Amos 2:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Gumazir puvɨra ivemariba, me arɨ mangɨ mongan iburagham. Gumazir gavgaviba, me ua gavgaviba puvatɨgham. Mɨdorozir gumaziba deragh ikɨsɨ uarir akurvaghsɨ damuva avegham.

Amos 2:14 ပူးပေါင်းရင်းမြစ်များ

Jeremaia 9:23

Ikiavɨra Itir God ghaze: “Fofozir gumazim uan fofozim bagh bar akuegh uabɨ fan markɨ. Eghtɨ gumazir gavgavim uan gavgavim bagh bar akuegh uabɨ fan markɨ. Eghtɨ dagɨaba izɨvazir gumazim uan dagɨaba bagh bar akuegh uabɨ fan markɨ.

Fofozir Gumazim 9:11

Kɨ uamategha overiamɨn apengan bizir mamɨn gari. Gumazir bar puvɨra atamra ivemariba, me dughiar mabar gumazir igharazibagh afirazir pu. Ezɨ mɨdorozir gumazir gavgaviba, dughiar mabar uan apanibagh afirazir puvatɨ. Gumazir nɨghnɨzir aghuiba itiba, ko fofozir ekiaba itiba, me dughiar mabar dagɨaba ko bizir avɨriba isir puvatɨ. Ezɨ ingangarir guar avɨribagh amir fozir gumaziba, me dughiar mabar ingangarir ekiaba isir puvatɨ. E fo, dughiar kuram dughiatabar bar e bativam.

Onger Akaba 33:16

Atrivim mɨdorozir gumazir avɨriba ikɨtɨ, me an akuragh mɨdorozim damu an apaniba abɨraghan kogham. Ezɨ kamaghɨra mɨdorozir gumazim uan gavgavimɨn apaniba abɨraghan kogham.

Jopɨn Akɨnafarim 11:20

Gumazamizir arazir kurabagh amiba, me akurvazim bagh gan ikɨvɨra ikiam. Eghtɨ puvatɨgham. Me Godɨn anɨngagharim gitavɨraghsɨ tuavir avɨriba buriam. Eghtɨ bar puvatɨgham, me damuva avegham, ovevemra me bativsɨ me a mɨzuam ikiam.”

Jeremaia 25:35

Sipsipbagh eghuvir gumaziba, ia arɨ mangɨ bizir kurar kam gitaghamin mogomer danganiba puvatɨ.

Jeremaia 39:4

Judan Atrivim Sedekaia uan mɨdorozir gumaziba ko me bar moghɨra garima, Babilonia izima, me are. Me dɨmagarimɨn suebar ghuava atrivimɨn dagher azenimɨn otivigha ghua, danganir dɨvazir pumuning uaning isasuiragha itir tiar akar kamɨn ghua, nguibar ekiamɨn otivigha ghue. Egha me Jordanɨn Fanemɨn danganir zarimɨn ghua tuavimɨn zui.