Amos 8:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ia kamaghɨn uariv gɨa ghaze, Godɨn ziam fer isar ekiar kaba zuamɨra gɨvaghtɨ, e uan daghetaba inigh mangɨ dagɨaba bagh da amangam. Dughiar manamra Sabat gɨvagham? Eghtɨ e uan dagheba inigh da amadir danganimɨn mangɨ dar iveziba pɨn dar arigham. Egh ababanir ifavaribar amu, egh skel guva me gifartɨ, me bizir kabagh ivezam.

Amos 8:5 ပူးပေါင်းရင်းမြစ်များ

Hosea 12:7

Ikiavɨra Itir God kamaghɨn mɨgei: “Efraimia, Kenanian gumazir dagɨaba bagha ingaribar mɨn dagɨar ingangaribagh amua, egha arazir aghuim sara dagh amir puvatɨ. Me gumazir iza men bizibagh ivezibagh ifarasa bar ifonge. Me amadir biziba, me guizɨn ivezibar mɨrara da amadir puvatɨ.

Ofa Gami 19:36

Puvatɨ. Ia deraghvɨra dar abanɨva da tuisɨgh, egh deraghvɨra biziba meng. Kɨ Ikiavɨra Itir God, ian God, kɨ Isipɨn kantrin ia inigha ian akua azenan ize.

Aisaia 1:13

Ia na bagh ofaba inigh izɨsɨ pura ingangarir dafabar amuan markɨ. Guizbangɨra, kɨ ian ofaba bar dar aghua. Egha ia tuer pauran mughuriar aghuiba, dar mughuriar kurabara nan atinimɨn zui. Kɨ iakɨnir igiabar ia nan ziam fer dughiaba ko, Sabatba ko, nan ziam fer arazir igharazir ia amibar ganan bar aghua. Ia izɨ uari akuvagh arazir kurabar amuasa izi. Kamaghɨn amizɨ, kɨ bar arazir kabar aghua.

Aghuzir Akaba 20:23

Gumazamiziba bizibagh ivezasa ifonge, ezɨ gumazir biziba amadiba paza biziba amagava, me gifari, ezɨ arazir kam, Ikiavɨra Itir God bar an aghua.

Aghuzir Akaba 16:11

Gumazamiziba biziba tuisɨghasa bizibar abaraghtɨ, da mangɨ mɨtemra tugham, eghtɨ Ikiavɨra Itir God men arazim gifuegham. Biziba tuisɨghamin arazim, kar Godɨn bizimra. A gan fogh suam, e gumazamizibagh ifaragham ti, puvatɨgham.

Aghuzir Akaba 11:1

Gumazir biziba amadiba, ko gumazir bizibagh iveziba, me gumazamizibagh ifara pura biziba me dama da isima, Ikiavɨra Itir God men arazir kam bar an aghua. Egha a gumazir biziba deraghavɨra da amaga egha dagh iveziba, a bar me gakonge.

2 Atriviba 4:23

Ezɨ an pam ghaze, “Manmagh amizɨ nɨ datɨrɨghɨra mangasa? Nɨ Sabatɨn dughiam o iakɨnir igiamɨn dughiar ekiam mɨzuamam, o?” Ezɨ amizim ghaze, “Markɨ, kɨ datɨrɨghɨra mangasa. Nɨ nɨmɨra ikɨ. Biziba deragham.”

Dɨboboniba 10:10

Egh uaghan, ia bar akueghamin dughiar ekiaba, kar ia Godɨn ziam famin dughiaba, ko iakɨnir igiaba otivir isaba, ko ian dughiar ekiar igharazibar, ia sɨgham givighɨva, uan ofan bar isia mɨghɨriba, ko God ko navir vamɨra ikiamin ofabar amuam. Eghtɨ kɨ ia gɨnɨghnɨgh ian akurvagham. Kɨ Ikiavɨra Itir God, ian God.”

Aisaia 58:13

Ikiavɨra Itir God kamaghɨn mɨgei, “Ia Sabatɨn dughiamɨn araziba abɨghan markɨ, kar dughiar kɨ ua bagha mɨsevezim. Egh ia dughiar kamɨn uari uan bizibar amusɨ nɨghnɨghan markɨ. Kɨ Ikiavɨra Itir God, ia nan dughiar kam bar a gifongegh kamaghɨn a gɨnɨghnɨgh, kar nan dughiar bar ekiam. Egh ia pura tintinibar mangɨ uan ingangaribar amuava, uan mɨgɨrɨgɨar guar avɨribar amuan markɨ.

Kolosi 2:16

Kamaghɨn amizɨ, ia tav ateghtɨma an akaba ia gasan markɨ, egh ia mɨkɨm suam, ia dagheba ko dɨpaba apir arazibar gɨn zuir puvatɨ, o ia Godɨn ziam fer dughiabar gɨn zuir puvatɨ, o iakɨnir igiabar isar araziba ko Sabatɨn dughiabar arazibar gɨn zuir puvatɨ.

Malakai 1:13

Ia kamaghɨn mɨgɨa ghaze, ‘Oio, e ofa damuamin arazim a bar e baseme.’ Ezɨ ian arazir kam kamaghɨn akagha ghaze, ia Ikiavɨra Itir Godɨn Gavgaviba Bar Itimɨn ziar ekiam, a ganɨdir puvatɨ. Ia asɨzir atiaba mɨsoghezir asɨziba isa, dar ofabagh ami. Ia uaghan asɨzir arɨmariaba itiba ko, agharir dɨbɨriba isa na bagha izi. Egha ia ghaze, Kɨ Ikiavɨra Itir God, kɨ ti ia amir ofan kabagh ifuegham, a? Ti bar puvatɨgham!

1 Samuel 20:5

Ezɨ Devit kamaghɨn a mɨgei, “Gurumzaraghan iakɨnir igiamɨn dughiar ekiamɨn, kɨ mangɨ atrivim ko damam. Nɨ uabɨ nɨghnɨgh, nɨ na amadaghtɨ, kɨ mangɨ obarir azenimɨn modogh ikɨ, mangɨ amɨmzaraghan guaratɨzimɨn tugham.

Sekaraia 5:6

Ezɨ kɨ an azara, “Bizir tizim?” Ezɨ a ghaze, “Kar akɨrar mam. Egha akɨrar kam a mati, kantrin kamɨn itir gumazamiziba bizir kurar me ifongezibar ababanimɨn mɨn iti.”

Sekaraia 5:8

Ezɨ ensel ghaze, “Amizir kam, an arazir kuraba bar dar nedazimɨn mɨn iti.” A mɨkemegha gɨvagha uam amizim abɨragha, akɨramɨn asuam dukua.

Hosea 12:8

Egha me kamaghɨn mɨgei: ‘E dagɨaba itir gumazibar otivigha gɨfa. E bizir avɨriba iti. Eghtɨ gumazitam kamaghɨn mɨkɨman kogham, e okɨmakɨar arazim gamua dagɨar gumazibar otifi. E arazir kuratam gamizir puvatɨ.’