Amos 6:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Kamaghɨn amizɨ, iarara faragh mangɨ kantrin igharazitamɨn kalabusɨn mɨn ikiam. Egh ua isar ekiabar amuan kogham.

Amos 6:7 ပူးပေါင်းရင်းမြစ်များ

Amos 7:11

Amos kamaghɨn mɨgei: “ ‘Jeroboam mɨdorozir ekiatamɨn mangɨ aremeghtɨ, Israelia uan kantri ategh mangɨ, kantrin saghuiamɨn itimɨn kalabusɨn mɨn ikiam.’ ”

Amos 5:5

Egh Ia Berseban nguibamɨn mangɨ nan ziam fan markɨ. Ia Betelɨn nguibamɨn mangɨ, tong na burian markɨ, Betelɨn nguibam bar moghɨra ikuvigham. Ia Gilgalɨn nguibamɨn mangɨ nan ziam fan markɨ, Gilgalɨn gumazamiziba mangɨ kantrin igharazimɨn kalabuziabar mɨn ikiam.

Luk Osirizir Akar Aghuim 21:24

Eghtɨ mɨdorozir gumaziba mɨsozir sababar tarazigh inivtɨ me arɨghirɨtɨ, me tarazi suighɨva, me amangɨtɨma me nguibar Israelɨn azenan itibar mangam. Eghtɨ Kantrin Igharazibar Gumazamiziba bar pazɨva Jerusalem damu mangɨ dughiar me Jerusalemɨn ganamin dughiam gɨvagham.”

Nahum 1:10

Ia mati gumazim dɨpar onganim amegha bar ongani, eghtɨ a bar ia agɨvagham, mati avim benir dɨkoniba ko, grazir bar mɨsɨngizibar isi.

Amos 7:17

Amasia, nɨ akar kam na gasi. Ezɨ datɨrɨghɨn, Ikiavɨra Itir God kamaghɨn akam nɨn iti. “ ‘Nɨn amuim, nguibar ekiar kamɨn aven tuavimɨn amizimɨn mɨn gumaziba isɨ me ko dakuam, eghtɨ apaniba izɨ mɨsogh nɨn boribav sueghtɨ me arɨmɨghiregham. Egh me nɨn nguazim inigh anebɨghɨrarigh gumazir igharazibar anɨngam. Egh apaniba nɨ inigh, gumazamizir God gɨfozir puvatɨzibar kantrin mangɨghtɨ, nɨ kantrin kamɨn aremegham. Eghtɨ apaniba Israelia inigh mangɨ kantrin saghuiamɨn itir igharazir kamɨn, me isɨ kalabuziamɨn mɨn me arɨgham.’ ”

Aisaia 21:4

Nan dapanim onganizɨ, nan mɨkarzim atiatim bangɨn nɨsi. Aruem iraghugha gɨvazɨ, amɨnirbɨrim nguibam avarazɨ dughiaba, kɨ zurara guaratɨziba bagha bar ifonge. Ezɨ datɨrɨghɨn puvatɨ, amɨnirbɨrim otozɨ irebam na gamima, kɨ bar atiatingi.

Esta 5:8

“Atrivim, kɨ ti nɨn damazimɨn derazɨ nɨ na gifonge, egh nɨ nan azangsɨzimɨn gɨn mangɨsɨ ifongeghtɨ, Atrivim kɨ uam nɨn azangsɨsi, kɨ gurumzaraghan isar igharazim nɨ ko Haman bagh uam a damuam. Kɨ kamaghɨn ifonge, gua gurumzaraghan isar kamɨn ua izam. Dughiar kamɨn bizir kɨ ifongegha nɨ mɨkɨmasava amim, kɨ nɨ mɨkɨmam.”

Godɨn Araziba 28:41

Egh ia otariba ko guiviba ikiam, eghtɨ me deraghvɨra ia ko ikeghan kogham. Apaniba izɨ me inigh uan kantribar mangegham.

Daniel 5:30

Ezɨ dɨmagarir kamra, Midian kantrin gumaziba iza Babilonɨn Atrivim Belsasarɨn mɨsoghezɨ ana areme.

Aisaia 24:8

Me ua bar akuegha, dia uan tambarinbav mɨsozir puvatɨ. Ezɨ me bar akongezir arazir isam gamim a uam otozir puvatɨ. Ezɨ ighiar me gitan guar avɨribav soghava amim, a bar gɨfa.

Amos 4:3

Apaniba ia inigh nguibar ekiamɨn dɨvazim akaraghirezɨ naghɨn mangɨ azenan otogham, egh ia isɨ Harmonɨn danganir bizir kuraba akurimɨn, ia akunightɨ, ia magɨregham. Kɨ Ikiavɨra Itir God, kɨ kamaghɨn mɨkemegha gɨfa.”