Amos 4:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

^11-12 “Ian marasi, kɨ Sodom ko Gomoran nguibamning gasɨghasɨghizɨ moghɨn, kɨ me gasɨghasɨki. Ezɨ ia ikiavɨra iti darasi, mati dazir otevim avim gasaraghav ikia isima, gumazir mam a gekuizɨma, a isizir puvatɨ. Kɨ bizir kabagh amizɨ, ia tong uan navibagh iraghasa nɨghnɨzir pu. Bar puvatɨ. Kamaghɨn amizɨ, Israelia, kɨ mɨzazim ia gasam. Kɨ kamaghɨn damightɨ, ia fogh uan Godɨn kotiamɨn tuivsɨ uari akɨrmɨgh ikiam. Kɨ Ikiavɨra Itir God, kɨ mɨkemegha gɨfa.”

Amos 4:11 ပူးပေါင်းရင်းမြစ်များ

Sekaraia 3:2

Ezɨ Ikiavɨra Itir God kamaghɨn Satan mɨgei, “Satan, kɨ Ikiavɨra Itir God, nɨn atara ghaze, nɨ akatam mɨkɨman kogham! Kɨ Ikiavɨra Itir Godɨn Jerusalem gifongezim, kɨ nɨ mɨgɨa ghaze, nɨ nɨmɨra ikɨ. Gumazir kam Josua, kɨ uam a ini, a mati gumazim aviradiar avim isim inigha anemunge.”

Aisaia 13:19

E fo, Babilonɨn nguibar ekiam, a bar deragha nguibar ekiar mabagh afira. Babilonian gumazamiziba, me uan nguibar ekiamɨn ziar aghuim bagha bar akonge. Eghtɨ God Sodom ko Gomora gasɨghasɨghizɨ moghɨn, a Babilon gasɨghasɨgham.

Jeremaia 23:14

Ezɨ kɨ datɨrɨghɨn Jerusalemɨn gumazir Godɨn akam inigha izibar gari, me arazir bar mɨzɨrɨzibagh ami. Ezɨ men arazir kuraba bar kurigha, Samarian akam inigha izir gumazibar arazibagh afira. Me amuir ikɨziba ko, par ikɨziba abɨzir arazim gamua, egha uaghan ifavarimɨn arazim gami. Me gumazir arazir kurabagh amiba gavgavim me ganɨdi. Kamaghɨn amizɨ, gumazitam akɨrim ragha arazir kabanang gasarazir puvatɨ. Kɨ Jerusalemian garima, me bar gumazamizir kuraba, mati Sodom ko Gomora.

Jut Osirizir Akɨnafarim 1:23

Marazi avimɨn iti moghɨn iti, kamaghɨn amizɨ, ia zuamɨram avimɨn me inigh. Ezɨ marazi bar navir ghurimɨn arazibagh ami, egha me bar mɨze, ezɨ men korotiaba uaghan bar mɨze. Eghtɨ dughiar ia men apangkuviba, ia Godɨn atiatingɨva uari bagh gan. Ia Godɨn damazimɨn mɨzezir bizir kaba bar dar saghon ikɨ.

Jut Osirizir Akɨnafarim 1:7

Kamaghɨra, fomɨra Sodom ko Gomoran gumaziba ko nguibar ekiar aningɨn boroghɨra itibar gumaziba, me uaghan enselba amizir arazimɨn mɨrara ami. Me uari isa arazir kurabagh anɨga, egha me arazir bar kurar gumaziba ko gumaziba uari isava akuibagh ami. Kamaghɨn amizɨ, God me isa avir zurara isia mamaghɨra itimɨn, me akunizɨ, me ivezir kuram ini. Bizir otivizir kaba, ia dagh nɨghnɨghɨva arazir kurabar gɨn mangan kogham.

2 Pita 2:6

Ezɨ God Sodomɨn nguibam ko Gomoran nguibam mɨgɨa ghaze, aning uaghan ikuvigham. God aning gaborozɨ aning bar isigha, averenir kɨniba iti. Ezɨ gɨn gumazir Godɨn akaba batoziba, me bizir Sodom ko Gomoran otozim gɨnɨghnɨgh, egh fogham bizir kam gɨn uaghan me bativam.

Amos 4:6

“Kɨrara, kɨ mɨtiriar ekiam gamizɨ, a ian nguibaba bar da batozɨ, dagheba puvatɨ. Ezɨ ia tong uan navibagh irazir pu. Bar puvatɨ. Kɨ Ikiavɨra Itir God, kɨ kamaghɨn mɨkeme.”

Akar Mogomem 9:20

Ezɨ gumazamizir igharazir me mɨsoghezɨ, ariaghirezir puvatɨziba, me navibagh irazir puvatɨgha, akɨrim ragha marvir guar me uari ingarizibagh asarazir puvatɨ. Me aseba ko marvir guaba ataghizir puvatɨ. Marvir guar kaba, gumaziba silva ko gol ko bras ko dagɨaba ko temebar dar ingari, da bizibar garir puvatɨgha akaba barazir puvatɨgha aruir puvatɨziba. Me marvir guabar ziaba fer arazim ataghizir puvatɨ.

1 Korin 3:15

Eghtɨ ingangarir gumazamizibar dɨpeniba bar isightɨ, me uan ingangaribar ivezim inighan kogham. Ingangarir gumazamiziba uari avimɨn mɨseveaghɨrɨgh egh me ovengan kogham.

Hosea 11:8

“O Efraimia, kɨ ia ateghan kogham, egh ian arɨ mangɨghan kogham. Egh kɨ bar ia kuavaremeghan kogham, mati kɨ Atma ko Seboimɨn nguibar ekiamning bar moghɨra aning kuavareme. Kɨ bar ia gifonge, kamaghɨn amizɨ, kɨ bar ia gasɨghasighan kogham.

Esekiel 24:13

O Jerusalem, mɨner kamɨn itir mɨneziba, da nɨn arazir mɨzɨrɨzibar ababanim gami. Kɨ zueghasa nɨ gamima, nɨ mɨzeghvɨra iti. Nɨ zueghan kogh ikɨ mangɨ dughiar nan anɨngagharim gɨvaghamimɨn tugham.

Jeremaia 49:18

Kɨ fomɨra Sodomɨn nguibam ko Gomoran nguibam ko, nguibar aningɨn boroghɨra itiba saram asɨghasɨki. Ezɨ da nguibar kɨnibar otifi. Kɨ Ikiavɨra Itir God, kɨ mɨkeme: Bizir kamra Idomɨn otogham, eghtɨ gumazitam an ikeghan kogham.

Akɨnafarir Pol Romɨn Nguibar Ekiamɨn Itir Sios Bagha Osirizim 9:29

Bizir kaba Aisaia fomɨra mɨkemezɨ moghɨn otifi, a kamaghɨn mɨgei, “Ekiar Gavgavir Ekiam Itim, en tarazi ataghizir puvatɨzɨ, e itir puvatɨghai. Ezɨ bar guizbangɨra, e bar gevegha gɨvaghai, mati bar fomɨra Sodom ko Gomoran nguibamning bar ikufi.”

Godɨn Araziba 29:23

Eghtɨ ian nguazim, avim bar an isightɨ, a nguazir kɨnim gavaghtɨ, salfan dagɨaba ko amangsɨziba a gizɨvagh, graziba puvatɨghtɨ dagheba oparamin danganir aghuiba puvatɨgham. A Sodom, ko Gomoran nguibar ekiamningɨn mɨn gan, egh uaghan Atma ko Seboimɨn ngubamningɨn mɨn ganam. Nguibar ekiar kaba, Ikiavɨra Itir God dar anɨngaghegha bar adagh asɨghasɨki.

Aisaia 7:4

Nɨ kamaghɨn atrivim mɨkɨm suam, A gavgavigh ikɨ, egh a pura tintinimɨn mɨgɨrɨgɨaba baraghtɨ da an navim abɨnan markɨ. An aghumra ikɨ, egh Atrivim Resin uan adarazi ko Remalian otarim Israelian atrivir kamɨn atiatingan markɨ. Atrivir kamningɨn anɨngagharim mati avim kɨran oveghangɨn mungeghasava ami, ezɨ mɨgharimram otifi.

Godɨn Araziba 28:24

Eghtɨ Ikiavɨra Itir God, amozim oteghɨvkɨnightɨ a nguazir mɨnemeniam ko gigimɨn mɨn otoghtɨ, amɨnir dafam da isɨ ian nguazimɨn izighirɨ mangɨtɨ, ia bar kuvaremegham.

Jeremaia 5:3

Ezɨ kɨ Ikiavɨra Itir God ikaragha ghaze: “Kɨ fo, nɨ gumazamizir deravɨra guizɨn arazimɨn gɨn zuiba, nɨ bar me gifonge. Egha nɨ gumazamizir kabav soghezɨ, me mɨzazim baraghizir puvatɨ. Nɨ me akɨrasa me gasɨghasɨghizir bizir kam, me an ganigha fofozim inian aghua. Men dapaniba dagɨabar mɨn gavgafi, ezɨ me uan navibagh iraghan aghua.

Jeremaia 50:40

Kɨ fomɨra Sodomɨn nguibam ko Gomoran nguibam ko, nguibar aningɨn boroghɨra itiba saram asɨghasɨki. Ezɨ da nguibar kɨnibar otifi. Kɨ Ikiavɨra Itir God, kɨ mɨkeme: Bizir kamra Idomɨn otogham, eghtɨ gumazitam an ikeghan kogham.

Hosea 11:5

“Ezɨ me ua na bagh izan aghua. Kamaghɨn amizɨ, me ua Isipɨn mangɨ, o Asiriaba me gativagh men ganam.

Hagai 2:17

Ikiavɨra Itir God ghaze, Kɨ amɨnir gavgavir fefeim itim ko, arɨmariar kurar mam ko, aisɨn amozir kuram amadazɨ, da izaghirava ian dagher ia oparizibagh asɨghasɨki. Ia bizir kabar gara navibagh ighasa nɨghnɨzir puvatɨ.