Amos 8:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ia isar ekiabagh amua bar akongezir dughiaba, kɨ dagh iraghtɨ, da mati gumazim ovengezɨ, ia an aghuimazimɨn iti moghɨn ikiam. Kɨ ian onger akabagh iraghtɨ, da azir onger akabar mɨn otivigham. Kɨ ia damutɨ ia azirakar korotiabar aghuigh, egh uan osɨmtɨzim akakaghsɨ, bar moghɨra uan dapanir arɨzibagh isegham. Kɨ ia damutɨ ia mati poroghamimning borir vamɨrara itima, an areme, ezɨ aning a bagha osemezɨ moghɨn, ia azi bar osemegham. Dughiar kurar kamɨn osɨmtɨzim, mati ia dagher mɨsozim amezɨ a ia mɨsozi moghɨn, a mangɨvɨra ikɨ mangɨ gɨvagham.

Amos 8:10 ပူးပေါင်းရင်းမြစ်များ

Jeremaia 6:26

Ezɨ Ikiavɨra Itir God, kamaghɨn mɨgei: “O, nan gumazamizir kɨ bar ifongeziba, ia azir korotiabar aghuigh averenim gɨpoghpogh. Ia fo, apanir izɨ ia gasɨghasɨghamim pura kaghɨram otoghtɨ, ia atam mangeghtɨ me ia gasɨghasigham. Kamaghɨn, ia puvɨrama aziva, azir onger akaba bangɨ. Mati poroghamimning borir bar vamɨrara iti, an aremezɨ, aning a bagh azia an kuarkufi.”

Sekaraia 12:10

Ezɨ Ikiavɨra Itir God ua ghaze, “Kɨ Devitɨn ovaviba ko, Jerusalemɨn nguibamɨn itir gumazamizir igharaziba, kɨ me damutɨ, me uan navir averiabar aven apangkuvir arazim ko, God ko mɨgeir arazimɨn gɨn mangam. Egh gumazir me afuzimɨn ruazim, me an ganigh a bagh bar puv aziam. Mati gumazim otarir ivariamra itima, an aremezɨ, an a bagha puvɨram azi moghɨn, me bar osemegh puvɨram aziam.

Esekiel 7:18

Eghtɨ me azirakar korotiabar aghuigh, puvɨrama atiating akongɨva, bar aghumsigh, uan dapanir arɨziba bar dagh isegh dapanir tuziba ikiam.

Jeremaia 48:37

“Moapia bar uan dapanir arɨziba ko ghuamasɨziba apɨr bar adar apangkuvigham. Egh me tintinibar uan dafaribar ghorɨva, apangkuvir korotiabar aghuigham.

Jopɨn Akɨnafarim 20:23

“Me bizir bar aghuir avɨrim iniam. Eghtɨ Godɨn anɨngagharim bar men ekeveghtɨ, an osɨmtɨzir avɨrim, amozir ekiamɨn mɨn me gingam.

Hosea 2:11

Dughiar ekiar a bar akongeziba, kɨ bar da agɨvagham. Dughiar ekiar kaba kamakɨn. Kar, dughiar ekiar zurara azeniba bar dar otiviba, ko, iakɨnir igiaba, ko, Sabatɨn dughiaba, ko, Godɨn ziam fer dughiar igharaziba sara.

Nahum 1:10

Ia mati gumazim dɨpar onganim amegha bar ongani, eghtɨ a bar ia agɨvagham, mati avim benir dɨkoniba ko, grazir bar mɨsɨngizibar isi.

Amos 8:3

Dughiar kamɨn, gumazamizir atrivimɨn dɨpenimɨn itiba, me uam ighiabar amuan kogham. Me azivɨra ikiam. Eghtɨ gumazamizir ariaghirezibar kuaba, tintinibar danganibar irɨv ikiam. Me gumazir kuaba azenan da akuntɨ, gumaziba mɨkɨman iburagham. Kɨ Ikiavɨra Itir Godɨn Ekiam, kɨ kamaghɨn mɨkeme.”

Amos 5:23

Ia ua ighabar amuan markɨ. Ia ua gitaba ko buabav soghan markɨ, da nan kuarir torimɨn pura nɨgɨnir kɨnim gami. Ezɨ kɨ da baraghan aghua.

Jopɨn Akɨnafarim 3:5

A dughiar kam gamizɨ a bar mɨtarmegha, ghuariar pɨziba overiam avaraghɨva aruemɨn angazangarim bar anepazazɨ, kamaghɨn deraghai.

Godɨn Araziba 16:14

Dughiar kamɨn, ia bar moghɨra bar akongegham. Ia uan otariba ko guiviba ko, ian ingangarir gumazamiziba ko, Livaiba ko ikɨzir igharazibar gumazamizir ian tongɨn itiba, ko borir afeziaba ariaghireziba, ko amizir paba ariaghireziba,

Jenesis 21:16

Egha a borimɨn gantɨ an ovengan aghuagha ghua mong saghon aperaghav iti. Egha azia iti.

Ofa Gami 13:40

“Eghtɨ gumazimɨn dapanir arɨziba asighiregh, onarim mɨsegh, a Godɨn damazimɨn mɨzezir puvatɨ. A zue.

Aisaia 3:24

Eghtɨ dughiar kamɨn, Saionɨn amiziba, fomɨra deragha kurti moghɨn ua kurukan kogham. Me borer mughuriar aghuim zuiba puvatɨgham, eghtɨ men mɨkarziba bar puvɨra mughagham. Me ua mɨteba uan ivariaba amɨghɨnan kogham, egh uan ivariaba pura benir kɨnibar uari amɨghɨnan. Me ua deraghvɨra uan dapanir arɨzibar akɨrigh da asɨngan kogham, eghtɨ men apaniba izɨ, men dapanir arɨziba bar dagh iseghtɨma, me onariba mɨsegh ikiam. Me korotiar bar diriba ua da aghuan kogham, egh me korotiar bɨbɨzir kurabar aghuam. Eghtɨ men guar bar aghuiba, men apaniba kalabuziabar dɨghoribar mɨn me aghor me tuegham. Eghtɨ me bar aghumsigham.

Jeremaia 2:19

Ian arazir kuramra puv ia damigham. Ia akɨrim ragha na gasara, ezɨ ian arazir kam bangɨn ia bar ikuvigham. Kɨ Ikiavɨra Itir God, ian God, ia na ataki, egha ua nan apengan itir puvatɨ. Kamaghɨn amizɨ, ia deraghvɨra nɨghnigh, egh kamaghɨn fogham, ian arazir kaba bar kufi, egha mɨzaziba ia ganɨdi. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

Esekiel 7:2

O nguazir kamɨn gumazim, kɨ Ikiavɨra Itir Godɨn Ekiam, kɨ kamaghɨn Israelɨn nguazibar itir gumazamizibav gɨa ghaze: Kar dughiar abuananam! Dughiar abuananam a nguazir oteviba bar dar otivasava ami.

Joel 1:8

Ia gumazamiziba, ia azi, mati guivir igiam gumazir igiamɨn ikiasa a ginabazɨ an areme, ezɨ a uan pam bagha puv azia, azirakar korotiar pɨziba aghui.

Amos 5:21

Ikiavɨra Itir God kamaghɨn mɨgɨa ghaze, “Ian isar ekiabar dughiaba, kɨ bar dar aghua, Guizbangɨra, kɨ bar dagh ifongezir puvatɨ. Ia nan ziam fer dughiar ekiaba, da nan atinimɨn kurigha mughasi.

Jopɨn Akɨnafarim 30:31

Kɨ fomɨra deravɨra ikia uan gita mɨsogha uan marvim givi, egha agoroger onger akabagh ami. Egha datɨrɨghɨn kɨ uan gita mɨsogha azir akabagh ami, mati gumazim ovengezɨ me a gubai.”

Hosea 2:13

A dughiar ruarimɨn na gɨnamada, egha ghua mɨgharir mughuriar aghuim zuir ofaba isa asem Bal bagha ofabagh ami. Egha kurkazir aghuaribagh amua gumazir a ifongezibar gɨn arui. Kamaghɨn amizɨ, kɨ ivezir kuram a danigham. Kɨ Ikiavɨra Itir God, kɨ kamaghɨn mɨgei.”