Amos 2:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Kɨ Isipɨn nguazimɨn aven ia inigha azenan ize. Egha ia inigha Amorian nguazimɨn ia arɨghasa, 40plan azenibar gumazamiziba puvatɨzir danganimɨn kɨ ian faragha ghua ian akua ize.

Amos 2:10 ပူးပေါင်းရင်းမြစ်များ

Godɨn Araziba 2:7

“Ia bizir kam bakɨnɨghnighan markɨ. Ikiavɨra Itir God, ian God, ia bagha biziba bar dagh amizɨ, da deraghvɨram otifi. Ia gumazamiziba puvatɨzir danganim purama a garuir dughiamɨn, a bar deraghavɨra ia geghuva ian gari. Egha faragha zuir 40plan azenibar ikegha iza datɨrɨkɨn, a ia ko ikiavɨra iti, ezɨ ia bizitamɨn otevezir puvatɨ.

Ua Me Ini 12:51

Ezɨ dughiar kamra Ikiavɨra Itir God, Israelian anababar aven vaghvagha bar me inigha Isipɨn kantrin azenan ghu.

Amos 3:1

O Israelɨn gumazamiziba, ia oragh! Ikiavɨra Itir God Isipɨn kantrin aven ia inigha azenan ize, ia bar moghɨra deragh an akar a ia gasim baragh.

Aposel 13:18

Egha a 40plan azenibar gumazamiziba puvatɨzir danganim me ko ikia, men osɨmtɨziba atera men akurvasi.

Aposel 7:42

Ezɨ God akɨrim ragha me gasaragha, me ataghizɨ me overiamɨn mɨkovezibar ziaba fe. Akam inigha izir gumazibar akɨnafarimɨn akam an mɨrara ghu: “ ‘Ia Israelɨn gumaziba, mar ia 40plan azenibar gumazamiziba puvatɨzir danganimɨn ikia nan ofa gami? Bar puvatɨ.

Maika 6:4

Guizbangɨra, kɨrara dughiar ia Isipɨn kalabusɨn itimɨn ia inigha azenan ize. Kɨ tuavim ian akaghasa, Moses ko, Aron ko, Miriam, me amadazɨ, me ian faragha ghua ia inigha ize.

Amos 9:7

Ikiavɨra Itir God kamaghɨn mɨgɨa ghaze: “O Israelia, kɨ Itiopian gumazamiziba deragha men gari moghɨn, kɨ uaghan deragha ian gari. Kɨ Kritɨn nguibamɨn Filistiaba inigha ize, egha kantri Kirɨn, kɨ Sirian gumazamiziba inigha ize, egha kamaghɨra, kɨ Isipɨn kantrin ia inigha ize.

Ua Me Ini 3:8

Egh kɨ Isipian dafarim da ua me inigh men akuraghasa izaghiri. Egh Isipian nguazimɨn men aku, nguazir ekiar aghuimɨn mangam, nguazir kam a bar derazɨ, biziba an ikiava bar deraghavɨram aghui. Nguazir kam, Kenania, Hitia, Amoria, Peresia, Hivia ko Jebusia, datɨrɨghɨn a gapiaghav iti.

Esekiel 20:10

“Egha kɨ me inigha Isip ategha gumazamiziba puvatɨzir danganimɨn ize.

Onger Akaba 95:10

Gumazamizir kabar naviba bar saghon ikia nan gɨn zuir puvatɨ. Tuavir kɨ me bagh atɨzim, me zurara a gitavɨrasi. Kamaghɨn, kɨ 40plan azenibar gumazamizir kabar anɨngaghe.

Nehemia 9:21

Ezɨ 40plan azenir kabar aven me gumazamiziba puvatɨzir danganimɨn ghuavɨra itima, nɨ bar deragha men gara bizir me oteviba, nɨ bar men akurvasi. Dughiar kamɨn, men korotiaba bɨaghirezir puvatɨ, ezɨ uaghan men sueba bava me gamir puvatɨ.

Godɨn Araziba 1:39

“Egha gɨn Ikiavɨra Itir God, kamaghɨn bar e mɨgei, ‘Ian borir aghɨrir datɨrɨghɨn itiba kamaghɨn fozir puvatɨ, bizir tizim a ikufi, ezɨ bizir tizim a dera, merara nguazir kamɨn aven mangam. Borir kabara, ia me mɨgɨa ghaze, Apaniba me mɨsueghtɨ me arɨghiregham. Eghtɨ kɨ nguazir kam me danightɨ, me a inigh a dapiagh an ikiam.

Ua Me Ini 20:2

Kɨ uabɨ, kɨ Ikiavɨra Itir God, ian God. Kɨrara Isipɨn kantrin ia inigha ian akua azenan ize. Kar danganir ia ingangarir gumazamizir kɨnibar ikezim.

Dɨboboniba 21:25

Kamaghɨn amizɨ, Israelian gumazamiziba Amorian nguibar ekiaba bar da isa, uaghan Hesbon ko an boroghɨn itir nguibar dozir maba sara inigha dagh apia.

Josua 13:4

Ia Kenanian nguaziba bar tɨghar ada iniam. Nguazir kam, a Saidonɨn nguazimɨn itir nguibam Mearan ikegha, ghua Afekɨn nguibamɨn oto, an Amorian nguazir mɨtaghniamɨn iti. Ia nguazir kaba tɨghar ada iniam.

Dɨboboniba 13:32

Egha me ganizir bizibar ghuangsɨgha ifara ghaze, “Nguazir kam derazir puvatɨ. A biziba puvatɨ. An dagheba deragh aghungan kogham. Ezɨ gumazamiziba bar dagheba puvatɨzɨ, mɨtiriaba men a izi. Ezɨ gumazir e ganiziba bar, me maburan gumazir ruariba.

Dɨboboniba 32:13

“Kamaghɨn amizɨ, Ikiavɨra Itir God gumazamizibar arazir kuraba bagha men anɨngaghegha me gamima, me 40plan azenibar gumazamiziba puvatɨzir danganir kam garua ghua, gumazamizir dughiar kamɨn Isip ategha azenan izeziba bar ariaghire.

Josua 24:8

“ ‘Ezɨ kɨ gɨn ia inigha aruem anadi naghɨn, Amorian nguazir Jordanɨn Fanemɨn itimɨn ghuzɨ, me ia ko mɨsozima kɨ ian akurazɨ, ia me mɨsogha me abɨragha, men nguazim uari bagha a ini.

Jeremaia 2:6

Me na gɨnɨghnɨzir puvatɨ. Egha me bizir kɨ men akurvaghasava amiziba dagh nɨghnɨzir puvatɨ. Kɨrara Isipɨn kantrin me inigha men akua ize. Ezɨ me pura danganir dɨpaba puvatɨzir ekiam abɨki. Danganir kam, pura gigir kɨnim an iti, egha mozir konir kuraba tintinibar an iti. A gumazamiziba puvatɨzir danganim ko amoziba izir puvatɨzim. Danganir kam, mɨtater kuram anevara. Gumazamiziba uaghan danganir kam garuir puvatɨgha, uaghan an itir puvatɨ.