Amos 5:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Ikiavɨra Itir God Izamin Dughiar Ekiamɨn, amɨnim bar mɨtategham. Eghtɨ angazangarim an ikian kogham. Bar puvatɨgham.

Amos 5:20 ပူးပေါင်းရင်းမြစ်များ

Aisaia 13:10

Dughiar kamɨn, mɨkoveziba bar dar angazangarim mungegham. Egh aruem otoghtɨ, an angazangarim mɨtarmegham, eghtɨ iakɨnimɨn angazangarim puvatɨgham.

Sefanaia 1:15

Dughiar kamɨn, Ikiavɨra Itir Godɨn anɨngagharim azenim giram, eghtɨ gumazamiziba osɨmtɨzir ekiamɨn aven ikɨ men naviba bar ikuvigham, eghtɨ biziba tintinimɨn ikuvam. Eghtɨ ghuariaba aruem avaraghtɨ, mɨtater pɨgha duar dafam otogham.

Esekiel 34:12

Nan sipsipba tintinibar ghuegha, mɨtarmer ekiamɨn aven iti. Ezɨ kɨ gumazir dagh eghuvimɨn mɨn da akumakum da inigh izam.

Akar Mogomem 16:10

Ezɨ enselɨn namba 5 uan itarim asɨzir atiamɨn atrivir dabirabim ginge. Ezɨ mɨtatem gumazamizir an gavgavimɨn apengan itiba avara. Ezɨ me uan duaba ko mɨzazir men mɨkarzibar otiviba bagha nɨghnɨgha, Godɨn uan Nguibamɨn itimɨn ziam gasɨghasɨgha mɨgei. Ezɨ mɨzazir me isim a bar men ikufi, kamaghɨn amizɨ me uan mɨzebagh ivi. Egha me uan arazir kurar me amiba bagha uan navibagh irazir puvatɨ.

Jut Osirizir Akɨnafarim 1:13

Me mati ongarir fɨfɨzir ekiaba dɨpɨraghiri. Egha me arazir kurabar amuasa aghumsɨzir puvatɨgha, mati ongarim dɨpɨra izima an puvpuvir mɨzɨrɨziba pɨn otivi moghɨn men arazir kuraba azenim giri. Egha me mati mɨkoveziba pɨn overiamɨn uan tuavibar gɨntɨzir puvatɨ. Kamaghɨn amizɨ, God me bagha danganir mɨtarmer bar pɨghatomezim atɨ, eghtɨ me mangɨ an ikɨ mamaghɨra ikiam.

Matyu 22:13

“Kamaghɨn amizɨ, atrivim ingangarir gumazibav gɨa ghaze, ‘Ia an soroghafariba ikegh, a isɨva azenan mɨtatemɨn anekunigh. Danganir mɨtater kamɨn me puvɨra tuavara atariba kuskusi.’

Nahum 1:8

An aperiar ekiamɨn mɨn, Niniven nguibar ekiam bar a gasɨghasigham. Egha gumazir an akam batoziba, a me mɨsozi me ariaghiri.

Matyu 24:29

Egha Iesus ua kamaghɨn mɨgei, “Osɨmtɨzir ekiar kaba otivigh gɨvaghtɨ: “ ‘Aruem mɨtategham, eghtɨ iakɨnim isiraghan kogham, eghtɨ mɨkoveziba overiamɨn asighiram, overiamɨn itir bizir gavgaviba bar uarira uari sɨvaghsɨvagh, uan danganiba ataghɨragham.’

Aisaia 8:22

vɨn nguazimɨn gan, egh me bar bizir aghuitamɨn ganighan kogham. Bar puvatɨ. Me osɨmtɨziba ko dughiar kuramra danganiba bar da gan ikiam, mati amɨnirbɨrim bar me avara. Egh me osɨmtɨzim gitavɨragh arɨmangamin tuaviba puvatɨgham.

Obadia 1:15

Ikiavɨra Itir God ua kamaghɨn mɨgei: “Ikiavɨra Itir God Izamin Dughiar Ekiam, a roghɨra izegha gɨfa. Kar dughiar kɨ kantriba bar men gumazamizibar araziba tuisɨghamim. Ia Idomia amizir arazir kuraba, kɨ dar ia damuam. Osɨmtɨzir ia iniamim, kar arazir kurar ia amizibar ivezim.”

Joel 2:2

Ikiavɨra Itir Godɨn Dughiar Ekiar kam, a bar mɨtarmegham, eghtɨ ghuariar pɨzir avɨriba overiam apazagham. Odezir bɨzir ekiam, mati mɨdorozir gumazibar bɨzir bar ekiam, zuamɨra mɨghsɨabar otifi, mati amɨnim tiasava amua bar mɨtarmangi. Bizir kamaghɨn garitam fomɨram otozir puvatɨgha iza datɨrɨghɨn, egh bizir kamaghɨn garitam gɨn uam otivan kogham.