Amos 5:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Gumazamiziba arazir kurar kabar amuam, eghtɨ ia gumazamizir fofozir aghuiba itiba, ia akabar kumigh bizitamɨn me mɨkɨman markɨ. Bar guizbangɨra, kar arazir kuraba otivir dughiamra.

Amos 5:13 ပူးပေါင်းရင်းမြစ်များ

2 Timoti 3:1

Ezɨ nɨ bizir kam gɨfogh, Dughiar Abuananaba, osɨmtɨzir bar kuraba otivam.

Maika 2:3

Kamaghɨn amizɨ, Ikiavɨra Itir God kamaghɨn mɨgɨa ghaze, “Ia oragh! Kɨ ia gasɨghasɨghasa nɨghnɨsi, eghtɨ ia arɨ mangamin tuaviba puvatɨgham. Dughiar kurar kam ia batoghtɨ ia ganigh fogham, egh ia ua gɨn, uan ziaba fɨsɨ kamaghɨn damuan kogham.

Hosea 4:4

Egha Ikiavɨra Itir God mati kotɨn aven ua kamaghɨn mɨgei: “Gumazitam akam gumazamizibagh asan kogham. Markiam. Ia ofa gamir gumaziba, arazir kurar kamɨn mɨngarim a ian iti. Ezɨ gumazamiziba mɨgɨrɨgɨam ian iti.

Fofozir Gumazim 3:7

Egha e korotiaba abɨghrarɨghamin dughiaba iti, egh e da isamamin dughiaba iti. Egha e mɨkɨman kogh nɨmɨra ikiamin dughiaba iti, egh e mɨkɨmamin dughiam iti.

Efesus 6:13

Kamaghɨn ia God ia ganɨngizir mɨdorozir bizibar suigh dar aghuigh. Egh arazir kuraba otivamin dughiam, ia tugh gavgavigh uan apanim munasɨ, mangɨ mɨdorozim gɨvaghamin dughiam, ia tugh gavgavigh mamaghɨra ikiam.

Habakuk 3:16

Kɨ bizir kaba bar da baregha agoi. Kɨ atiatia agoima, nan akam uaghan nɨsi. Nan agharapaniba amɨraghamɨregha berir amɨrazimɨn mɨn oto. Ezɨ nan suemning nan amɨrazɨ, kɨ ua gavgaviba puvatɨ. Kɨ fo, God izɨ apanir e gasɨghasɨghizir kaba puv me damigham. Ezɨ kɨ dughiar kam mɨzua iti. Kamaghɨn amizɨ, kɨ pura uabɨn asugha nɨmɨra iti.

Amos 6:10

Gumazitam aremeghtɨ, an ikɨzimɨn tav izɨ an kuam inigh mangɨ a tusɨ, dɨpenimɨn aven izɨ, egh dɨpenimɨn aven modogha itir gumazir kamɨn diagh a mɨkɨm suam, “Gumazir igharaziba uaghan aven ikiavɨra iti, o puvatɨ?” Eghtɨ gumazir modozir kam kamaghɨn a ikaragh suam, “Puvatɨ.” Eghtɨ gumazir kuam iniamim, a kamaghɨn a ikaragham, “Nɨ aghumra ikɨ. Egh Ikiavɨra Itir Godɨn ziam dɨponan markɨ.”

Aisaia 37:3

Me ghuava otivigha kamaghɨn Aisaia mɨgei, “Atrivim Hesekia ghaze, Kar osɨmtɨzir ekiaba ko aghumsɨziba otivir dughiam. Asiriaba dɨbovir mɨgɨrɨgɨar avɨribar e gami. E amizir navim asangizɨmɨn mɨn ami, a borim batamin dughiam otozɨ, an a batamin gavgaviba puvatɨ.

Aisaia 36:21

Asirian gumazir dapanir kam me mɨkemegha gɨvazɨ, gumazir dɨvazir gavgavimɨn apiaghav itiba oregha fo, men Atrivim Hesekia faragha an akam ikarvagh bizitamɨn mɨkɨman men anogoroke. Kamaghɨn amizɨ, me uan akabar kumigha an mɨgɨrɨgɨatam ikarazir puvatɨ.

Fofozir Gumazim 9:12

E fozir pu, e dughiar manam osɨmtɨzim e bativam. Ezɨ dughiar kuram zuamɨram e batifi, mati kuarazim o osirim ivemɨn aven ghuzɨ an an suiragha iti.

2 Atriviba 18:36

Asirian gumazir dapanir kam me mɨkemegha gɨvazɨ, gumazir dɨvazir gavgavimɨn apiaghav itiba oregha fo, faraghavɨra Atrivim Hesekia Asiriabar akam ikarvagh bizitamɨn mɨkɨman men anogoroke. Kamaghɨn amizɨ, me uan akabar kumigha an mɨgɨrɨgɨatam ikarazir puvatɨ.

Jopɨn Akɨnafarim 32:16

Me pura tuivighav ikia nɨmɨra iti, kamaghɨn amizɨ, kɨ me mɨzuaman kogham. Kɨ mɨkɨmasa.

Onger Akaba 38:14

Guizbangɨra, kɨ gumazir kuarir onganimɨn mɨn ikia, egha men akaba baragha da ikarvazir puvatɨ.