Amos 1:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Kamaghɨn amizɨ, kɨ avim isɨ Raban nguibar ekiamɨn dɨvazibav kɨnightɨ, men dɨpenir ekiaba bar isigham. Eghtɨ mɨdorozir gumaziba mɨsoghɨva pamtemɨn dagarvagh dɨmam, eghtɨ mɨdorozim bar gavgavigham, mati amɨnir ekiam dughiar kuramɨn oto.

Amos 1:14 ပူးပေါင်းရင်းမြစ်များ

Amos 2:2

Kamaghɨn amizɨ, kɨ avim isɨ Moapɨn kantrin anekunightɨ, Keriotɨn nguibamɨn dɨpenir gavgaviba bar isigham. Eghtɨ mɨdorozir bar ekiam otoghtɨ, mɨdorozir gumaziba pamten dɨmɨva sɨghabagh iviam. Eghtɨ Moapia mɨdorozir kamɨn tongɨn arɨmɨghiregham.

Jeremaia 49:2

Kɨ Ikiavɨra Itir God, kɨ mɨkeme: Bar guizbangɨra kɨ dughiar mam amɨsefe, egh dughiar kamɨn kɨ apaniba ameghtɨ me izɨ, Raban nguibam mɨsogham, kar Amonɨn kantrin nguibar ekiam. Me nguibar kam gasɨghasigham, eghtɨ a pura mɨnezir akuvazibar mɨn ikiam. Eghtɨ apaniba nguibar ekiamɨn boroghɨra itir nguibabar apongam. Eghtɨ, Israelia gɨn ua Amonia inizir nguazir kam iniam. Kɨ Ikiavɨra Itir God, kar nan akam.

Godɨn Araziba 3:11

(Atrivim Ok, a Refaimbar atrivir abuananam. An aremeghtɨ an eghuamin boksiam, me dagɨamɨn an ingari. Boksiar kamɨn ruarim, a 4 mitan tuzɨ, an arozim, 2 mitan tu. Dagɨar boksiar kam, an Amon kantrin Raban nguibamɨn ikiavɨra iti.)

Aisaia 30:30

Ikiavɨra Itir God gumazamizibar amutɨ, me an dɨmdɨar gavgavim baragham, egh me an anɨngagharimɨn mɨzazim baragham. An avir gavgavir biziba bar da isiamim sara izam, egh uaghan amɨnir gavgavim ko amozim ko maburan amozir ofɨzir dagɨabar mɨn gariba, sara izam. Eghtɨ arariba dagarvaghtɨ, gumazamiziba an anɨngagharimɨn ganam.

2 Samuel 12:26

Ezɨ dughiar kamɨn, Joap uan mɨdorozir gumaziba ko, Raban nguibar ekiamɨn mɨsogha ghuavɨra iti, kar Amonian atrivimɨn nguibar ekiam. Egha me nguibar ekiar kamɨn akuar mam ini.

Sekaraia 7:14

Bar guizbangɨra, kɨ me batoghezɨ, me ghua Kantrin Igharazibar Gumazamizibar tongɨn, pura guighav iti, mati amɨnir ekiam bizibagh ivara. Ezɨ men nguazir aghuir kam, danganir kuramɨn mɨn otozɨ, gumazitam uam a garuir puvatɨ.”

Daniel 11:40

“Eghtɨ dughiar abuananam roghɨra izɨtɨ, Isipɨn atrivim izɨ a ko aning uaning mɨsogham. Eghtɨ Sirian atrivim karisba ko hoziaba ko kuriba inigh, zuamɨra mangɨ Isipɨn atrivim ko pamtem mɨsogham. Egh kantrin avɨriba aperiar dafamɨn mɨn otogh me arigham.

Esekiel 25:5

Kɨ Raban nguibar ekiam gasɨghasɨgh a damightɨ, a kamelbar arɨghamin danganimɨn otoghtɨ, da ikɨ grazibar amam. Eghtɨ kɨ Amonɨn nguazim damightɨ a sipsipbar arɨghamin danganimɨn otoghtɨ, da an aven ikɨ avughsam. Eghtɨ ia kamaghɨn na gɨfogh suam, kɨ Ikiavɨra Itir God.

Aisaia 9:5

Guizbangɨra, mɨdorozir gumaziba mɨdorozir korotiar aghua ghua mɨsoziba, avim bar dar isigham. Men dagarir asuaba ko men korotiar gumazibar ghuziba itiba, avim bar adar isigham. Eghtɨ osɨmtɨziba bar gɨvaghtɨma, dughiar aghuim otogham.

Onger Akaba 83:15

Kamaghɨra, nɨ amozir ekiam amadaghtɨ a izɨ men agɨraghtɨ me aregh. Nɨ amɨnir ekiam amadaghtɨ, a izɨtɨ me atiating.

Jopɨn Akɨnafarim 39:25

Me sɨgham givir dughiam, hoziaba arai. Da tɨghar mɨdorozimɨn boroghɨn mangam, da saghon ikiavɨra ikia mɨdorozimɨn mughuriam barasi. Egha hoziaba mɨdorozir gumazibar dapaniba barazima, me pamten mɨdorozir gumazibar dei, ezɨ mɨdorozir gumaziba mɨsoghasa pamten dɨa mɨgei.

2 Samuel 11:1

Ezɨ azeniba vaghvagha, dar dughiar orangtɨziba gɨvasava amima, atriviba uan mɨdorozir gumaziba isa uan apaniba ko mɨsoghasa zui. Ezɨ Devit Amonia mɨsoghasa Joap ko, uan mɨdorozir gumazibar gumazir dapaniba ko Israelian mɨdorozir gumaziba, a bar me amangi. Ezɨ me ghua Amonia mɨsogha me abɨragha, Raban nguibar ekiamɨn mɨdorozim fore. Ezɨ Devit uabɨ mɨdorozim bagha ghuzir puvatɨgha Jerusalemra iti.

1 Eghaghaniba 20:1

Ezɨ azeniba vaghvagha, dar dughiar orangtɨziba gɨvasava amima, atriviba uan mɨdorozir gumaziba inigha uan apanibav soghasa zui. Ezɨ azenir Devit Siriaba abɨrazimɨn gɨn, orangtɨzimɨn dughiam gɨvasava amima, Joap mɨdorozir gumaziba inigha Amonia mɨsoghasa zui. Me ghua Amonia mɨsogha me abɨragha, Raban nguibar ekiam ekɨarugha mɨdorozim fore. Ezɨ Devit uabɨ mɨdorozim bagha ghuzir puvatɨgha, Jerusalemra iti. Joap Israelia ko pamten Amonia ko mɨsogha ghua Raban nguibar ekiam ini.

Aisaia 29:6

Ikiavɨra Itir Godɨn Gavgaviba Bar Itim otoghɨva, arariba ko mɨkɨmkɨzim, ko nɨgɨnir bar dafam, ko amɨnir bar gavgavim, amozir bar dafam ko, avir mɨzariar bar kurar biziba bar da tueghamim sara izam.

Jeremaia 23:19

Ia gan! Ikiavɨra Itir Godɨn anɨngagharim amɨnir gavgavim ko amozimɨn mɨn gumazir kuraba bativam, mati amɨnir bar gavgavir kuram, men dapaniba dɨkabɨnam.

Esekiel 21:22

Ezɨ afuzir atrivim uan agharir guvimɨn suirazim, barir pimɨn afuzim Jerusalemɨn akaghtɨ, a fogh me mɨkɨm suam, me mangɨ Jerusalemɨn mɨdorozim damuam. Egh me Jerusalemɨn itiar akabar aven mangɨsɨ, me temer bar ekiaba inigh da isɨ akuriabar arigh, dagh afughafugham. Egh mɨdorozir gumaziba tiariba akarɨva, temer bar ekiar kaba inigh mangɨ nguibar ekiamɨn itiar akaba akaram. Egh Jerusalem konsɨ, nguazibagh kuva nguibar ekiar kamɨn dɨvazimɨn boroghɨn dar pozibav kɨnam. Eghtɨ da danganir aghuir mɨdorozir gumaziba isɨn ghuavanang tuivigh ikɨ mɨsoghamibar mɨn ikiam.

Esekiel 25:7

Kamaghɨn amizɨ, ia oragh! Kɨ uan gavgavim itir agharim amadagh, ia isɨ Kantrin Igharazibar Gumazamizibar agharim datɨghtɨ, me bar ia gasɨghasɨgh ia kuavaremeghtɨ, ia ua kantrin tamɨn mɨn ikian kogham. Eghtɨ ia kamaghɨn na gɨfogh suam, kɨ Ikiavɨra Itir God.”

2 Samuel 12:31

Egha Devit Raban nguibar ekiamɨn itir gumazamiziba bar me inigha, ingangarir guar avɨribar amuasa me arɨsi. Marazi sobiar ingarir ingangaribagh ami, marazi ainɨn afavibar ingangaribagh ami, marazi ainɨn sobiabar ingangaribagh ami. Ezɨ marazi brighbar ingari. Arazir kamra, Devit kantri Amonɨn nguibar ekiar igharaziba bar men gumazamizibagh ami. Egha gɨn, Devit uan mɨdorozir gumaziba ko me uamategha Jerusalemɨn ghue.

Esekiel 21:25

“Nɨ Israelɨn atrivim, nɨ nan akaba batogha arazir kurabaram amir gumazim, kɨ nɨn arazir kuraba ikarvaghamin dughiam, a izegha gɨfa.