Akar Mogomem 7:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Egha kɨ gɨn ua garima, gumazamizir avɨrim uari akuvagha iti. Gumazitam men avɨrim mengan iburagham. Gumazamizir kaba, me kantriba bar ko anababa bar ko mɨkarzir igharagha gariba bar ko nguibabar akaba bar dar gumazamiziba, men marazira izegha iti. Egha me atrivir dabirabim ko Sipsipɨn Nguzimɨn guamɨn tuivighav iti. Me korotiar ghurghurir ruariba aghuigha, uan agharibar okavir aghuabar suiki.

Godɨn Akar Aghuim; Akar Dɨkɨrɨzir Gavgavir Igiam

⁹ Egha kɨ gɨn ua gari, gumazamizir avɨrim uari akuvagha iti. Gumazitam men avɨrim mengan iburagham. Gumazamizir kaba, me kantriba bar ko anababa bar ko mɨkarzir igharagha gariba bar ko nguibabar akaba bar dar gumazamiziba, men marazira izegha iti. Me atrivir dabirabim ko Sipsipɨn Nguzimɨn guamɨn tuivighav iti. Me korotiar ghurghurir ruariba aghui, egha uan agharibar okavir aghuabar suiki.

Akar Mogomem 7:9 ပူးပေါင်းရင်းမြစ်များ

Akar Mogomem 5:9

Egha me ighiar igiar mam kamaghɨn a gami: “Me nɨ mɨsoghezɨ nɨ areme, egha nɨn ghuzimɨn nɨ gumazamiziba God bagha me givese. Nɨ anababa bar, dar gumazamizir maba ko, nguibabar akaba bar ko, mɨkarzir igharagha gariba bar ko, kantriba bar dar gumazamiziba, men marasi, nɨ me givese. Egha nɨ me gamizɨma me atrivimɨn adarazir otivigha, ofa gamir gumazamizibar mɨn ikia, en God bagha ingari. Egh me atrivibar ikɨ, egh nguazimɨn gumazamizibar ganam. Kamaghɨn amizɨ, God ua bagha nɨn torozɨ, nɨ akɨnafarim inigh kendelɨn grisba adegham.”

Jon Osirizir Akar Aghuim 12:13

Ezɨ me uan dafaribar okavir aghuabar suigha ghua tuavimɨn Iesus batogha me kamaghɨn dei: “Hosana! Ia Godɨn ziam fɨ! Gumazir Ekiamɨn ziam ko gavgavimɨn izim, God deragh a damu! A Israelian Atrivim!”

Onger Akaba 2:8

Nɨ nan azaraghtɨ kɨ ikɨziba bar nɨ danɨngam. Nɨ nguazir kamɨn itir kantriba bar me gativagh men ganam.

Sekaraia 2:11

Dughiar ekiar kɨ ian akurazɨ kamɨn, kantrin avɨribar gumazamiziba Ikiavɨra Itir God bagh izɨ, an gumazamizibar ikiam. Guizbangɨra, kɨ izɨ ia ko ikɨva ian tongɨn ikiam.” Bizir kam otoghtɨ, ia fogh suam, Ikiavɨra Itir Godɨn Gavgaviba Bar Itim, a uabɨ na amadazɨ kɨ ia bagha ize.

Akar Mogomem 11:15

Ezɨ enselɨn namba 7 uan sɨgham givima, Godɨn Nguibamɨn itir darazi tiariba akara ghaze: “En Ekiam ko an Gumazir a Gumazamiziba Ua Me Iniasa Mɨsevezim, aning datɨrɨghɨn nguazir kam gativagha an gari. Egh aning atrivimɨn ikɨ mamaghɨra ikiam.”

Akar Mogomem 6:11

Egha me gumazamizir kaba vaghvagha korotiar ghurghurir ruariba me ganɨngi, egha kamaghɨn me mɨgei, “Ia tong orarkɨva avughsɨ ikɨ. Apaniba ian adarazi ko ia ko ingari darazi mɨsueghtɨ me arɨmɨghiregham, mati me ia mɨsoghezɨ mokɨn. Gumazamizir apaniba mɨsueghtɨ arɨmɨghiramibar dɨbobonim, God a gɨfogha gɨfa, eghtɨ apaniba gumazamizir kabav sueghtɨ me arɨmɨghireghtɨ, God ian ghuzimɨn ivezim ikarvagham.”

Akar Mogomem 3:18

“Kamagh amizɨ, kɨ nɨghnɨzir kam ia danɨngasa. Nan gol avim bar an isigha an itir bizir kuraba bar da adangi. Kamaghɨn ia golɨn kam na dama a givezegh, dagɨaba avɨrasemegham. Egh uaghan ia uan mɨkarzim avɨsɨ korotiar ghurghuritam givesegh, eghtɨ gumazamiziba ian gantɨ ia bibiabara ikɨva, aghumsɨghan kogham. Egh uaghan ia uan damazibar aghusɨ marasin givesegh, egh ia ganam.

Akɨnafarir Pol Romɨn Nguibar Ekiamɨn Itir Sios Bagha Osirizim 11:25

Nan adarasi, ia guizɨn akar mogomer mam gɨfoghasa kɨ ia mɨgei. Ia a gɨfoghɨva, kamaghɨn mɨkɨman kogham, ia fofozir ekiam iti. Akar kam kamakɨn: Israelɨn marazi datɨrɨghɨn nɨghnɨzir gavgavim ikian aghua; men arazir kam zurara ikɨvɨra ikian kogham. Me kamaghɨra ikɨ mangɨ, Kantrin Igharazibar Gumazamizir God mɨseveziba bar God bagh izamin dughiamɨn tugham. Eghtɨ me gɨn Godɨn gumazamizibar tongɨn ikiam.

Jeremaia 3:17

Eghtɨ dughiam izɨtɨ gumazamiziba kamaghɨn mɨkɨmam, Jerusalem uabɨ, a Ikiavɨra Itir Godɨn atrivir dabirabimɨn mɨn ikɨ. Eghtɨ kantriba bar dar gumazamiziba izɨ an uari akuv, Ikiavɨra Itir Godɨn ziar ekiam fam. Egh me uan navir averiabar aven damuasa ifongezir arazir kuraba ko men arazir akam batoziba, me ua dar gɨn mangan kogham.

Luk Osirizir Akar Aghuim 21:36

Ia zurara uari bagh gan Afeziam ko mɨkɨmvɨra ikɨtɨ, a gavgavim ia danɨngtɨma ia bizir otivamin kabagh itavɨragham. Egh ia Gumazamizibar Otarimɨn damazimɨn tuivam.”

Luk Osirizir Akar Aghuim 12:1

Ezɨ dughiar kamɨn gumazamizir bar avɨrim uari akuvaghav ikia uari dɨkabɨri. Ezɨ Iesus maghɨra uan suren gumaziba faragha dav gɨa ghaze, “Ia uari bagh gan. Farisiba mati, yis bretɨn aven ghugha a gamizɨma a bar buizɨ moghɨn ian aven mangɨ ia gasɨghasɨgham. Kamaghɨra ifavarir araziba uaghan bar ia gasɨghasigham.

Onger Akaba 22:27

Nguazimɨn itir ikɨziba bar, me Ikiavɨra Itir God gɨnɨghnɨgh, a bagh izɨ an guamɨn teviba apɨrigh an ziam fam.

Ofa Gami 23:40

Aruer faragha zuimɨn ia temer ovɨzir ia apibar dagher bar aghuitaba inigh. Ia temer detɨn aguaba ko temer dafarir avɨriba itibar aguaba inigh. Egh ia nan damazimɨn 7plan aruebar bar akongegh. Kɨ Ikiavɨra Itir God, ian God.

Akar Mogomem 4:4

Ezɨ 24plan atrivir dabirabir igharaziba, atrivimɨn dabirabir kam okari. Ezɨ 24plan gumazir dapaniba dabirabir kabagh apia. Gumazir dapanir kaba korotiar ghurghuriba aghuigha golɨn ingarizir dapanir asuaba uari gaghuigha mati atrivimɨn golɨn dapanir asuaba men dapanibar iti.

Hibru 12:22

Ia bizir kamaghɨn garitam batozir pu. Puvatɨ. Ia Saionɨn Mɨghsɨam ko Godɨn zurara itimɨn nguibar ekiamɨn otogha gɨfa, kar Jerusalemɨn nguibar Godɨn Nguibamɨn itim. Egha ia tausen tausenpla enselba batifi, me uari akuvagha bar akuegha iti.

Hibru 11:12

Kamaghɨn, gumazir kam Abraham a ghurigha egha aremeghasava ami, egha an ovavir borir avɨribar afeziamɨn oto. Ezɨ an ovaviba otiva bar avɨraseme, mati overiamɨn mɨkoveziba, o ongarimɨn dadarimɨn gigiba. Gumazitam da mengɨva avegham.

Efesus 6:13

Kamaghɨn ia God ia ganɨngizir mɨdorozir bizibar suigh dar aghuigh. Egh arazir kuraba otivamin dughiam, ia tugh gavgavigh uan apanim munasɨ, mangɨ mɨdorozim gɨvaghamin dughiam, ia tugh gavgavigh mamaghɨra ikiam.

Hosea 1:10

Israelia ua bar avɨrasemegham, mati ongarir dadarimɨn gigim, eghtɨ me me mengan iburagham. Datɨrɨghɨn God kamaghɨn me mɨgei, “Ia nan gumazamiziba puvatɨ.” Egh gɨn dughiatam izɨtɨ, a kamaghɨn me mɨkɨm suam, “Ia Godɨn Zurazurara Angamɨra Itimɨn boriba.”

Daniel 6:25

Ezɨ Atrivim Darius, nguazir kamɨn itir nguibaba bar dar gumazamiziba ko kantriba bar dar gumazamiziba ko nguibabar akaba bar me bagha akɨnafarim osira ghaze: “Ia bar navir amɨrizimɨn ikɨ!

Onger Akaba 98:3

A Israelian apangkuvigha men akuraghasa dɨkɨrɨzir akar kam gɨnɨghnɨghavɨra ikia, me ataghizir puvatɨ. Kantribar gumazamiziba Godɨn gari, an apaniba ko mɨsogha me abɨragha, uam e ini.

Daniel 4:1

Atrivim Nebukatnesar nguazimɨn nguibaba bar dar gumazamiziba ko kantriba bar dar gumazamiziba ko nguibabar akaba bar, me bagha akam amada. An akam kamakɨn: Ia bar deraghvɨra ikɨ!

Jenesis 49:10

Egha an atrivimɨn aghorimɨn suiraghtɨ, an an gavgavir ekiam akaghtɨ, a ikɨ mamaghɨra ikiam. Egh an ovavir boribar atrivimɨn mɨn ikɨ mangɨtɨ, gumazamiziba bar a bagh bizir aghuiba inigh a bagh izamin dughiam otogham. Egh a kantriba bar dagh ativagham.

Akar Mogomem 5:11

Egha kɨ ua gara enselɨn tiarir avɨrir maba barasi. Men dɨbobonim handet milienɨn avɨriba ko tausen tausenɨn avɨriba. Me atrivir dabirabim ko bizir angamɨra itiba ko gumazir dapaniba okarigha tuivighav iti.

Onger Akaba 77:2

Osɨmtɨziba na bativir dughiaba, kɨ Ekiam buriava an dei. Kɨ dɨmagaribar uan dafariba favɨra ikia a ko mɨgɨa, navir amɨrizim inizir puvatɨ.

Jenesis 13:16

Eghtɨ kɨ nɨn boribar amightɨ me nguazir mɨnemniamɨn mɨn bar avɨrasemegham. Eghtɨ gumazitam nguazir mɨnemniaba mengeghɨva nɨn ovavir boriba mengam.

Jeremaia 16:19

O Ikiavɨra Itir God, nɨ gavgavim na ganɨga, nan danganir mogomemɨn mɨn ikia, egha osɨmtɨzibar dughiabar nɨ nan akurvasi. Nguazir kamɨn oteviba bar dar gumazamiziba bar, nɨ bagh izɨ kamaghɨn mɨkɨmam: En inazir afeziabar aseba, da pura bizir kɨniba, da e gifara, en akuraghan kogham.

Onger Akaba 76:4

God, nɨ atrivibar ekiam egha ziar ekiam iti. Nɨn ziam bar pɨn ikia, egha mɨghsɨar ekiabar ziar ekiabagh afira. Nɨ mɨghsɨabar uan apanibav sogha me abɨragha uamategha ize.

Sekaraia 10:8

“Kɨ uan gumazamiziba bar men dɨmɨva, me akumakum me inigh izam. Kɨ ua me inigh me damutɨ, me fomɨra ikezɨ moghɨn bar avɨrasemegham.

Akar Mogomem 7:8

ezɨ 12,000plan Sebulunɨn anabamɨn adarasi, ezɨ 12,000plan Josepɨn anabamɨn adarasi, ezɨ 12,000plan Benjaminɨn anabamɨn adarasi. Gumazamizir kaba, God me ginabazir osizirim ini.

Akar Mogomem 22:3

Eghtɨ bizir God bar aghuagha otogheziba uamategh ikian kogham. God ko Sipsipɨn Nguzimɨn atrivir dabirabim, nguibar ekiar kamɨn ikiam. Eghtɨ Godɨn ingangarir gumazamiziba an ingangarim damuam.

Esekiel 47:5

Ezɨ a ua dɨpamɨn mɨriamɨn sɨvagha an abarima, a 500 mitan tu. Dɨpam kagh faner ekiamɨn otogha bar kone. Ezɨ kɨ an aven daru vongɨn mangan ibura. Gumazir uabɨ afozofogh damuan fozitam, a ti tong an aven mangam. Kar faner ekiar gumazitam vongɨn mangan koghamim.