Amos 1:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Kɨ nguibar ekiar kam Damaskus, an ainɨn tiar akabar dɨvazir gavgaviba bar ada akararigham. Egh kɨ Avenɨn Danganir Zarimɨn itir gumazamiziba batuegh, uaghan Beteden kantrin atrivim batuegham. Eghtɨ kantri Sirian itir gumazamiziba mangɨ aruem anadi naghɨn itir nguazim Kirɨn, aven kalabusɨn mɨn ikiam. Kɨ Ikiavɨra Itir God, kɨ kamaghɨn mɨkeme!”

Amos 1:5 ပူးပေါင်းရင်းမြစ်များ

2 Atriviba 16:9

Ezɨ Atrivim Tiklat Pileser, Ahasɨn akam baregha, uan mɨdorozir gumaziba inigha ghua, Damaskusɨn nguibar ekiamɨn mɨsogha a ini. Egha Tiklat Pileser, Atrivim Resinɨn mɨsoghezɨ, an areme. Egha Damaskusɨn gumazamiziba, kalabuziar gumazamizibar mɨn me inigha, Kirɨn nguibar ekiamɨn ghu.

Amos 9:7

Ikiavɨra Itir God kamaghɨn mɨgɨa ghaze: “O Israelia, kɨ Itiopian gumazamiziba deragha men gari moghɨn, kɨ uaghan deragha ian gari. Kɨ Kritɨn nguibamɨn Filistiaba inigha ize, egha kantri Kirɨn, kɨ Sirian gumazamiziba inigha ize, egha kamaghɨra, kɨ Isipɨn kantrin ia inigha ize.

Jeremaia 51:30

Babilonɨn mɨdorozir gumaziba mɨdorozim ategh, mɨdorozir dɨpenir gavgavimɨn aven ikiam. Egh me amizibar mɨn ikɨva, gavgaviba puvatɨgham. Apaniba Babilonian dɨpenibar apongɨva, egh nguibabar dɨvazibar tiar akaba akaram.

Nahum 3:13

Ian mɨdorozir gumaziba mati amiziba, kamaghɨn amizɨ, me apanibav sogh, me batueghan kogham. Ian nguibar ekiamɨn tiar akar ekiar, gavgaviba apazir igugunir gavgaviba, avim dar isigham. Eghtɨ nguibar ekiamɨn tiar akam bar kuighirɨghtɨ, apaniba puram an aven izegham.

Jeremaia 50:36

Babilonɨn akam inigha izir gumazir ifavariba ikuvigh, gumazir onganibar mɨn otivigham. Babilonɨn mɨdorozir gumaziba ikuvigham, egh me bar atiatigham.

Aisaia 43:14

Ikiavɨra Itir God, a Israelian Godɨn Bar Zuezim, ian Akurvazir Gumazim, a ghaze, “Kɨ ian akurvaghsɨ mɨdorozir gumaziba amadaghtɨ, me izɨ Babilonia ko mɨsogham. Eghtɨ Babilonia arɨ mangɨ, uan kurir me bar akongezibar mavanegh, uan nguibam ategh bar arɨ mangegham.

Aisaia 22:6

Elamɨn kantrin mɨdorozir gumaziba, me piba ko baribar suiki, egha me mɨsoghasa hoziaba ko karisba sara izi. Ezɨ Kirɨn nguibar ekiamɨn mɨdorozir gumaziba, me mɨsoghasa uan oraba sara izi.

Esekiel 27:23

Ezɨ Haranɨn nguibar ekiam ko, Kane ko Idenɨn gumaziba, ko kantri Seba ko, Asur ko Kilmatɨn kantri, men gumazir dagɨaba bagha ingangaribagh amiba, nɨ ko ikarvazir arazim gami.

2 Atriviba 14:28

Ezɨ bizir igharazibar eghaghanir Atrivim Jeroboam amiziba, da akɨnafarir kamɨn iti, me kamaghɨn a dɨbori, Israelian Atrivibar Eghaghaniba. Akɨnafarir kam, an ingangarir gavgavir an amiziba ko, a Damaskusɨn nguibar ekiam ko Hamatɨn nguibar ekiam, ua da iniasa mɨsoghezir mɨdorozibar eghaghanibagh eghari. Nguibar ekiam Hamat, Judaba faragha a gatifa.

Aisaia 8:4

Borir kam tɨghar kamaghɨn fogh suam, kar nan amebam ko nan Afeziam, ezɨ dughiar kamra, Asirian kantrin mɨdorozir gumaziba izɨ Damaskusɨn nguibar ekiam ko Samarian nguibar ekiamɨn bizir aghuiba okemegh, mangɨ uan atrivim danɨngam. Ezɨ borir kamɨn ziamɨn mɨngarim kamakɨn, Zuamɨram Okemegh Zuamɨram A Inigh Mangɨ.”

Esekiel 30:17

Eghtɨ Heliopolisɨn nguibar ekiam, ko Bubastisɨn nguibar ekiam, aningɨn gumazir igiaba mɨdorozimɨn arɨghiregham, eghtɨ aningɨn gumazamizir igharaziba, apaniba me inigh mangɨ kantrin igharazimɨn me kalabuziabar mɨn me arɨgham.

Hosea 10:8

Asebar ziaba fer danganiba, da mɨghsɨabar pɨn iti, ezɨ Israelia kagh men ziaba fa arazir kurabagh ami. Eghtɨ God danganir kabagh asɨghasigham, eghtɨ ogheba ko benir dɨkoniba aghung ofa gamir danganir kaba avegham. Eghtɨ gumazamiziba apanibar mongsɨ, kamaghɨn mɨghsɨabav kɨmam, “Ia e gisɨn irɨva e mongegh.”

Amos 5:5

Egh Ia Berseban nguibamɨn mangɨ nan ziam fan markɨ. Ia Betelɨn nguibamɨn mangɨ, tong na burian markɨ, Betelɨn nguibam bar moghɨra ikuvigham. Ia Gilgalɨn nguibamɨn mangɨ nan ziam fan markɨ, Gilgalɨn gumazamiziba mangɨ kantrin igharazimɨn kalabuziabar mɨn ikiam.