Amos 6:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Egha God ghaze: Iavzika, ia Saionɨn nguibamɨn gumazamizir deravɨra itiba, ko ia Samarian nguibamɨn itir gumazamiziba, Iavzika, ia kamaghɨn nɨghnɨgha ghaze, bizitam e gasɨghasighan kogham. Iavzika! Ia Israelɨn kantrin faragha zuir gumazir dapaniba, ia ghaze, e ziar ekiaba ikia, egha kantrin igharaziba bar me gafira. Ezɨ gumazamiziba akurvazim bagha ia bagha izi. Iavzika, ia bar moghɨra ikuvigham!

Amos 6:1 ပူးပေါင်းရင်းမြစ်များ

Jems 5:5

Ezɨ dughiar ia nguazir kamɨn itim, ia bizir aghuir avɨriba isa bar akuegha iti. Egha ia dagher avɨriba apa bar ekefe. Ezɨ God ia mɨsoghtɨ ia arɨmɨghiramin dughiam, an otogha gɨfa.

Amos 4:1

Ia Samarian amiziba, ia akar kam baragh: Ia mati bulmakaun aghuibar mɨn grazir avɨrim apava ian mɨkarziba bar dera. Gumazamizir gavgaviba puvatɨziba, ia bar pazavɨra me gami. Egha ia osɨmtɨziba isa onganarazibagh amir gumazamizibagh anɨga, tong men apangkuvir puvatɨ. Egha ia uaghan uan pabar dia uari bagh wainɨn dɨpaba inigh izasa me mɨgɨa ghaze, “Ia wainɨn dɨpar avɨriba inigh izɨtɨ, e dar amɨ onganam.”

Sefanaia 1:12

Dughiar kamɨn, kɨ lamba inigh Jerusalemɨn averiam buriam. Gumazir nan arazibagh ifongezir puvatɨziba, me ghaze me uari biziba bar dar amuam. Me ghaze God pura iti. A gumazir aghuibar akurvazir puvatɨgha, gumazir kurabar araziba ikarvazir puvatɨ. Eghtɨ kɨ gumazir kabagh asɨghasigham.

Gumazir Dapaniba 18:7

Ezɨ 5plan gumazir kaba nguibar kam ategha ghua Laisɨn nguibar ekiamɨn oto. Me ghua Laisɨn nguibamɨn itir gumazamizibar garima, men dabirabim Saidonɨn nguibar ekiamɨn gumazamizibar mɨn dera. Me bar nɨmɨram apiaghav ikia gumazir igharazibar atari puvatɨ. Me ghaze, mɨdorozitam me batoghan kogham. Atrivitam o gumazir dapanitam aghumsɨzir arazitamɨn me gamizir puvatɨ. Me Saidonɨn nguibamɨn saghon ikia, egha dagɨaba bagha biziba igharaz darazi dama, ada amadir puvatɨ.

Jems 1:18

God kamaghsua, a biziba bar dar ingari, egha e gamizɨ e bar adar faragh mangam. Kamaghɨn God uabɨ uan ifongiamɨn gɨn ghuava en Afeziamɨn oto, a uan guizɨn akamɨn e gamizɨma e otifi.

Jeremaia 49:31

Ikiavɨra Itir God kamaghɨn Babilonia mɨgei: “Ia dɨkavigh mangɨ, gumazamizir deraghavɨra ikia bizitam bagha nɨghnɨzir puvatɨzibav sogh. Men nguibam dɨvaziba puvatɨ. Kantrin gavgavir tam men boroghɨn itir puvatɨ. Me uarira iti.

Aisaia 33:14

Saionɨn itir gumazamizir arazir kurabagh amua Godɨn damazimɨn mɨzeziba, me bar atiatighava agoi. Egha me kamaghɨn mɨgei, “Ikiavɨra Itir Godɨn anɨngagharim, an avir bar gavgavimɨn mɨn isiava, biziba bar da gefi. An ofa gamir dakozimɨn itir avim zurara isia mamaghɨra iti. Ezɨ en tongɨn tinara a ko ikiam?”

1 Pita 5:7

God ia gɨnɨghnɨsi, kamaghɨn amizɨ osɨmtɨzir ia ateriba, ia da isɨ Godɨn agharim darɨgh.

Amos 8:14

Ezɨ gumazamizir maba Samarian asebar ziabar gavgavim uan akabagh anɨga, kamaghɨn mɨgei, ‘E aser Danɨn nguibar ekiamɨn itimɨn ziamɨn, e guizbangɨra mɨgei.’ Egha ‘E aser Berseban nguibar ekiamɨn itimɨn ziamɨn, e guizbangɨra mɨgei.’ Kamaghɨn amizɨ, gumazamizir kaba guizbangɨra osɨmtɨziba ikɨ arɨghiregham, egh ua dɨkavan kogham.”

Jeremaia 7:4

Ia kamaghɨn mɨgei, ‘Kar Ikiavɨra Itir Godɨn Dɨpenim. Kar Ikiavɨra Itir Godɨn Dɨpenim. Kar Ikiavɨra Itir Godɨn Dɨpenim.’ Egha ia kamaghɨn mɨgɨa uarira uarigh ifari. Dɨpenir kam tong ian akuragh ia damutɨ, ia Godɨn damazimɨn deraghvɨra ikian kogham.

1 Atriviba 16:24

Egha gɨn Omri mɨghsɨar muziarim itir nguazir mam givese. Egha mɨghsɨar kamɨn dɨvazir gavgavim avɨnizir nguibar ekiar mamɨn ingari. Gumazir an a da nguazir kam givezezim, an ziam Semer, Omri 60,000 silva isa Semer ganɨngi. Egha Omri gumazim Semer gɨnɨghnɨgha ziar kam nguibar ekiam ganɨngi, Samaria.

Azir Akam 1:1

Jeremaia 48:11

Ikiavɨra Itir God kamaghɨn mɨgei: “Moapɨn kantri fomɨra igiamra ikegha iza datɨrɨghɨn dughiar kamɨn tu, apanitam iza a gasɨghasɨghizir puvatɨ, egha gumazamiziba inigha ghua kantrin igharazimɨn me isa kalabus gatɨzir puvatɨ. Moap mati wainɨn aghuim, gumaziba an ingarigha, anetaghizɨ a iti. Me dɨpar mɨsevir tabar a ruizir puvatɨ. Ezɨ an isɨngtɨzim kamaghɨra ikia, egha an mughuriam dera.

Onger Akaba 123:4

Dughiar bar ruarimɨn dagɨaba itir gumazamiziba dɨbovir akabar e mɨgɨa, uari fa pazava e gami. Ezɨ e bar amɨra.

Amos 3:2

A kamaghɨn mɨgei: “Ikɨzir avɨriba nguazir kamɨn iti. Ezɨ kɨ men tongɨn iarara inabazɨ, ia nan gumazamizibara iti, ezɨ kɨ bar deravɨra ia geghufi. Kamaghɨn amizɨ, kɨ ian gantɨ, ia arazir kurabar amutɨ, kɨ bar ada ikarvagh ivezir kuram isɨ ia danɨngam.”

Amos 3:9

Ia mangɨ, gumazir Asdotɨn nguibar ekiamɨn dɨpenir gavgavibar itiba, ko Isipɨn kantrin dɨpenir gavgavibar itiba, men diagh, akar kamɨn gun me mɨkemegh, “Ia bar mangɨ Samarian mɨghsɨabar uari akuvagh ikɨ, egh Samarian gumazamizibar gan, me bar onganigha atiatim uarira uarigh anɨdi. Egh men igharaz darazi dɨkabɨrir arazir kurar me amiba ia dar ganigh.”

Aghuzir Akaba 1:32

Ezɨ gumazamizir nɨghnɨzir aghuiba puvatɨziba, zurara akɨribagh igha na gasi, ezɨ men arazir kam me mɨsozima, me ariaghiri. Me ghaze, me bar bizibagh fogha gɨfa, egha me mati gumazir onganiba. Ezɨ men nɨghnɨzir kam meraram asɨghasɨgham.

Jeremaia 2:3

Egha dughiar kamɨn ia Israelia, ia nan gumazamizibara ikia, mati nan azenimɨn itir dagher faragha aniziba. Ezɨ nan dagher kabar maba isir gumazamiziba, osɨmtɨzim me batozɨ kɨ me gasɨghasɨki. Kɨ Ikiavɨra Itir God kɨ mɨkemegha gɨfa.”

Jeremaia 5:5

Kamaghɨn amizɨ, kɨ mangɨ gumazir dapanibar gan, me ko mɨkɨmam. Me ti Ikiavɨra Itir God, men God, a me damuasa ifongezir arazibagh fo. Ezɨ kɨ fo, gumazir dapanir kaba uaghan Ikiavɨra Itir Godɨn akaba batuegha, an ifongiamɨn gɨn mangan aghua.

Amos 9:10

Gumazir arazir kurabagh amir kaba kamaghɨn mɨgei, ‘God bizitamɨn e damigh e gasɨghasighan kogham.’ Puvatɨgham. Kɨ apanibar amamangatɨghtɨ, me me mɨsueghtɨ me arɨmɨghiregham.”

Maika 3:1

Kɨ ghaze: “Ia oragh, ia Jekopɨn ovavir boribar gumazir dapaniba, ia Israelian gumazir aruaba, ia arazir aghuibagh nɨghnɨgh da bagh ingar.