Amos 8:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Ezɨ gumazamizir maba Samarian asebar ziabar gavgavim uan akabagh anɨga, kamaghɨn mɨgei, ‘E aser Danɨn nguibar ekiamɨn itimɨn ziamɨn, e guizbangɨra mɨgei.’ Egha ‘E aser Berseban nguibar ekiamɨn itimɨn ziamɨn, e guizbangɨra mɨgei.’ Kamaghɨn amizɨ, gumazamizir kaba guizbangɨra osɨmtɨziba ikɨ arɨghiregham, egh ua dɨkavan kogham.”

Amos 8:14 ပူးပေါင်းရင်းမြစ်များ

Amos 5:5

Egh Ia Berseban nguibamɨn mangɨ nan ziam fan markɨ. Ia Betelɨn nguibamɨn mangɨ, tong na burian markɨ, Betelɨn nguibam bar moghɨra ikuvigham. Ia Gilgalɨn nguibamɨn mangɨ nan ziam fan markɨ, Gilgalɨn gumazamiziba mangɨ kantrin igharazimɨn kalabuziabar mɨn ikiam.

Godɨn Araziba 9:21

Ia bulmakaun kamɨn ingarigha arazir kuram gami. Ezɨ kɨ bulmakau inigha ghua a isa avim mɨkɨni. Egha kɨ bar a anemɨsaragharigha, a mɨrmɨrigha an avereniba inigha da isa, mɨghsɨamɨn ivemara uaghirir daghurir dɨpam mɨkɨni.

Aposel 24:14

“Ezɨ kɨ guizbangɨra mɨgei, kɨ en ovavibar Godɨn ziam fa egha Tuavir kamɨn zui. Tuavir kamɨn ziam Judaba kamaghɨn a dɨbori, ifarir darasi. Kɨ nɨghnɨzir gavgavim bar Moses Osirizir Araziba ikia, egha Godɨn akam inigha izir gumaziba osirizir akabar iti.

Aposel 19:23

Dughiar kamra gumazir maba Ekiamɨn Tuavimɨn adarir mɨgɨrɨgɨar dafam gami.

Aposel 19:9

Ezɨ marazir naviba gavgavizɨ, me nɨghnɨzir gavgavim Polɨn akabar ikian aghuagha, gumazamizibar damazibar azenara mɨgɨrɨgɨar kurabar Godɨn Tuavim gami. Ezɨ Pol me ategha nɨghnɨzir gavgavim Iesusɨn itir darazi inigha ghu. Egha dughiabar zurara Tiranusɨn suren dɨpenimɨn bizibar me mɨgei.

Aposel 18:25

Me Ekiamɨn tuavimɨn a geghani, ezɨ a gumazamizibar sure damuasa an navim bar a dɨkafi. A bar deravɨra Iesus amizir bizibar me mɨgei. Egha a Jonɨn rurimra fo.

Sefanaia 1:5

Gumazamizir uan dɨpenibar isɨriabar ghuavanaga, aruem ko, iakɨnim ko, mɨkovezibar ziaba feba, kɨ me gasɨghasigham. Gumazamizir avɨrim nan ziam fa kamaghɨn mɨgei, ‘E Ikiavɨra Itir Godɨn ziamɨn pɨn an akakagha ghaze, Bar guizbangɨra, e an gɨn zui.’ Ezɨ puvatɨ, me uaghan asem Molekɨn ziam fa ghaze, ‘E asem Molekɨn ziamɨn pɨn akakagha ghaze, Bar guizbangɨra, e asem Molekɨn gɨn zui.’ Kamaghɨn amizɨ, kɨ me gasɨghasigham.

Amos 5:2

Azirakar kam kamaghɨn ghu: “Kantri Israel mati amizir igiar kam, a irɨgha gɨvagha, ua dɨkavan kogham. A datɨrɨghɨn uan nguazim girɨghav iti, ezɨ an akurvagh, uam a famin gumaziba puvatɨ.”

Hosea 13:16

Samariaba bar nan akaba barazir puvatɨ, kamaghɨn amizɨ, me ivezir kuram iniam. Apaniba izɨ me mɨsoghtɨ me arɨmɨghiram. Egh borir doziba isɨ nguazimɨn me apɨstɨ, me uaghan arɨmɨghiram. Egh amizir navir adasebar naviba abɨgham.”

Hosea 13:2

Egha datɨrɨghɨn me arazir kuram gamua ghuavɨra iti. Me uari bagha marvir guaba silvan dar ingara egha dar ziaba fe. Gumazir maba uari dagh nɨghnigha, egha uan dafaribar dar ingari. Egh nedazir kaba bagh ofa damuasa gumaziba amɨsefe. Me bulmakaun nedazir kabar tori. Amei! Kar gumazamizir anabar bar kuraba.

Hosea 10:5

Golɨn bulmakaun nedazir Betelɨn itir kam, Samarian nguibar ekiamɨn itir gumazamiziba, me a bagh akongɨva arangam. Guizbangɨra, apaniba an kurkaziba adegham. Kamaghɨn amizɨ, ofa gamir gumaziba ko an gumazamiziba bar, me an apangkuv egh aziam.

Hosea 4:15

“Ia Israelian gumazamiziba mati amizim tintinimɨn gumaziba koma akui, egha ia na ategha gɨfa. Ia deraghvɨra ganigh, ia Judan gumazamizibar amamangatɨghtɨ, me ian mɨn arazir kamra damigh uaghan osɨmtɨzim ikiam. Ia Gilgal ko, Betelɨn mangɨ ofabar amuan markɨ. Ia aningɨn mangɨtɨ, aning uaghan nguibar kuramningɨn mɨn otogham. Egh ia nguibar kamningɨn ikɨ, kɨ Ikiavɨra Itir Godɨn Zurara Itimɨn akakagh nan ziamɨn akar dɨkɨrɨzibar amuan markɨ.

Jeremaia 51:64

Egh nɨ kamaghɨn Ikiavɨra Itir Godɨn akam akun, ‘Kɨ Ikiavɨra Itir God, kɨ bar Babilon gasɨghasigham. Babilon akɨnafarir kamɨn mɨn magɨram, egh uam otoghan kogham.’ ” Jeremaian akam iza kagh tu.

Jeremaia 25:27

Ezɨ Ikiavɨra Itir God kamaghɨn na mɨkeme, “Jeremaia, nɨ akar kam gumazamizir kabav kemegh. Kɨ Ikiavɨra Itir Godɨn Gavgaviba Bar Itim, Israelian God, kɨ kamaghɨn mɨgei, ‘Kɨ apaniba amadaghtɨ, me izɨ ia mɨsogh ia gasɨghasɨgham, eghtɨ ia wainɨn dɨpar kam amɨ mangɨvɨra ikɨ wainɨn dɨpar bar avɨribar amɨva, ia bar onganigh, mighɨva nguazim giregh ua dɨkavan kogham.’

Aisaia 43:17

Egha kɨ mɨdorozir gumazir avɨribagh amizɨ, me uan karisba ko hoziaba sara tuavir kamɨn ghue, egha me bar ikuvigha ua dɨkavizir puvatɨ. Me mati gumazim lam giverazɨ a zuamɨra munge.

Aghuzir Akaba 29:1

Me dughiar avɨribar gumazir mam akɨrtɨ, an akaba batoghvɨra ikiam, kamaghɨn a zuamɨra ikuvigham. Eghtɨ an akurvaghamin tuaviba ua puvatɨgham.

Onger Akaba 140:10

Nɨ dagɨar isibar avim amadaghtɨ a me girɨ men isi. Tarazi nɨ me isɨ torir konimɨn me kunightɨ me uam anangan tuaviba puvatɨgham.

Onger Akaba 36:12

Ia gan. Gumazir arazir kurabagh amiba daghiregha nguazimɨn fueghav iti. Me ua dɨkavan kogham.

2 Eghaghaniba 36:16

Ezɨ gumazamiziba, akam inigha izir gumazibar akabar aghuagha dar abara me dɨpovavɨra iti, ezɨ Ikiavɨra Itir Godɨn anɨngagharim oto. Egha an anɨngagharir kam an gumazamizibar ikiavɨra iti, ezɨ me a gitavɨraghan tuaviba puvatɨ.

2 Atriviba 10:29

Ezɨ Ikiavɨra Itir God kamaghɨn Jehu mɨgei, “Nɨ nan navir averiamɨn ifongiamɨn gɨn ghua, egha nɨ bizir kaba Ahapɨn adarazigh ami, ezɨ nɨn arazir kam nan damazimɨn dera. Kamaghɨn amizɨ kɨ gɨn nɨn adarazir gumaziba ateghtɨ, me atrivibar otivam. Nɨn ikegh mangɨ nɨn otarim ko an otarim, ko an igiavotarim ko an azɨzimɨn tugham.” Ezɨ gɨn Jehu Atrivim Jeroboamɨn arazir kurabar gɨn zui, gumazir kam a fomɨra Israelia gekuizɨ me arazir kuram gami. Jeroboam golɨn bulmakaun pumuningɨn ingarigha, mam inigha Betelɨn nguibamɨn anetɨ, egha mam inigha Danɨn nguibamɨn anetɨ. Ezɨ Jehu Israelia ataghizɨ, me bulmakaun kamningɨn ziam fe.

1 Atriviba 16:24

Egha gɨn Omri mɨghsɨar muziarim itir nguazir mam givese. Egha mɨghsɨar kamɨn dɨvazir gavgavim avɨnizir nguibar ekiar mamɨn ingari. Gumazir an a da nguazir kam givezezim, an ziam Semer, Omri 60,000 silva isa Semer ganɨngi. Egha Omri gumazim Semer gɨnɨghnɨgha ziar kam nguibar ekiam ganɨngi, Samaria.

1 Atriviba 14:16

Jeroboam uabɨ arazir kurar kam gamigha, bar Israelia gekuizɨ me arazir kuram gami. Kamaghɨn amizɨ, Ikiavɨra Itir God Israelian arazir kurar kam gɨnɨghnɨgh, akɨrim ragh me gasaragham.”

1 Atriviba 12:32

Egha Jeroboam, gol bulmakauningɨn ziamning fasa dughiar ekiar mam ginaba, a namba 8ɨn iakɨnim an namba 15ɨn aruem. Kar bulmakaun kamningɨn ziam fer dughiam, a Judaba Godɨn ziam fer dughiam ko ekevegha magh ghu. Egha a bulmakaun ingarizimning bagha, asɨzibav suegha ofa gamir dakozim gisɨn da tuegha ofa gami. A Betelɨn ofan kabagh ami. Egha a ofa gamir gumazir a uabɨ mɨseveziba bagha akam amadagha ghaze, Me Betelɨn izɨ danganir ofabagh amibar ingangarimɨn faragh mangɨ a damuam.

Godɨn Araziba 33:11

Ikiavɨra Itir God, nɨ Livain anabamɨn ofa gamir gumazibar akuraghtɨ me gavgavightɨ, nɨ me amir ingangarim bagh bar akongegh. Egh men apanir me gifongezir puvatɨziba, bar me dɨkabɨragh me abɨnightɨ, me ua dɨkavan kogham.”

Aisaia 24:20

Nguazim ivazvagh, mati gumazim wainɨn dɨpam apava onganigha mangɨn izegh gami. Egh mati averpenir muziarimɨn mɨn, amɨnir gavgavim a givaima, a mangɨn izegh damuam. Gumazamizibar arazir kuramɨn osɨmtɨzim, bar osemezɨ nguazim an ateran ibura. Kamaghɨn amizɨ, nguazim irɨgh, ua dɨkavighan iburagham.”

Maika 1:5

Israelia, me Godɨn akam batuegha arazir kuram gami, kamaghɨn amizɨ, bizir kaba bar me bativam. Israelia akam batozir arazir kam, kar ten osɨmtɨzim? Samariaba, kar ian osɨmtɨzim. Ezɨ Judaba asebar ziaba feir arazir kam, kar ten osɨmtɨzim? Jerusalemia, kar ian osɨmtɨzim.

Aghuzir Akaba 24:16

Guizbangɨra, gumazir aghuim dughiar avɨribar daighiri, egha zurara ua dɨkafi. Eghtɨ dughiar kuram gumazir arazir kurabagh amiba batoghtɨ, me bar ikuvigham.

Amos 5:1

O Israelia, ia oragh! Ia mati gumazim aremezɨ moghɨn iti. Kamaghɨn amizɨ, kɨ azirakar ighiar mam ia bagh a bangɨtɨ, ia a baragham.