Amos 8:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ikiavɨra Itir Godɨn Ekiam, ua kamaghɨn mɨgɨa ghaze: “Kɨ mɨtiriar ekiam damightɨ a ian kantrin otivam. Eghtɨ gumazamiziba mɨtiriam bar puvɨra men agham, eghtɨ me daghem bagh mɨtiriam men aghan kogham. Puvatɨ. Kuarim puvɨra men pɨram, eghtɨ me dɨpam bagh kuarim men pɨran kogham. Puvatɨ. Me Ikiavɨra Itir Godɨn akam baraghsɨ mɨtiriam men agham. Kɨ Ikiavɨra Itir Godɨn Ekiam, kɨ kamaghɨn mɨkeme.

Amos 8:11 ပူးပေါင်းရင်းမြစ်များ

Onger Akaba 74:9

E gan fofoghamin arazarazitaba bar itir puvatɨ. Da bar moghɨra ghuegha gɨfa. Ezɨ Godɨn akam inigha izir gumazitam uam e ko itir puvatɨ. Osɨmtɨzir kam gɨvamin dughiam, en tav bar a gɨfozir puvatɨ.

1 Samuel 3:1

Ezɨ otarir igiam Samuel, a Elin apengan ikia, Ikiavɨra Itir Godɨn ingangarim gami. Azenir avɨriba ghuezɨma, Ikiavɨra Itir God mɨgɨrɨgɨar avɨriba Israelia ganɨngizir puvatɨ. Dughiar vabara a irebamɨn mɨn garir bizibar aven a me mɨgei.

2 Eghaghaniba 15:3

Bar guizbangɨra, Israelia bar dughiar ruarimɨn, guizɨn God ko itir puvatɨ, me akɨrim ragha a gasara. Egha me Godɨn akabar men sure damuamin ofa gamir gumazitaba itir puvatɨ. Egha me uaghan an Arazibar gɨn zuir puvatɨ.

1 Samuel 28:6

Kamaghɨn amizɨ a Ikiavɨra Itir Godɨn azangsɨsi, “Kɨ bizir tizim damuam?” Ezɨ Ikiavɨra Itir God irebamɨn bizitam an akazir puvatɨ. Egha dagɨar Ikiavɨra Itir Godɨn ifongiam gɨfoghamim ko Ikiavɨra Itir Godɨn akam inigha izir gumazibar akatoribar akatam inizir puvatɨ. Ikiavɨra Itir God an akatam ikarazir puvatɨ. Bar puvatɨ.

Esekiel 7:26

Eghtɨ osɨmtɨzir ekiaba uari tɨvaghtɨvagh me bagh izam, eghtɨ bizir kurar otivir avɨribar akaba uari tɨvaghtɨvagh me bagh izɨtɨ, me da baragham. Egh bar atiatingɨva nan nɨghnɨzibagh fofoghsɨ, akam inigha izir gumazibar azangsɨghtɨ, kɨ akaba me danɨngan kogham. Eghtɨ ofa gamir gumaziba men sure damuamin akaba puvatɨghtɨ, men gumazir dapaniba me danɨngamin nɨghnɨzir aghuiba puvatɨgham.

Matyu 9:36

A gumazamizir avɨrir dafamɨn garima, men nɨghnɨziba tintinibar itima, me osɨmtɨzibar aven arua, mati sipsipbar mɨn ami, me ghuaviba puvatɨgha asaghasazibar mɨn puram arui. Kamaghɨn amizɨ, a bar men apangkufi.

Maika 3:6

“Ia nan gumazamizibagh ifari, kamaghɨn amizɨ, kɨ ian anogoreghtɨ, ia ua irebamɨn mɨn gari bizibar ganan kogham, egh dar mɨngariba abɨghan kogh, egh ia gɨn otivamin bizibagh foghan kogh, dav kɨman kogham. Ia aruem iraghugha gɨvagha amɨnim pɨrizɨ moghɨn, ian dughiaba gɨvagham.”

1 Samuel 28:15

Ezɨ Samuel kamaghɨn Sol mɨgei, “Nɨ tizim bagha na gaghura, egha nan diazɨ kɨ dɨkavigha izi?” Ezɨ Sol Samuel ikaragha ghaze, “God na ataghizɨ Filistiaba izɨ na mɨsoghasa, kamagh amizɨ kɨ osɨmtɨzir bar ekiam iti. God ua irebabar na mɨgeir puvatɨ. Egha a uan akam inigha izir gumazibar akatoribar na mɨgeir puvatɨ. Ezɨ kɨ foghasa, kɨ manmaghɨn damuam. Kamaghɨn amizɨ kɨ uabɨn mɨkɨmasa nɨn dia.”

Aisaia 5:6

Kɨ nguazim damightɨ ruarim a batoghtɨ dɨkoniba itir ikarɨziba azenir kamɨn avegham. Kɨ wainɨn azenimɨn ogher kuraba asian kogh, egh ikarɨzibar aghariba aghoran kogham. Kɨ uaghan ghuariabav kemeghtɨ, da amozimɨn tɨvaghtɨ a wainɨn azenir kam gizan kogham.”

Aghuzir Akaba 29:18

Ikiavɨra Itir God, akam gumazamizibagh anɨngizir puvatɨzɨ, me tintinibar arazir igharazir avɨrim gamighai. Ezɨ gumazir Godɨn Akar Gavgavibar gɨn zuim, a bar akongegham.

Hosea 2:3

An arazir kam ateghan koghtɨ, kɨ an korotiaba sueghtɨ, a bibiamra ikɨ bar aghumsigham. Kɨ a damightɨ, a nguazir bar kuramɨn mɨn otogham. Nguazir kam, bar mɨsɨngizɨ temeba ko biziba an aghuir puvatɨ, egha dɨpar apiba an puvatɨ. Arazir kamɨn kɨ a gasɨghasigham.