Amos 6:3 - Godɨn Eghaghanim: Akar Gavgavir Dɨkɨrɨzir Ghurim ko Igiam3 Ia ghaze, dughiar kurar kam ti ia bativan kogham. Iavzika, ia uari, ian arazir kurar ia amiba, dughiar kurar kam inigha bar roghɨra ize. အခန်းကိုကြည့်ပါ။ |
“O nguazir kamɨn gumazim, bizir tizim bagha Israelian gumazamiziba zurara akar otevir kam gami? Me ghaze, ‘Akam inigha izir gumaziba bizir gɨn izamibav gɨa ghaze, da otivam. Ezɨ azenir avɨriba iza zui, irebabar mɨn garir bizir kabar aven otivir akaba guizbangɨra otivir puvatɨgha pura zui.’ Ezɨ kɨ Israelian aghuzir akar kamɨn aghua.
Ia ti ghaze, hoziaba dagɨar ekiabagh isɨn ivemaram? Egha ia ghaze, gumazim bulmakau inigh mangɨ, ti dagɨabagh isɨn mangɨ nguazim abɨgham? Ti Puvatɨgham. Arazir kaba da bar guizbangɨra puvatɨgham. Ia guizɨn arazibagh irazɨ, da ghua imezimɨn mɨn oto. Egha ia arazir aghuim gɨrazɨ, a ghua bizir kuramɨn mɨn oto.
Ezɨ aning orazi, gumazir avɨrimɨn nɨgɨnim oto. Gumazir igharagha garir avɨriba izi. Me marasi, wainɨn dɨpaba apa onganizir gumazir kuraba, me gumazamiziba puvatɨzir danganimɨn ikegha ize. Ezɨ amizir kamning, daveriaba uan agharibagh aghuigha atrivir dapanir asuar bar aghuimning uan dapanimning garu.
Ia mangɨ, gumazir Asdotɨn nguibar ekiamɨn dɨpenir gavgavibar itiba, ko Isipɨn kantrin dɨpenir gavgavibar itiba, men diagh, akar kamɨn gun me mɨkemegh, “Ia bar mangɨ Samarian mɨghsɨabar uari akuvagh ikɨ, egh Samarian gumazamizibar gan, me bar onganigha atiatim uarira uarigh anɨdi. Egh men igharaz darazi dɨkabɨrir arazir kurar me amiba ia dar ganigh.”