Amos 2:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Kamaghɨn amizɨ, kɨ avim isɨ Moapɨn kantrin anekunightɨ, Keriotɨn nguibamɨn dɨpenir gavgaviba bar isigham. Eghtɨ mɨdorozir bar ekiam otoghtɨ, mɨdorozir gumaziba pamten dɨmɨva sɨghabagh iviam. Eghtɨ Moapia mɨdorozir kamɨn tongɨn arɨmɨghiregham.

Amos 2:2 ပူးပေါင်းရင်းမြစ်များ

Jeremaia 48:41

Apaniba nguibaba iniva, egh danganir mɨsozir gavgaviba sara iniam. Eghtɨ dughiar kamɨn, Moapian mɨdorozir gumaziba atiatigh, okam nɨghnɨgham, mati amiziba boriba batasa mɨzazim isi.

Jeremaia 48:24

Keriot ko Bosra. Moapɨn nguibar ekiar roghɨra itiba ko, saghon itiba, me bar moghɨra ivezir kuram ini.

Amos 1:14

Kamaghɨn amizɨ, kɨ avim isɨ Raban nguibar ekiamɨn dɨvazibav kɨnightɨ, men dɨpenir ekiaba bar isigham. Eghtɨ mɨdorozir gumaziba mɨsoghɨva pamtemɨn dagarvagh dɨmam, eghtɨ mɨdorozim bar gavgavigham, mati amɨnir ekiam dughiar kuramɨn oto.

Jeremaia 48:34

“Moapia bar puvɨram arangɨva, Hesbonɨn nguibamɨn ikegh mangɨ, Elealen nguibar ekiam ko notɨn amadaghan, Jahasɨn nguibamɨn tugham. Egh Soarɨn nguibamɨn ikegh mangɨ Horonaimɨn nguibam ko sautɨn amadaghan Eklat Selisian nguibamɨn tugham. Guizbangɨra, men kantrin nguibaba bar ikuvigham. Eghtɨ Nimrimɨn Fanem uaghan bar dakegham.

Aisaia 9:5

Guizbangɨra, mɨdorozir gumaziba mɨdorozir korotiar aghua ghua mɨsoziba, avim bar dar isigham. Men dagarir asuaba ko men korotiar gumazibar ghuziba itiba, avim bar adar isigham. Eghtɨ osɨmtɨziba bar gɨvaghtɨma, dughiar aghuim otogham.

Jeremaia 48:45

“Moapian gumazamiziba apanibar atiatigha, arɨ mangɨ Hesbonɨn nguibamɨn mongasa. Ezɨ Puvatɨ. Mati Hesbonɨn nguibam fomɨra Atrivim Sihonɨn dughiamɨn isizɨ moghɨn, me an garima a ua isia iti. Kamaghɨn amizɨ, me nguibamɨn aven mangeghan kogham. Me bizitam damuamin gavgaviba puvatɨ. Avir kam kantrin kamɨn biziba bar adagh apongezɨ da isi. Kantrin kamɨn mɨtaghniamɨn boroghɨn iti darasi, ko kantri kamɨn aven itir mɨghsɨabar pɨn iti darasi, mɨdorozim bagha bar ikuvigha puv mɨsozir gumazir kaba, me bar moghɨra isigham.

Esekiel 25:8

Ikiavɨra Itir Godɨn Ekiam kamaghɨn mɨgɨa ghaze, “Ia Moapia ko Seiria ghaze, Ia gan! Judan ikɨzim, me mati kantrin igharazibar mɨrara iti.

Amos 1:4

Kamaghɨn amizɨ, kɨ avim isɨ Atrivim Hasaelɨn dɨpenim mɨkɨnightɨ, avim Atrivim Benhadatɨn nguibar ekiar gavgaviba bar dar isigham. Nguibar kaba, dɨvazir bar gavgaviba da avɨnizɨ da gavgavigha iti.