Amos 4:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ikiavɨra Itir Godɨn Ekiam, a Godɨn bar zuezim, a uan ziar zuruzim akagha, akam akɨrigha gɨvagha ghaze, “Bar guizbangɨra, dughiatam izɨtɨ, apaniba akezimɨn ian guigh ia mɨkɨrɨvagh mangegham. Ia bar moghɨra, mati gumazim dɨpamɨn akezimɨn osiribar guava azenan izi moghɨn, me akezibar ian guigh danganir igharazimɨn mangam.

Amos 4:2 ပူးပေါင်းရင်းမြစ်များ

Jeremaia 16:16

Ikiavɨra Itir God kamaghɨn mɨgɨa ghaze, “Kɨ apaniba amadaghtɨ, me izɨva Judan gumazamizibar suigh me iniam, mati gumazim uan ivem akunigha osirir avɨriba ini. Eghtɨ gɨn kɨ uam apanir igharaziba ameghtɨ, me mangɨ gumazamizir mɨghsɨabar mongeziba, ko dagɨar toribar mongeziba, buri men suigham, mati gumazim ruarimɨn asɨziba buria dar suisi.

Onger Akaba 89:35

“Kɨ Godɨn bar zuegha arazir aghuibara amim. Kɨ uan ziamɨn akam akɨra ghaze, Kɨ Devit gifaran kogham.

Amos 6:8

Ikiavɨra Itir Godɨn Ekiam, a Godɨn Gavgaviba Bar Itim, a uan ziamɨn Akar Gavgavim akɨra ghaze, Jekopɨn ovavir boriba uari fava amir arazir kam, kɨ bar an aghua. Egha uaghan men nguibar ekiamɨn aven itir dɨpenir gavgaviba, kɨ bar dagh ifongezir puvatɨ. Kamaghɨn amizɨ, kɨ nguibar kam ko bizir bar an aven itiba isɨ apanibar dafaribar arɨgham.

Aisaia 37:29

Nɨn anɨngagharir nan itir akaba ko, nɨ uabɨra uabɨ feir arazim, kɨ bar dagh fo. Ezɨ kɨ datɨrɨghɨn akezim isɨ nɨn atinim darugh, egh ainɨn otevir me hosɨn akam gazuim, isɨ nɨn akam darugham. Egh nɨ amɨkɨrɨgh, tuavir nɨ uan nguibamɨn ikegha izezim uam an mangɨgham.’ ”

Esekiel 29:4

Kɨ akezir taba isɨ nɨn aghozimningɨn guraghɨva, osirir dɨpamɨn itibar amightɨ, da nɨn naziabar puegham. Egh nɨ ko osirir nɨn naziabar pueghav itiba saram ekuigh, azenim mɨkɨnigham.

Esekiel 38:4

Kɨ nɨ damightɨ nɨ ighɨghɨregham, eghtɨ nɨ ko nɨn mɨdorozir gumaziba bar, kɨ akezibar ian aghozibar aghuigh, ia gekuigh ia inigh mangɨgham. Nɨn hoziaba, ko hoziabagh isɨn apiaghiri gumaziba, ko mɨdorozir gumazir uan mɨdorozir biziba ateriba, ko mɨdorozir gumazir oraba ko mɨdorozir sabar itir bar avɨrim, kɨ bar ia gekuigh ia inigh mangam.

Amos 8:7

Ikiavɨra Itir God, a Jekopɨn ovavir boribar God, an akam akɨrigha ghaze, Ia Israelia, ia amir arazir kurar kaba, kɨ da bakɨnɨghnighan kogham.

Onger Akaba 89:36

An ovavir boriba ikɨ mamaghɨra ikiam. An adarazi gumazamizibagh ativagh men ganam, mati aruem isiragha mamaghɨra iti.

Esekiel 34:16

Eghtɨ nan sipsipɨn taba oveghtɨ, kɨ mangɨ da buri da bativ ua da inigh izam. Egh sipsipɨn tintinibar ghueziba, kɨ ua dar aku izam. Eghtɨ taba ikuvigh duaba ikɨtɨ, kɨ dar duaba akɨr da nogham. Eghtɨ taba arɨmariaba ikɨtɨ, kɨ da akɨrightɨ da ua ghuamaghegham. Egh sipsipɨn mɨkarziba sara itiba ko sipsipɨn gavgaviba, kɨ dagh asɨghasigham. Guizbangɨra, kɨ guizɨn arazim damu, egh sipsipbagh eghuv dar ganam.