Amos 9:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Kɨ Ekiamɨn garima, a uan Dɨpenim avɨnizir dɨvazimɨn aven itir ofa gamir dakozimɨn boroghɨn tughav iti. Egha kamaghɨn mɨgei: “Ia nan Dɨpenimɨn guarir akɨnir ruaribar dapanibav soghtɨ, dɨpenimɨn azuarimɨn danganiba bar ivazvagh. Eghtɨ Dɨpenir akɨnir guariba dɨpɨrighɨrɨ, gumazamizibar dapanibav soghtɨ me arɨmɨghiram. Eghtɨ ariaghirezir puvatɨziba ikɨvɨra ikɨtɨ, kɨ apanibar amamangatɨghtɨ me izɨ me mɨsoghtɨ, me arɨmɨghiregham. Men tarazi aregh deraghvɨra ikian kogham. Bar puvatɨgham.

Amos 9:1 ပူးပေါင်းရင်းမြစ်များ

Onger Akaba 68:21

Bar guizbangɨra, God uan apanibar dapaniba abɨghɨrarigham. Gumazamizir kaba, me zurarama arazir kurabagh ami.

Akar Mogomem 1:17

Kɨ an ganigha an dagarimningɨn boroghɨn irɨgha, gumazir ovengezimɨn mɨn iti. Ezɨ a uan agharir guvim na gisɨn atɨgha, kamaghɨn mɨgei, “Nɨ atiatingan markɨ. Kɨ gumazir faraghavɨra ikia, egh abuan ikɨvɨra ikiamim.

Jon Osirizir Akar Aghuim 1:18

Gumazitam bar Godɨn ganizir puvatɨ. Ezɨ kar Godɨn Otarir vamɨra, a uabɨ God, egha a bar Godɨn boroghɨra iti. A uabɨra God en aka.

Habakuk 3:13

Nɨ tizim bagha arazir kabagh ami? Guizbangɨra, nɨ uan gumazamiziba ko, atrivir nɨ mɨsevezimɨn akurvaghasa ifonge, egha nɨ arazir kabagh ami. Egha nɨ gumazir kurabar gumazir dapanim mɨsuegha, bar an adarazi gasɨghasɨki, mati gumazim dɨpenir siriamɨn ikegha anekaragharigha, bar izaghira an dɨpenir akɨnibar tu. (Ighiam gamua an suiam atugha avughsegha ua ighiam gami.)

Amos 3:14

Dughiar kɨ Israelian arazir kuraba ikarvaghamim, kɨ Betelɨn nguibar ekiamɨn ofa gamir dakozibagh asɨghasɨgh, egh ofa gamir dakozimɨn mɨkebabar itir bulmakaun kombar mɨn garir biziba, kɨ bar da apɨrarightɨ da nguazim giregham.

Aisaia 6:1

Atrivim Usia aremezir azenimɨn, kɨ irebamɨn mɨn bizimɨn gari moghɨn Ekiamɨn garima, a uan atrivir dabirabim gaperaghav iti. Ezɨ dabirabir kam bar na gafiragha pɨn iti. Ezɨ an aruzir korotiam a bar ruaragha an Dɨpenir averiam bar a ini.

Jon Osirizir Akar Aghuim 1:32

Egha Jon ua kamaghɨn an gun mɨgei, “Kɨ garima Godɨn Duam kuarazir bunbamɨn mɨn Godɨn Nguibam ategha mɨghegha izaghira gumazir kam gisɨn iti.

Sefanaia 2:14

Bulmakauba ko, sipsipba ko, memeba ko, asɨzir atiabara izɨ a dakuam. Apaniba dɨpenibar itir ter arariba isɨ tintinimɨn da kunigham. Kamaghɨn amizɨ, dɨpenir kaba bar ikuvigham. Eghtɨ dɨmagarimɨn kuarazir biariba ko, mɨghɨaba ko, dariaba da pura izɨ dɨpenir kabar ikɨva dar dɨpenir akɨniba ko, tiar akaba ko, winduabar dapiagh ikɨva arangam.

Esekiel 10:4

Ezɨ Ikiavɨra Itir Godɨn angazangarir bar gavgavim, enselɨn bar gavgavir kaba ategha pɨn ghuava, Godɨn Dɨpenimɨn tiar akamɨn boroghɨn tu. Ezɨ ghuariam ghua Godɨn Dɨpenim bar a koro. Ezɨ Godɨn angazangarir bar ekiam Dɨpenim avɨnizir dɨvazim gisirazɨ a taghtasi.

Esekiel 9:2

Ezɨ kɨ gari, gumazir 6pla dɨvazimɨn notɨn amadaghan itir itiar akamɨn boroghɨn ikegha izi. Me bar vaghvagha gumazibav soghamin mɨdorozir sababar suiki. Ezɨ gumazir igharazir mam me ko izi. A korotiar ghurghurir bar aghuir mam aruzɨ, osizirir biziba itir mɨtarir muziarim an oghɨriamɨn mɨtem gitoroghav iti. Me bar izegha ofa gamir brasɨn dakozimɨn mɨriamɨn boroghɨn mɨtifi.

Esekiel 1:28

Ezɨ angazangarir kam, ekianimɨn mɨn overiamɨn ikia dirir aghuiba an iti. Angazangarir kɨ gari kam, kar Ikiavɨra Itir Godɨn angazangarir gavgavim a izi. Ezɨ kɨ an ganigha, irɨgha uan guam isa nguazim gatɨgha orazima, mɨgɨrɨgɨam kamaghɨn na bagha izi.

Jeremaia 48:44

Eghtɨ gumazitam atiatim gumazamizibagh anɨdir bizibar, arɨ mangam, a mozir ekiamɨn magɨram. Egh a mozim ategh anangɨva otoghtɨ, ivem an suiragham. Kɨ Ikiavɨra Itir God, kɨ guizbangɨra mɨgei: Kɨ Moapia gasɨghasɨghasa dughiar kam amɨsefe, ezɨ kɨ me gasɨghasɨghasava ami.

Aisaia 30:16

Egha ia ghaze, “Puvatɨ! E hoziabar apiagh puv arɨ mangam.” Ezɨ God ghaze, “Guizbangɨra, ia arɨ mangɨ!” Ia ghaze, “En hoziaba puvɨra ivemaram.” Ezɨ God ghaze, “Ian apanibar hoziaba bar puvɨra ivemar ian gɨntɨgham.”

2 Eghaghaniba 18:18

Ezɨ Mikaia ua kamaghɨn mɨgei, “Nɨ datɨrɨghɨn deragh kuarim atɨgh oraghtɨ, kɨ Ikiavɨra Itir God nan akazir bizibar nɨ mɨkɨmam. Kɨ garima, Ikiavɨra Itir God uan Nguibamɨn uan atrivir dabirabim gaperaghav iti, ezɨ an enselba bar, an agharir guvim ko agharir ikiriamɨn tuivighav iti.

Aposel 26:13

O Atrivim, dughiam kamaghɨn 12 kloghɨn zuima, kɨ tuavimɨn ghua gari, angazangarir mam Godɨn Nguibamɨn ikegha izaghiri. Angazangarir kam bar gavgavigha, aruemɨn angazangarim gafiragha, na ko zui darazi bar e gisira.

Akar Mogomem 8:3

Ezɨ enselɨn igharazim iza ofa gamir dakozim boroghɨn tughav iti. A golɨn mɨner mamɨn suira, mɨner kam, me an aven paura tuazɨ a isia mɨgharir mughuriar aghuim otifi. Ezɨ me pauran avɨrir maba a ganɨngi, eghtɨ a Godɨn gumazamizibar azangsɨzibar sara isafuragh, atrivir dabirabimɨn guamɨn mangɨva golɨn ofa gamir dakozimɨn God bagh ofa damuam.

Onger Akaba 68:22

Ekiam kamaghɨn mɨgɨa ghaze, “Kɨ Basanɨn ian apaniba inigh uamategh izam. Me ongarir konimɨn bar vɨn mar ikiam, pura bizim, kɨ ua me inigh azenan izegham.

Jeremaia 11:11

Kamaghɨn kɨ Ikiavɨra Itir God, kɨ guizbangɨra mɨgei, kɨ zuamɨra bar me gasɨghasɨghtɨ, me itavraghamin tuaviba puvatɨgham. Egh me akurvazim bagh nan dɨmɨva arangtɨ, kɨ me bareghan kogham.

Jeremaia 42:16

bizir ia atiatiba, da Isipɨn ia bativam. Apaniba ia mɨsoghtɨ ia arɨghiram, egh ia dagheba puvatɨgh arɨghiram.

Esekiel 15:7

Kɨ men apanim damuva ivezir kuram me danɨngam. Me ti avim gitavɨraghsɨ damuva avegh bar isigham. Kɨ pazavɨra me damightɨma, me fogh suam, kɨrara, kɨ Ikiavɨra Itir God.

Amos 7:17

Amasia, nɨ akar kam na gasi. Ezɨ datɨrɨghɨn, Ikiavɨra Itir God kamaghɨn akam nɨn iti. “ ‘Nɨn amuim, nguibar ekiar kamɨn aven tuavimɨn amizimɨn mɨn gumaziba isɨ me ko dakuam, eghtɨ apaniba izɨ mɨsogh nɨn boribav sueghtɨ me arɨmɨghiregham. Egh me nɨn nguazim inigh anebɨghɨrarigh gumazir igharazibar anɨngam. Egh apaniba nɨ inigh, gumazamizir God gɨfozir puvatɨzibar kantrin mangɨghtɨ, nɨ kantrin kamɨn aremegham. Eghtɨ apaniba Israelia inigh mangɨ kantrin saghuiamɨn itir igharazir kamɨn, me isɨ kalabuziamɨn mɨn me arɨgham.’ ”

Sefanaia 1:12

Dughiar kamɨn, kɨ lamba inigh Jerusalemɨn averiam buriam. Gumazir nan arazibagh ifongezir puvatɨziba, me ghaze me uari biziba bar dar amuam. Me ghaze God pura iti. A gumazir aghuibar akurvazir puvatɨgha, gumazir kurabar araziba ikarvazir puvatɨ. Eghtɨ kɨ gumazir kabagh asɨghasigham.

Josua 10:18

Ezɨ Josua ghaze, “Ia dagɨar ekiaba poghpogh mangɨ mozir akam apɨrigh. Egh gumazitaba arightɨ me an gan ikɨ.

Amos 7:9

Israelɨn nguibar kaba, kar Aisakɨn ovavir boribar danganir pɨn itir me asebar ziaba feba, da bar ikuvigham. Guizbangɨra, kɨ dɨkavigh atrivim Jeroboamɨn adarazi bar me agɨvagham.”