar an ingangarir gumazibar ikiam. Egha kɨ witɨn avɨriba ko wainɨn avɨriba a ganigha gɨfa. Ezɨ nan otarim, kɨ datɨrɨghɨn nɨ bagh damuamin biziba bar puvatɨ.”

Jenesis 27:29

Kɨ kamaghɨn Godɨn azai, nguazimɨn itir gumazamiziba nɨn ingangarir gumazibar mɨn ikiam, eghtɨ kantrin mabar gumazamiziba nɨn apengan ikiam. Eghtɨ nɨ uan aveghbuaba me gativagh men ganam. Eghtɨ nɨn amebamɨn ovavir boriba nɨn apengan ikiam. Eghtɨ gumazir paza nɨ damuasa Godɨn azangsɨziba, kɨ kamaghɨn Godɨn azai, eghtɨ a me gasɨghasigham. Eghtɨ gumazir deragh nɨ damusɨ nɨ bagha Godɨn azangsɨziba, kɨ kamaghɨn Godɨn azai, a uaghan deraghvɨram me damuam.”

Malakai 1:4

Eghtɨ Idomia kamaghɨn mɨkɨm suam, “En nguibar ekiaba ikuvigha gɨfa, ezɨ e uam adar ingaram,” eghtɨ Ikiavɨra Itir Godɨn Gavgaviba Bar Itim men akam ikaragh mɨkɨm suam, “Ia uam adar ingartɨ, kɨ da apɨrarightɨ da ua bar ikuvigham. Eghtɨ gumazamizir igharaziba, me Idomia ia mɨkɨm suam, ‘Me gumazamizir kuraba,’ egha ‘Me gumazamizir, Ikiavɨra Itir God zuraram atariba.’ ”

Joel 3:8

Kɨ Judabar amamangatɨghtɨ, me ian otariba ko guivibagh ivezam. Egh me inigh Sabean kantrin ikɨzir saghon itimɨn me amadagham. Kɨ Ikiavɨra Itir God, kɨ mɨkemegha gɨfa.”

Aposel 15:18

Ekiam kamaghɨn mɨkeme. A bizir kaba fomɨra gumazamizibar akazɨ me dagh fo.’ ”