Amos 7:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ikiavɨra Itir Godɨn Ekiam ua irebamɨn mɨn garir bizimɨn aven bizir igharazim nan aka. Kɨ irebamɨn mɨn garir bizimɨn gari, Ikiavɨra Itir Godɨn Ekiam, ivezir kuram uan gumazamizibar anɨngasa avim gamizɨ a izaghiri. Ezɨ gɨn avir kam ongarir ekiar bar konimɨn isigha, gɨn nguazimɨn isia ghuavɨra iti.

Amos 7:4 ပူးပေါင်းရင်းမြစ်များ

Amos 7:1

Ikiavɨra Itir Godɨn Ekiam, a irebamɨn mɨn garir bizir mam nan aka. Ame! Kɨ Ikiavɨra Itir Godɨn garima, an odezir okoruar bar dafamɨn ingarizɨ da otifi. Dughiar kamɨn atrivimɨn ingangarir gumaziba an nguazimɨn grazibagh ighɨzigha gɨfa. Ezɨ grazir kabar dafarir igiaba uam otivir dughiamra, odezir kaba otifi.

Akar Mogomem 4:1

Ezɨ kɨ gɨn ua garima, Ame! Godɨn Nguibamɨn tiar akar mam kuiaghirɨgha iti. Ezɨ gumazir kɨ faragha oraghizim, a faraghavɨra pamten sɨghamɨn mɨn nan diazim, a datɨrɨghɨn ua kamaghɨn na mɨgei, “Nɨ kagh anang, eghtɨ kɨ bizir gɨn otivamiba bar nɨn akakagham.”

Hibru 1:7

God enselbagh nɨghnɨgha kamaghɨn mɨgei, “A uan enselbagh amima da amɨnimɨn mɨn otifi, egha uan ingangarir gumazibagh amima me avir mɨzariabar mɨn otifi.”

Nahum 1:6

An anɨngazir dughiam, tina deravɨra ikɨ ikuvighan kogham. Bar puvatɨgham. A gumazamizibar anɨngagha, an damazimning mati avim isiava aghefe, An anɨngagharim, dagɨaba mɨsaragharɨsi.

Maika 1:4

Eghtɨ mɨghsɨaba an suemningɨn apengan dɨpabar mɨn otivigham, mati kendel isia amera izaghira dɨpamɨn mɨn emɨri. Mɨghsɨar kaba, irɨ danganir zaribar otivigham, eghtɨ dagɨaba poghpogh izighirɨ, mati dɨpam mɨghsɨabar ikegha ivemara izaghiri.

Amos 7:7

Ekiam, bizir igharazir mam irebamɨn mɨn garir bizimɨn aven nan aka. Kɨ Ekiamɨn garima, a dɨpenir mamɨn dɨvazir mɨriamɨn boroghɨra tughav iti. Gumazir dɨpenir kamɨn ingariziba, me ainɨn muziarir guraghav itimɨn suiragha dɨpenir kamɨn bɨribar abaragha fo, an bɨriba pura voroghɨra tuivighav iti. Kɨ gari Ekiam benir kamɨn suiraghav iti.

Amos 5:6

“Ia uamategh izɨ Ikiavɨra Itir God baghvɨra ikɨ, egh dabirabir aghuim iniam. Puvatɨghtɨma, a ian atarɨva avir mɨzariamɨn mɨn isi izighirɨ, ia Josepɨn ovavir boriba bar ian isigham. Avir kamra Betelɨn nguibam bar an isigham. Eghtɨ avir mɨzariar isir kam amungamin gumaziba puvatɨgham.”

Amos 4:11

“Ian marasi, kɨ Sodom ko Gomoran nguibamning gasɨghasɨghizɨ moghɨn, kɨ me gasɨghasɨki. Ezɨ ia ikiavɨra iti darasi, mati dazir otevim avim gasaraghav ikia isima, gumazir mam a gekuizɨma, a isizir puvatɨ. Kɨ bizir kabagh amizɨ, ia tong uan navibagh iraghasa nɨghnɨzir pu. Bar puvatɨ. Kamaghɨn amizɨ, Israelia, kɨ mɨzazim ia gasam. Kɨ kamaghɨn damightɨ, ia fogh uan Godɨn kotiamɨn tuivsɨ uari akɨrmɨgh ikiam. Kɨ Ikiavɨra Itir God, kɨ mɨkemegha gɨfa.”

Amos 1:7

Kamaghɨn amizɨ, kɨ avim isɨ Gasan nguibar ekiamɨn itir dɨvazim mɨkɨnightɨ, avim an dɨpenir gavgaviba bar dar isigham.

Amos 1:4

Kamaghɨn amizɨ, kɨ avim isɨ Atrivim Hasaelɨn dɨpenim mɨkɨnightɨ, avim Atrivim Benhadatɨn nguibar ekiar gavgaviba bar dar isigham. Nguibar kaba, dɨvazir bar gavgaviba da avɨnizɨ da gavgavigha iti.

Joel 2:30

Egha Ikiavɨra Itir God, ua kamaghɨn mɨgei: “Kɨ pɨn overiamɨn dɨgavir kuram gamir araziba akakagh, uaghan nguazimɨn dɨgavir kuram gamir arazibar amuam. Eghtɨ ghuzim ko, avim ko, mɨgharir pɨzir ekiaba otivam.

Jeremaia 4:4

Ia Judaba ko Jerusalemia, ia na bagha uan mɨkarzir mogomebar inibar ghoregha na ko akam akɨrizɨ moghɨn, kamaghɨra ia na baghvɨra ikɨ uari isɨ na danɨng. Ia kamaghɨn damighan koghtɨ, nan anɨngagharim avir ekiamɨn mɨn otogh, ia amizir arazir kuram bagh ian isitɨ, gumazitam anemungueghan kogham.”

Aisaia 27:4

Kɨ datɨrɨghɨn uan wainɨn azenir kamɨn atarir puvatɨ. Egh kɨ gantɨ, ogher ataghatariba itiba ko, ogher kurataba a bativightɨ, kɨ, mati mɨdorozir gumazim uan apanibav sozi moghɨn, kɨ dagh asɨghasɨgham. Kɨ avim daborogh, ogher kaba bar dar aboroghtɨ da isigham.

Godɨn Araziba 32:22

Eghtɨ nan anɨngagharim dughiar kamɨn avimɨn mɨn isiva, nguazir kamɨn itir biziba bar adar isigham. Egh avim Gumazamizir Oveaghuezibar Nguibamɨn bar nguazimɨn apengan magɨrɨgh, dagɨar bar ekiar mɨghsɨaba dagh isɨn apiaghav itibar isigham.

Dɨboboniba 16:35

Egha zuamɨra, Ikiavɨra Itir God avim amadazɨ, avim 250plan gumazir avir mɨgharir mughuriar aghuim zuimɨn ofa gamibagh irɨzɨ, me bar isiava ariaghire.

Ofa Gami 10:2

Egha Ikiavɨra Itir God, zuamɨram avim amadazɨ, a iza Ikiavɨra Itir Godɨn damazimɨn bar aningɨn isizɨ, aning areme.

Joel 1:19

Temeba ko graziba bar mɨsɨngi, mati avivzariam dar isi. Kamaghɨn amizɨ, O Ikiavɨra Itir God, kɨ pamten nɨ ko mɨgɨa nɨn dei.

Amos 2:5

Kamaghɨn amizɨ, kɨ avim isɨ Judan nguibabav kɨnightɨ, Jerusalemɨn dɨpenir gavgaviba bar isigham.”

Esekiel 21:3

Nɨ nan Akar Gavgavim isɨ kamaghɨn Israelɨn nguazimɨn itir gumazamizibav kɨm suam, kɨ Ikiavɨra Itir God ghaze, kɨ ian apanim damuva, uan mɨdorozir sabamɨn bar ia mɨsoghɨrarigham, ian gumazamizir aghuiba ko kuraba sara.