Amos 4:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Aria, ia pura mangɨ na mɨnabaghsɨ, bretɨn ia tueziba inigh, na bagh ofa damu. Egh ia uan ifongiamɨn gɨn mangɨ bizir avɨriba inigh izɨ nan ofa damuva, tuavir kamɨn gumazamizibar damazimɨn uarira uan ziaba fɨ. Kɨ fo, ia Israelia, ia arazir kabar amuasa bar ifonge. Kɨ Ikiavɨra Itir Godɨn Ekiam, kɨ kamaghɨn mɨkeme.”

Amos 4:5 ပူးပေါင်းရင်းမြစ်များ

Hosea 9:10

Egha Ikiavɨra Itir God kamaghɨn mɨgei: “Kɨ faraghavɨra ian apizir dughiamɨn, ia bar dera, mati wainɨn ikarɨzim nguazir mɨdiarimɨn otogha deraghavɨra be. Ezɨ ian inazir afeziaba, mati temer fikɨn ovɨzir faraghavɨram aniba. Egha gɨn me Peorɨn Mɨghsɨamɨn otivigha, egha faraghavɨra asem Balɨn ziam fava aghumsɨzir araziba baghavɨra iti. Me bar aser kam gifonge, egha an mɨrara bar ikufi.

Onger Akaba 81:12

Kamaghɨn, kɨ me ataghizɨ me uan navibar kumigha uari uan arazir kurabar gɨn ghua, uan ifongiabar bizibagh ami.

Matyu 6:2

“Egh ia bizitam isɨ gumazir asaghasazitam danɨngsɨva, tav amadaghtɨma a mangɨ ian arazir aghuir kamɨn, gun mɨkɨman markɨ, egh mati gumazir maba me God ko mɨgeir dɨpeniba ko tuavibar tuiva odava ami mokɨn. Ia men mɨn damuan markɨ. Kamagh amir darasi, me gumazamizibar damazibar uan araziba akakaghtɨma, me men ziaba fasa. Kɨ guizbangɨra ia mɨgei, me uan ivezim inigha gɨfa.

Hosea 9:1

O Israelia, ia God gɨfozir puvatɨzir gumazamizibar mɨn ikia, isar ekiaba ko nan ziam fer dughiabar bar akongezir arazim gami. Ia arazir kam atakigh. Ia akɨrim ragha uan God gasaragha gɨfa, egha an gɨn zuir puvatɨ. Ia danganiba bar, asem Balɨn ziam fe, mati tuavimɨn amizim tintinimɨn gumaziba koma akui. Egha ghaze, Bal ian azenibagh amima, dagher avɨriba otifi, mati tuavimɨn amizimɨn ivezim.

Akɨnafarir Pol Romɨn Nguibar Ekiamɨn Itir Sios Bagha Osirizim 1:28

Me Godɨn guizɨn fofozim suiragh a gɨnɨghnɨghan aghua, kamaghɨn God me ataghizɨ, me uan nɨghnɨzir kurar mɨzɨrɨzibar gɨn ghua arazir bar kurar e damuan koghamibagh amua, nɨghnɨziba bar ikufi.

Matyu 23:23

“Ia Judan Arazibagh fozir gumaziba ko Farisiba, Iavzika, ia bar ikuvigham! Ia ifavaribagh amir gumaziba! Ia isɨngtɨzim daghebagh anɨdir zuravarir 10plan pozibar da arɨgha, egha dar pozir vamɨra God ganɨdi. Egha Moses Osirizir Arazibar aven itir arazir ekiaba ataghɨrasi. Ia, Godɨn guizɨn arazim, ko apangkuvir arazim, ko nɨghnɨzir gavgavim Godɨn itir arazim, ia da gɨn amadi. Ia faragh arazir ekiar kabar gɨn mangɨ dar amu, egh uaghan arazir dozir ia amiba sara, uaghan dar amu.

Matyu 15:9

Me gumazibar akabar uari sure gamua uari gifara egha ghaze, kar Godɨn akam. Kamaghɨn amizɨ, me nan ziam guizbangɨra a fer puvatɨ.’ ”

Ofa Gami 23:17

Ian avitoriba vaghvagh bretɨn rubuzir pumuning inigh izɨ na danɨngigh, kar witɨn faragha anibar ofa. Ia bretɨn rubuzimningɨn ingarsɨ bretɨn rubuzir tam bagh, plauan aghuir 2 kilogremɨn itim inighɨva, yis koma a veregh, egh bretɨn rubuzir igharazim uaghan kamaghɨra an ingarigh, aning tuagh. Egh bretɨn rubuzir kamning inigh izɨ, Ikiavɨra Itir God bagh ofa damu. Ia aningɨn suiragh aning fɨ aning damutɨ, aning Ikiavɨra Itir Godɨn damazimɨn ighuavamang.

Jeremaia 7:9

Ia gumazir igharazibar biziba okɨava, egha gumazibav sozi da ariaghiri. Egha poroghamiba uari isava akuir arazim gamuavɨra iti. Egha uan akaba gavgavim dar anɨngasa akam akɨri, egha ia guizbangɨra akar ifavaribagh ami. Egha ia asem Bal, a bagha ofan mughuriar aghuim zuibagh ami. Egha ia aser ia faragha fozir puvatɨzibar ziaba fe.

Jeremaia 7:10

Ia arazir kabagh amigha nan Dɨpenir kɨ uan ziam fasa inabazimɨn aven izegha nan ziam fa ghaze, E deraghavɨra iti. Ia gɨn nan Dɨpenim ategha azenan ghuegha arazir kurar kɨ ifongezir puvatɨzibagh amuvɨra iti. Ia ghaze, Kar ti arazir aghuim, a?

Amos 5:21

Ikiavɨra Itir God kamaghɨn mɨgɨa ghaze, “Ian isar ekiabar dughiaba, kɨ bar dar aghua, Guizbangɨra, kɨ bar dagh ifongezir puvatɨ. Ia nan ziam fer dughiar ekiaba, da nan atinimɨn kurigha mughasi.

Amos 5:22

Ian ofan bar isia mɨghɨriziba ko, ofa damuasa inigha izir witba, kɨ bar tam inighan kogham. Ia bulmakaun aghuir mɨkarziba sara itiba, inigh izɨ gumazamiziba na ko navir vamɨran ikiasava amir ofabar amutɨ, kɨ ofan kabar ganighan kogham. Bar puvatɨgham.

Aisaia 1:1

Akɨnafarir kam, Emosɨn otarim Aisaia, an akaba an iti. Ezɨ a irebamɨn mɨn garir bizibar garima, Ikiavɨra Itir God uan akam isa a ganɨngi, eghtɨ a Judan nguazimɨn gumazamiziba ko Jerusalemɨn nguibar ekiamɨn gumazamiziba akam me mɨkɨnam. Ezɨ Usia, ko Jotam, Ahas, ko Hesekia, me Judan kantrin atrivibar itir dughiabar Aisaia akar kam akuni.

Aisaia 1:11

Ikiavɨra Itir God kamaghɨn mɨgei, “Ia ti kamaghɨn nɨghnɨsi, ia na gamir ofan guar avɨrir kaba, kɨ dagh ifonge, a? Bar puvatɨ. Kɨ ia sipsipba inigh izɨ da tueghtɨ, da bar isi mɨghɨrighamin ofaba, kɨ bar dar aghua. Egh ian asɨzir deragh aghungizir asɨzibar oviba, kɨ uaghan dar aghua. Kɨ uaghan bulmakaun apuriba ko, sipsipɨn nguziba ko, memen apuribar ghuziba, kɨ bar dar aghua gɨfa.