Akar Mogomem 7:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Sipsipɨn Nguzim atrivir dabirabimɨn tongɨra ikia, egha me geghufi. Egh a me inigh nguazimɨn aven ivemarir dɨpar atuir danganimɨn mangam, kar dɨpar ikɨrɨmɨrir zurara itim anɨdim. Egh God bar men damazibar temeriba adizightɨ da mɨsigham, eghtɨ me uam azian kogham.”

Godɨn Akar Aghuim; Akar Dɨkɨrɨzir Gavgavir Igiam

¹⁷ Sipsipɨn Nguzim atrivir dabirabimɨn tongɨra ikia, egha me geghufi. Egha a me inigh nguazimɨn aven ivemarir dɨpar atuir danganimɨn mangam, kar dɨpar ikɨrɨmɨrir zurara itim anɨdim. Egh God men temeriba bar men damazibar da dizightɨ da mɨsigam, eghtɨ me uam azian kogham.”

Akar Mogomem 7:17 ပူးပေါင်းရင်းမြစ်များ

Jon Osirizir Akar Aghuim 4:14

Eghtɨ gumazim o amizir kɨ danɨngamin dɨpar kam amegham, an kuarim dughiatamɨn uam an pɨran kogham. Puvatɨ. Dɨpar kɨ danɨngamin kam, a dɨpam nguazir averiamɨn ikiava otivi moghɨn, an navir averiamɨn otivam. Egh dɨpar ikɨrɨmɨrir zurara itim anɨdir kam otiv mamaghɨra ikɨva, zurara itir ikɨrɨmɨrir aghuarim a danɨngam.”

Jon Osirizir Akar Aghuim 4:11

Ezɨ amizim a mɨgei ghaze, “Gumazir ekiam, nɨ mɨneba pu. Mozir dɨpar kam bar kone. Eghtɨ dɨpar ikɨrɨmɨrir zurara itim anɨdim, nɨ managh a inigham?

Akar Mogomem 22:1

Ezɨ ensel faner mam nan aka, faner kamɨn dɨpam ikɨrɨmɨrir zurara itim anɨdima, an angazangarim glasɨn mɨn taghtasi. Faner dɨpar kam God ko Sipsipɨn Nguzimɨn atrivir dabirabimɨn apengan ikegha ivemara ghua,

Akar Mogomem 21:4

Egh a men damazir teriba vaghvagh da adizam. Bizir faragha itir kurar kabanang, da bar gɨvagham. Eghtɨ gumazamiziba uam ovengan kogham, egh me ua naviba osɨmɨva egh uam azian kogham, egh ua mɨzaziba inian kogham.”

Onger Akaba 23:5

Nɨ na bagha daghem gamigha azenara na dafazɨ, nan apaniba bar nan gari. Nɨ nan diazɨ kɨ iza nɨ ko aperazɨ, nɨ borem isa nan dapanim ginge. Ezɨ nan itarim bar izɨvagha fasfagha iri.

Akar Mogomem 21:6

Egha a kamaghɨn na mɨgei, “Biziba bar otivigha gɨfa. Ezɨ kɨrara, kɨ faraghavɨra ikia egh bar gɨn ikɨva abuan ikɨvɨra ikiam. Kɨ biziba bar dar mɨngarim, egha ingangarir kɨ amiba kɨ uaghan bar da agefi. Eghtɨ gumazim kuarim an pɨrtɨ, kɨ dɨpar ikɨrɨmɨrir zurara itim anɨdim a danɨngtɨ, aneremam. Dɨpar kam nguazimɨn aven anadi. Dɨpar a isir kam, an a givezan kogham, a puram a iniam.

Jon Osirizir Akar Aghuim 10:11

“Kɨ uabɨ kɨ sipsipbagh eghuvir gumazir aghuim. Sipsipbagh eghuvir gumazir aghuim, a uan sipsipbar akurvaghsɨ me bagh aremegham.

Aisaia 25:8

Egh God ovevem dɨkabɨragh, a gasɨghasɨgh, bar a gafiragham. Ikiavɨra Itir God, en Ekiam, men ararem agɨvagham, egh bar gumazamizibar damazibar teriba bar da adizam. Egh a uan gumazamizir aghumsɨgha itiba, a men aghumsɨziba bar da gɨvagham. Kar, Ikiavɨra Itir God kamaghɨn damuasa mɨkemezir akam.

Jon Osirizir Akar Aghuim 10:14

“Kɨ uabɨ kɨ sipsipbagh eghuvir gumazir aghuim. Afeziam na gɨfozɨma, kɨ Afeziam gɨfozɨ moghɨra kɨ uan sipsipbagh fo, ezɨ nan sipsipba na gɨfo. Ezɨ kɨ sipsipbar akurvaghsɨ, me bagh aremegham.

Jeremaia 2:13

Nan gumazamiziba arazir kurar pumuning gami. Kɨ mati, dɨpar aghuir ikɨrɨmɨrir aghuim anɨdim me bagha fasfagha iri. Ezɨ me akɨrim ragha na gasara. Me uari bagha dɨpabar suighasa dagɨaba okora toribagh ami. Ezɨ me okorezir dagɨar mozir dɨpar kaba tintinibar bɨghireghtɨ, dɨpaba dar aven ikian kogham.’ ”

Esekiel 34:23

“Kɨ uan ingangarir gumazim Devit, an ikɨzimɨn gumazitam amɨseveghtɨ, a sipsipbagh eghuvir gumazimɨn ikiam. Egh a deravɨra dar ganam.

Akar Mogomem 5:6

Ezɨ kɨ gari, Sipsipɨn Nguzir mam, me a mɨsoghezɨ an aremezɨ moghɨn gara tughav iti. An atrivir dabirabim ko 4plan angamɨra itir bizibar tongɨn tughav iti, ezɨ gumazir dapanibar dabirabiba an okarigha iti. Sipsipɨn Nguzir kam 7plan komba ko 7plan damaziba iti, kar Godɨn duar 7pla. God me amadazɨma me nguazir kam bar a garui.

Matyu 2:6

“ ‘Nɨ Betlehem, nɨ Judan nguazimɨn aven iti. Nɨ Judabar nguibar ekiabar tongɨn uaghan ziam iti, nɨn aven gumazitam na bagh gumazir dapanimɨn otogh Israelia gativagh men ganam.’ ”

Aisaia 12:3

Mozir dɨpam, gumazir kuariba pɨriba, anepa bar akonge. Ezɨ kamaghɨra, God uan gumazamizibar akuragh ua me inightɨ, me bar akuegham.

Onger Akaba 28:9

O Ikiavɨra Itir God, nɨ uan gumazamizibar akuragh. Kar gumazamizir nɨ ua baghavɨra inabaziba, nɨ deraghvɨra me damu. Nɨ sipsipbar garir gumazimɨn mɨn, me inigh me ater mangɨ, deragh men gan kamaghɨra ikɨ.

Maika 5:4

Eghtɨ gumazir dapanir kam otogh, uabɨ uan gumazamiziba Ikiavɨra Itir Godɨn gavgavimɨn men ganam, mati sipsipbagh eghuvir gumazim deravɨra uan sipsipbagh eghufi. Guizbangɨra, a Ikiavɨra Itir God, an God, an an ziar ekiamɨn me gativagham. Eghtɨ gumazamizir kantrin igharazibar itiba an gavgavim gɨfogham. Eghtɨ an gumazamiziba deragh ikiam.

Aisaia 60:20

Kɨ Ikiavɨra Itir God, kɨ zurara nɨn angazangarimɨn mɨn ikɨtɨ, nɨn osɨmtɨzibar dughiam gɨvagham. Eghtɨ nɨ ua aruem uaghirir arazimɨn ganan kogham. Egh nɨ ua, iakɨnim uaghirir arazimɨn ganan kogham.

Aisaia 49:9

Kɨ faragh kamaghɨn kalabusɨn itir gumazamizibav kɨmam, ‘Ia azenan izɨ!’ Kɨ kamaghɨn mɨtarmemɨn itir gumazamizibav kɨmam, ‘Ia angazangarimɨn izɨ!’ “Eghtɨ me kalabuziam ategh uamategh uan nguazimɨn izam. Egh me tuavibar mangɨ, damamin dagheba ikiam, mati sipsipba mɨghsɨar graziba puvatɨzibar ghua, dagher avɨriba batifi.

Aisaia 35:10

Gumazamizir Ikiavɨra Itir God men akuragha ua iniziba, me ua izɨ, Saionɨn Mɨghsɨamɨn bagh izɨva, bar akongegh ongɨ, tiariba akarɨva tuavir kamɨn izam. Egh me dabirabir bar aghuim ikɨtɨ, bar akongezir arazir kam a men ikɨ me gizɨvagh kamaghɨra ikiam. Eghtɨ mɨzaziba ko osɨmtɨziba me ategh, ua men ikian kogham.

Aisaia 30:19

Ia Jerusalemia, ia Saionɨn Mɨghsɨamɨn iti, ia ua kuarkuv aziv arangan kogham. Ezɨ Ikiavɨra Itir God datɨrɨghɨn ian apangkuvigha, deravɨra ia damuasa gara iti. Egh ia uari bagh an azangsɨgh an dɨmtɨ, a zuamɨra ian dɨmdiam baregh ian akuragham.

Aisaia 25:6

Egh Saionɨn Mɨghsɨam, Ikiavɨra Itir Godɨn Gavgaviba Bar Itim, isar bar ekiam kantribar gumazamiziba bar me bagh a damuam. Eghtɨ isar kam bar deragham, egh asɨzir bar aghuir oviba itiba ko, damamin wainɨn dɨpar bar aghuiba an ikiam.

Akar Mogomem 4:11

“Nɨ en Ekiam, en God. Nɨ biziba bar dar ingari. Egha nɨ uan ifongiamɨn, biziba bar dar ingarizɨma da otifi, ezɨ datɨrɨghɨn biziba bar iti. Kamaghɨn amizɨ, nɨrara e uari nɨn torogha nɨn ziam bar pɨn anetɨ. Gumazamiziba bar nɨ bagh bar akuegh, egh nɨn ziam fɨva, nɨn gavgavimɨn apengan ikiam.”

1 Pita 5:2

Ia Godɨn gumazamiziba deravɨra men gan. Me sipsipbar mɨn ian agharimɨn iti. Tav ia ingangarir kam damusɨ ia abɨntɨma, ia ingaran markɨ. Ia ingangarir kam damuasa God ifonge. Kamaghɨn, ia ifueghɨva ingangarir kam damu. Ia ivezim baghɨva akongɨva ingangarim damuan markɨ. Egh ia gumazamizibar akurvaghsɨ bar ifongegh.

Aposel 20:28

Ia uari uari bagh ganɨva, egh uaghan Godɨn gumazamizibar gan. Godɨn Duam Godɨn gumazir nɨghnɨzir gavgaviba iti, a bar dar ganasa ia mɨsefe. Ia gumaziba gari gumazibar mɨn ikɨ, ia Kraisɨn adarazir gan. God uabɨ uan Otarimɨn ghuzimɨn me givese.

Maika 7:14

O Ikiavɨra Itir God, nɨ gumazamizir ua bagha mɨseveziba, nɨ me eghuvir gumazimɨn mɨn ikɨ, mati sipsipbagh eghuvir gumazim deravɨra uan sipsipbagh eghufi. Me ruarir arɨzibar mɨghsɨabar ikia, nguazir aghuiba puvatɨ. Ezɨ azenibar ingaramin nguazir aghuiba vɨn iti. Me faragha amizɨ moghɨn, nɨ men amamangatɨghtɨ, me mangɨ Basan Distrik ko Gileatɨn Distrighɨn nguazir aghuibar azenibar ingaram, mati sipsipba grazir aghuiba itir nguazim garua grazir avɨriba api.

Jeremaia 31:9

Kɨ men aku izamin dughiamɨn, me uan arazir kurar me amiziba gɨn amangɨsɨ, na ko mɨkɨm azi, na ko tuavimɨn izam. Kɨ me inigh men faragh mangɨ dɨpar aghuim itir danganimɨn otogh, men aku tuavir aghuibar mangɨtɨ, me ireghan kogham. Guizbangɨra, kɨ Israelian afeziamɨn mɨn itima, Efraim nan otarir ivariamɨn mɨn iti.

Aisaia 40:11

A sipsipbagh eghuvir gumazimɨn mɨn, uan gumazamiziba deragha me geghuva men gari. A zurara uan agharimningɨn sipsipɨn nguziba akumakua, me isa uan evarim garɨgha, me ateragha arui. A sipsipɨn amebar nguzir bar muziariba itiba, a men asughasugha, me isa tuaviba men akakagha, men akua zui.

Onger Akaba 22:26

Gumazamizir onganaraziba, me damasa ifongezɨ moghɨn, damɨ bar izɨvagh ikiam. Gumazamizir Ikiavɨra Itir Godɨn boroghɨn zuiba, me an ziam pɨrafɨ. Men naviba amɨragh deraghvɨra ikɨ mamaghɨra ikiam.

Aisaia 30:25

Dughiar Ekiam mɨsevezimɨn, dughiar bar kuram ian apaniba batoghtɨma, me pura tintinibar arɨmɨghiregham, eghtɨ men dɨvazir gavgavir kaba bar ikuvigham. Eghtɨ dughiar kamɨn, dɨpaba mɨghsɨaba bar dar otiv ivemar izighirɨtɨ, ia dɨpatamɨn oteveghan kogham.

Aisaia 51:11

Kamaghɨra, gumazamizir Ikiavɨra Itir God akuragha ua iniziba, me uamategh izɨ, Saionɨn Mɨghsɨamɨn boroghɨn izɨva, bar akongegh tiariba akarɨva tuavir kamɨn izɨva ongam. Egh me dabirabir bar aghuim ikɨtɨ, bar akongezir arazir kam, a men ikɨ me gizɨvagh kamaghɨra ikiam. Eghtɨ mɨzaziba ko osɨmtɨziba me ategh ua men ikian kogham.

Aisaia 65:19

Kɨ uaghan Jerusalem bagh bar akuegh uan gumazamiziba bagh navir aghuim ikiam. Eghtɨ Jerusalemɨn igiamɨn aven, gumazamiziba mɨzazim isava arair nɨgɨniba ua puvatɨghtɨ, gumazamizibar, azirakaba puvatɨgham.

Matyu 5:4

Ia datɨrɨghɨn azia itir gumazamiziba, ia bar akuegham. Kamaghɨn ian naviba deragh.

Jon Osirizir Akar Aghuim 4:10

Ezɨ Iesus kamaghɨn amizim ikaragha ghaze, “Nɨ, God gumazamizibagh anɨngizir bizir aghuim gɨfoghɨva, gumazir dɨpam bagha nɨ mɨgeir kam gɨfogham, egh nɨ an azaraghtɨ, a dɨpar ikɨrɨmɨrir zurara itim anɨdim nɨ danigham.”

Akar Mogomem 14:4

Ezɨ gumazamizir 144,000ɨn kaba amizitaba isa da ko akua egha arazir kuratam gamigha Godɨn damazimɨn mɨzezir puvatɨ. Me bar zuegha iti. Me Sipsipɨn Nguzim aruir daroribar gara darara gɨn zui. God nguazimɨn gumazamizibar tongɨn 144,000plan gumazamizir kaba ua me givese. Ezɨ me, God ko Sipsipɨn Nguzim aning bagha faraghavɨra inabazir gumazamizibara. Eghtɨ me aningɨn adarazir mɨn ikiam.

Akar Mogomem 21:22

Ezɨ kɨ gari, nguibar ekiar kamɨn aven Godɨn Dɨpenir gumaziba ingarizɨ tam itir puvatɨ. Ekiam, a Godɨn Gavgaviba Bar Itim, ko Sipsipɨn Nguzim, aning uaning Godɨn Dɨpenimɨn danganim ini.

Akar Mogomem 21:23

Godɨn angazangarir gavgavimra angazangarim nguibar ekiar kam ganɨdi. Ezɨ Sipsipɨn Nguzim uabɨ nguibar ekiar kamɨn lamɨn mɨn iti. Kamaghɨn amizɨ nguibar ekiar kamɨn angazangariba anɨngamin arueba ko iakɨniba puvatɨgham.