Amos 1:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Egh kɨ Asdotɨn nguibamɨn itir gumazamiziba bar me batuegh, uaghan Askelonɨn atrivim batuegham. Egh uan gavgavimɨn Ekronɨn nguibar ekiam gasɨghsigh, Filistian ikiavɨra itir varazira, kɨ me mɨsueghtɨ, me arɨmɨghiregham. Kɨ Ikiavɨra Itir Godɨn Ekiam, kɨ kamaghɨn mɨkeme!”

Amos 1:8 ပူးပေါင်းရင်းမြစ်များ

Esekiel 25:16

Kamaghɨn amizɨ, kɨ Ikiavɨra Itir Godɨn Ekiam, kɨ kamaghɨn mɨgei: Ia oragh! Kɨ uan agharir gavgavim amadagh Filistiaba bar me abɨragham. Men ziar mam Keretia, kar ongarir dadarimɨn ikiavɨra itir darasi, kɨ bar me gasɨghasigham.

Sekaraia 9:6

Eghtɨ gumazir pura tighɨn itir igharaziba izɨ Asdotɨn nguibar ekiamɨn ikiam. Ikiavɨra Itir God kamaghɨn mɨgei, “Filistian kaba, me gumazir uari fa akaba batoziba, kɨ bar me dɨkabɨragham.

Aisaia 20:1

Asirian Atrivim Sargon mɨgeima, an mɨdorozir gumazir dapanir ekiam, Asirian mɨdorozir gumaziba inigha ghua Filistian kantrin aven, Asdotɨn nguibar ekiamɨn mɨsosi. Ezɨ azenir kamra, God akar kam Aisaia ganɨngi.

Onger Akaba 81:14

“Me kamaghɨn damutɨ, kɨ zuamɨra uan gavgavir ekiamɨn men apanibav suegham. Kɨ men apaniba bar me abɨnigham.

2 Eghaghaniba 26:6

Egha Atrivim Usia dɨkavigha ghua Filistiaba ko mɨsosi. Egha a me mɨsogha me abɨragha, Getɨn nguibar ekiam avɨnizir dɨvazim ko, Japnen nguibar ekiam avɨnizir dɨvazim ko, Asdotɨn nguibam avɨnizir dɨvazim, a bar da akaragharɨki. Egha a Asdotɨn nguazim ko Filistian nguazimɨn danganir igharazibar nguibar ekiar igiabar ingari.

Sekaraia 13:7

Ezɨ Ikiavɨra Itir Godɨn Gavgavim Bar Itim kamaghɨn mɨgei, “O nan mɨdorozir sabam, dɨkavigh na bagh uan namakam, a sipsipbar garir gumazim, a mɨsueghtɨma, sipsipba tintinimɨn aregham. Kamaghɨra, mati gumazim sipsipɨn nguzibav sosi moghɨn, kɨ uan gumazamizibav sogham.

Amos 3:9

Ia mangɨ, gumazir Asdotɨn nguibar ekiamɨn dɨpenir gavgavibar itiba, ko Isipɨn kantrin dɨpenir gavgavibar itiba, men diagh, akar kamɨn gun me mɨkemegh, “Ia bar mangɨ Samarian mɨghsɨabar uari akuvagh ikɨ, egh Samarian gumazamizibar gan, me bar onganigha atiatim uarira uarigh anɨdi. Egh men igharaz darazi dɨkabɨrir arazir kurar me amiba ia dar ganigh.”

Aisaia 1:25

O Jerusalem, kɨ ingangarir gavgavim foregha, nɨn arazir kuram akɨrmɨgham, mati gumaziba silvan itir mɨneziba amɨsɨvasa da tue moghɨn, kɨ bar avir pamtemɨn isimɨn nɨ tuam. Kamaghɨra, kɨ ian arazir mɨzɨrɨziba adangasa.

Jeremaia 47:1

Ikiavɨra Itir God akam Filistian kantrin adarazir iti. Dughiar kamɨn Isipian atrivim tɨghar Gasa mɨsogham, kar Filistian nguibar ekiar mam. Ezɨ God akam isa an akam inigha izir gumazim Jeremaia ganɨngi.

Joel 3:4

“Ia Tair ko, Saidonɨn nguibamningɨn adarazi ko, Filistian kantrin danganiba bar, ia manmaghɨn na damuasa? Ia ti ghaze, Kɨ arazir kuram gamizɨ, ia na ikarvaghasa a? Ia kamaghɨn nɨghnɨghtɨ, kɨ zuamɨra ian arazir kuram ikaragham.

Amos 1:7

Kamaghɨn amizɨ, kɨ avim isɨ Gasan nguibar ekiamɨn itir dɨvazim mɨkɨnightɨ, avim an dɨpenir gavgaviba bar dar isigham.

Obadia 1:18

Egh Jekopɨn ovavir boriba, me avimɨn mɨn otivigham. Guizbangɨra, Josepɨn ovavir boriba, me avir mɨzariamɨn mɨn otivigham, egh Ison ovavir boriba avim dadam girɨgha an isi moghɨn men isigham. Eghtɨ Ison ovavir boritam ua ikian kogham. Kɨ Ikiavɨra Itir God, kɨ mɨkemegha gɨfa.”

Sekaraia 9:5

Eghtɨ Askelonɨn nguibar ekiamɨn gumazamiziba bizir kamɨn ganigh bar atiatigham. Me uaghan kuram iniam, eghtɨ men nguibam, gumazamiziba gɨn an ikian kogham. Eghtɨ Gasaba uaghan bizir kamɨn gantɨ, osɨmtɨzir ekiam me batogham, mati amizim borim batamin mɨzazim a bato. Eghtɨ men atrivim aremegham. Eghtɨ Ekronba uaghan bizir kamɨn ganɨva osɨmtɨzir ekiar kam iniam, mati amizim borim batasa mɨzazim isi. Me kamaghɨn nɨghnɨsi, Tairba ti men akuragham. Ezɨ puvatɨ, me bar ikuvigham.

1 Samuel 6:17

Ikiavɨra Itir God Filistiabar osɨmtɨziba agɨvasa, me osɨmtɨziba agɨvamin ofan mɨn, 5plan golɨn okar nedaziba amada. Da vaghvagha men nguibar ekiabar ababaniba, dar ziabar kara: Asdot, Gasa, Askelon, Get ko Ekron.