Amos 5:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ “Ia uamategh izɨ Ikiavɨra Itir God baghvɨra ikɨ, egh dabirabir aghuim iniam. Puvatɨghtɨma, a ian atarɨva avir mɨzariamɨn mɨn isi izighirɨ, ia Josepɨn ovavir boriba bar ian isigham. Avir kamra Betelɨn nguibam bar an isigham. Eghtɨ avir mɨzariar isir kam amungamin gumaziba puvatɨgham.”

Amos 5:6 ပူးပေါင်းရင်းမြစ်များ

Aisaia 55:6

“Ikiavɨra Itir God bar ian boroghɨra ikia ia mɨzua iti. Kamaghɨn, ia datɨrɨghɨn a buri izɨ an dɨmɨva, a baghvɨra ikɨ.

Amos 5:14

Ia arazir aghuibara damu, arazir kurabar amuan markɨ. Egh kamaghɨn, ia ikɨrɨmɨrir angamɨra itim inigh, ian ikɨrɨmɨrim deragham. Ia kamaghɨn mɨgɨa ghaze, Ikiavɨra Itir God, a Godɨn Gavgaviba Bar Itim, a ia ko iti. Ezɨ ia arazir aghuir kabar amutɨ, God guizbangɨra ia ko ikiam.

Amos 5:4

Egha Ikiavɨra Itir God, kamaghɨn Israelia mɨgei: “Ia ua izɨ na baghvɨra ikɨ, egh dabirabir aghuim iniam.

Esekiel 33:11

Nɨ me mɨkɨm suam, kɨ Ikiavɨra Itir Godɨn Ekiam, kɨ zurara angamɨra ikia mamaghɨra ikia, egha kɨ uan ziamɨn bar guizbangɨra ia mɨgei: Arazir kurabagh amir gumazamiziba ariaghɨrima, nan navim derazir puvatɨ. Kɨ kamaghsua, me arazir kuraba ategh angamɨra ikiasa kɨ ifonge. O Israelɨn ikɨzim, ia oragh! Arazir kurar ia amiba, ia da atakigh, egh ua na bagh izɨ. Ia tizim bagha ovengasa?

Sekaraia 10:6

“Kɨ Judan gumazamizibar amightɨ, me bar gavgavigham. Egh kɨ Israelian gumazamiziba ua me iniam. Kɨ men apangkufi, kamaghɨn amizɨ, kɨ bar me inigh uamategh men nguazimra izam. Eghtɨ me deravɨra ikiam, mati kɨ me batoghezir puvatɨ. Kɨ Ikiavɨra Itir God, kɨ men God, kamaghɨn amizɨ, kɨ men mɨgɨrɨgɨar me na mɨgeiba kɨ da baragham.

Amos 6:6

Ia itarir ekiaba itir wainɨn dɨpaba apa mamaghɨra ikia, egha tong avughsir puvatɨ. Egha ia borer bar aghuiba isa uan mɨkarzibagh azui. Egha ia Josepɨn ovavir boriba ikuvighamin bizir kam, ia an kuarkuva a gɨnɨghnɨzir puvatɨ.

Esekiel 37:19

Eghtɨ nɨ kamaghɨn mɨkɨm: Kɨ Ikiavɨra Itir Godɨn Ekiam, kɨ kamaghɨn mɨgei: Ia gan! Ter ararir kam, a Josepɨn adarazir ababanim gami, me Efraimɨn anabamɨn gumazamizir Israelia ko itiba, men ter ararim, kɨ a inigh, Judabar ter ararim sara isafuragham. Egh aning damightɨ aning nan dafarimɨn ter ararir vamɨran mɨn ikiam.

Jeremaia 7:20

Kamaghɨn, kɨ Ikiavɨra Itir God, men Ekiam, kɨ uan anɨngagharim bar a isɨ nguibar ekiar kamɨn gumazamiziba, ko asɨziba, ko temeba, ko dagheba, kɨ bar me gingegham. Nan anɨngagharim avir ekiamɨn mɨn irɨtɨ tav anemungeghan kogham.”

Jeremaia 4:4

Ia Judaba ko Jerusalemia, ia na bagha uan mɨkarzir mogomebar inibar ghoregha na ko akam akɨrizɨ moghɨn, kamaghɨra ia na baghvɨra ikɨ uari isɨ na danɨng. Ia kamaghɨn damighan koghtɨ, nan anɨngagharim avir ekiamɨn mɨn otogh, ia amizir arazir kuram bagh ian isitɨ, gumazitam anemungueghan kogham.”

Aisaia 1:31

E fo, ogher mɨsigha gɨvaziba zuamɨra isi, ezɨ arazir kamra gumazamizir gavgaviba ko bizir me amiziba bativam. Avir kuram, uaghara zuamɨram men sigham, eghtɨ dughiar kamɨn gumazitam men akurvaghsɨ avim amungan iburagham.

1 Atriviba 11:28

Jeroboam bar deraghavɨra ingari. Solomon an ingangarir aghuir kabar ganigha anemɨsevezɨ a Josepɨn anabamɨn adarazir gativagha men gari. Ingangarir kaba, atrivim da isa me ganɨngi.

2 Samuel 19:20

Atrivim, kɨ fo, kɨ arazir kuram gami, kamaghɨn amizɨ kɨ notɨn amadaghan gumazir igharazibar faragha iza nɨ bato. Kɨ nɨn ingangarir gumazim.”

Josua 18:5

Me nguazim, 7plan akuabar anebɨkigh. Judan anabamɨn adarazi sautɨn amadaghan nguazim inigha gɨfa, egh me anarɨra ikiam. Ezɨ Josepɨn adarazi notɨn amadaghan nguazim ini, egh me anarɨra ikiam.

Godɨn Araziba 4:24

Ikiavɨra Itir God, ian God, a uabɨra guizbangɨra God. A ian amamangatɨghtɨ, ia asetamɨn ziam fan kogham. God avir bar puvɨra isimɨn mɨn iti, egh uan apanibar atar men isigham. Kamaghɨn amizɨ, ia kamaghɨn damuan markɨ.

Ua Me Ini 22:6

“Gumazitam uan dadam daboroghtɨ avim isi bar ekevegh mangɨ, mɨtaghniamɨn ikiavkɨnigh gumazir igharazimɨn witɨn azenim, o witɨn me dɨghora pozim mɨkɨnizibar isightɨ, gumazir avim atɨzir kam, bizir isizir kaba bar da ikarvagham.

Onger Akaba 27:8

O Ikiavɨra Itir God, nɨ kamagh na mɨgɨa ghaze, “Nɨ bar na nan boroghɨra izɨ na baghavɨra ikɨ na gɨfofoghsɨ nan azangsɨgh.” Eghtɨ kɨ nɨ ko ikɨsɨ bar nɨn boroghɨra mangam.

Aisaia 55:3

Ia nan gumazamiziba, ia izɨ kuariba arigh na baragh, ian ikɨrɨmɨrim deragham. Eghtɨ kɨ Atrivim Devit ganɨngizir apangkuvir arazim ia danɨngɨsɨ, Akar Dɨkɨrɨzir Gavgavim ia ko a damigham, eghtɨ a gavgavigh ikɨvɨra ikiam.

Amos 3:14

Dughiar kɨ Israelian arazir kuraba ikarvaghamim, kɨ Betelɨn nguibar ekiamɨn ofa gamir dakozibagh asɨghasɨgh, egh ofa gamir dakozimɨn mɨkebabar itir bulmakaun kombar mɨn garir biziba, kɨ bar da apɨrarightɨ da nguazim giregham.

Sefanaia 2:3

Ia gumazamizir uari abɨra, Ikiavɨra Itir Godɨn apengan itiba, ia a bagh izɨ a baghvɨra ikɨ. Egh uari abɨnigh Godɨn damazimɨn arazir aghuibar amu. Ia kamaghɨn damutɨ, Ikiavɨra Itir God uan anɨngagharim amadaghtɨ a izɨ arazir kuraba ikarvaghamin dughiam, ia ti an aven modogh deraghvɨra ikiam.

Godɨn Araziba 32:22

Eghtɨ nan anɨngagharim dughiar kamɨn avimɨn mɨn isiva, nguazir kamɨn itir biziba bar adar isigham. Egh avim Gumazamizir Oveaghuezibar Nguibamɨn bar nguazimɨn apengan magɨrɨgh, dagɨar bar ekiar mɨghsɨaba dagh isɨn apiaghav itibar isigham.

2 Eghaghaniba 34:25

Gumazamizir akɨrim ragha na gasarazir kaba, me asebar marvir guabar ofabagh ami. Ezɨ men arazir kurar kam na gamizɨma, kɨ puvɨram atari. Kɨ Jerusalemia bar men anɨngaghe, ezɨ nan anɨngagharir kam, a gɨvaghan kogham.

Onger Akaba 69:33

Ikiavɨra Itir God gumazamizir biziba puvatɨzibar azangsɨziba barasi, egha uan gumazamizir kalabusɨn itiba, a me gɨn amadir puvatɨ.

Jeremaia 38:20

Ezɨ Jeremaia ghaze, “Me nɨ isɨ Judabar dafarim datɨghan kogham. Puvatɨ. Nɨ Ikiavɨra Itir God nan akam garugha nɨ ganɨngizir akaba bar adar gɨn mangɨ, egh nɨ deraghvɨra ikɨtɨ, me nɨ mɨsueghtɨ nɨ aremeghan kogham.

Esekiel 21:3

Nɨ nan Akar Gavgavim isɨ kamaghɨn Israelɨn nguazimɨn itir gumazamizibav kɨm suam, kɨ Ikiavɨra Itir God ghaze, kɨ ian apanim damuva, uan mɨdorozir sabamɨn bar ia mɨsoghɨrarigham, ian gumazamizir aghuiba ko kuraba sara.