Akar Mogomem 7:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Me kamaghɨn mɨgei: “Guizbangɨra! E ziar ekiam uan God danɨng, egh a bagh bar akongegham, egh kamaghɨn mɨkɨm suam, an fofozim bar pɨn iti. Egh a mɨnabɨva, egh an ziam fam. A gavgavir ekiam iti, eghtɨ e an gavgavimɨn apengan ikiam. Dughiabar zurara bizir kaba bar moghɨrama Godɨn biziba. Bar guizbangɨra!”

Godɨn Akar Aghuim; Akar Dɨkɨrɨzir Gavgavir Igiam

¹² Me kamaghɨn mɨgei, “Guizbangɨra! E uan God ziar ekiam a danɨng, egh a bagh bar akongegham, egh kamagh mɨkɨm suam, an fofozim bar pɨn iti. Egh a mɨnabɨva, egh an ziam fam. A gavgavir ekiam iti, eghtɨ e an gavgavimɨn apengan ikiam. Dughiabar zurara bizir kaba bar moghɨrama Godɨn biziba. Bar guizbangɨra!”

Akar Mogomem 7:12 ပူးပေါင်းရင်းမြစ်များ

Jut Osirizir Akɨnafarim 1:25

Kar Godɨn vamɨra, a en Akurvazir Gumazim, a Krais Iesus en Ekiamɨn ingangarimɨn, uam e ini. Eghtɨ e an ziam fam. A en atrivir faragha zuimɨn ikiava, egha gavgavir ekiam iti. Egh a biziba bar dar dapanimɨn iti. A dughiaba bar fomɨra iza kamaghɨra iti. Egha datɨrɨghɨn a uaghan kamaghɨra iti. Egh a gɨn uaghan kamaghɨra ikiam. Bar guizbangɨra.

Akar Mogomem 19:4

Ezɨ 24plan gumazir dapaniba ko 4plan bizir angamɨra itir kaba, teviba apɨrigha egha Godɨn uan atrivir dabirabimɨn aperaghav itimɨn ziam fe. Egha me kamaghɨn mɨgei: “Bar guizbangɨra! E an ziam fe!”

Kolosi 3:17

Ezɨ bizir manaba ia dagh ami, mɨgɨrɨgɨaba o ingangariba, ia bizir kaba bar Ekiam Iesusɨn ziamɨn dar amu. Egh an ziamɨn ia God Afeziam mɨnabɨ.

Onger Akaba 100:4

E an Dɨpenimɨn aven mangɨ an ziam fɨva a mɨnamam. E a mɨnabagh an ziar ekiam bar a pɨrafam.

Jona 2:9

Ezɨ kɨ uabɨ, ighiam bangɨva nɨn ziam fɨva asɨzitam mɨsuegh ofa isɨ nɨ danɨngasa. Bizir kɨ nɨ ko akam akɨrigha gɨvaziba, kɨ dar amuam. O Ikiavɨra Itir God, nɨ uabɨra en akurvazima, e angamɨra nɨ ko iti.”

Onger Akaba 147:7

Ia Ikiavɨra Itir God bagh ighiaba bangɨ egh a mɨnamang. E uan God bagh gitabav soghtɨ, dar ararer aghuiba a bagh mangɨ.

Onger Akaba 107:22

Me a mɨnamamin ofabar amuva, an amizir bizir aghuibar gun gumazamizibav kɨmsɨ bar akongegh onger akabar amu.

Onger Akaba 89:52

E zurara Ikiavɨra Itir Godɨn ziam fɨ kamaghɨra ikiam. Bar guizbangɨra.

Onger Akaba 72:19

E zurara an ziar aghuir kam fɨvɨra ikiam. Bar guizbangɨra. An ziar Ekiam nguazir kam bar a gizɨfagh.

Onger Akaba 41:13

E Ikiavɨra Itir Godɨn ziam fam, a Israelian God. Eghtɨ gɨn otivamin ovaviba bar, me uaghan an ziam fam. Guizbangɨra! Bar guizbangɨra!

Jeremaia 33:11

Egh me navir aghuimɨn ikɨva, bar akuegh poroghamiba uarir ikiamin isabar amuam. Egh gumazamiziba na mɨnabir ofaba inigh Ikiavɨra Itir Godɨn Dɨpenimɨn izam. Egh me ofaba inigh izɨ, kamaghɨn ighiaba bangam: “Ikiavɨra Itir Godɨn Gavgaviba Bar Itim bar deravɨra e gami. A zurara bar en apangkufi. Kamaghɨn, e a mɨnamam. “Dughiar kamɨn, kɨ Ikiavɨra Itir God, kɨ nguazir kam damightɨ a fomɨra ikezɨ moghɨn ua deravɨram otogham.

Aisaia 51:3

“Kɨ Ikiavɨra Itir God, nguibar datɨrɨghɨn ikuvigha itir kam Saionɨn, kɨ bar an apangkufi. Egh kɨ an osɨmtɨziba, bar dar amightɨ da gɨvagham. A datɨrɨghɨn mati gigir kɨnimɨn mɨn iti, eghtɨ, kɨ bizir avɨrir bar aghuibar amutɨ da a bativightɨ, an azenir kɨ Idenɨn ingarizimɨn mɨn gan bar deragh gan ikiam. Eghtɨ bar akongezir arazim bar a gizɨvaghtɨ, an itir gumazamiziba zurara ighiar na mɨnabibar amu ikiam.

Kolosi 2:7

Egh ia a gisɨn tuivigh gavgavigh, mati temem biba sara nguazimɨn tugha gavgafi. Uaghan mati dɨpenim dɨpenir akɨnir gavgavibagh isɨn tughav iti. Ia nɨghnɨzir gavgavim Akar Aghuir Epafras ian sure gamizir kamɨn iti, egh kamaghɨn ian nɨghnɨzir gavgavim aghung mangɨvɨra ikɨ. Egh zurara God mɨnabɨvɨra ikɨ.

2 Korin 4:15

Bizir e bativir kaba bar, da ia bangɨn e batifi. God kamaghsua, arazir kamɨn an apangkuvim gumazamizir avɨriba bativ mangɨvɨra ikiam. Egh gumazamizir kaba a mɨnabɨ mangɨvɨra ikɨ, an ziam fam. Kamaghɨn bizir kaba e batifi.

Onger Akaba 116:17

Kɨ nɨ mɨnabɨsɨ nɨ bagh ofa damuam, egh nɨn ziamɨn dɨmɨva a fam.

Onger Akaba 106:48

E Ikiavɨra Itir Godɨn ziam feka, a Israelian God. E datɨrɨghɨn ko, gɨn izamin dughiabar zurara an ziam feka. Gumazamiziba bar mɨkɨm suam, “Bar guizbangɨra!” E Ikiavɨra Itir Godɨn ziam fam. Aleluia!

Onger Akaba 95:2

E an boroghɨra mangɨ a mɨnabɨva, pamten dɨm ighiabar amu an ziam fɨ bar akuegham.

Matyu 6:13

Egh e ateghtɨ, e osɨmtɨzibar aven ikɨtɨ bizitam en navim bɨraghtɨ, e arazir kuratam damuan kogham. Nɨ arazir kurabar gavgavim da e inigh.’

Jeremaia 33:9

Eghtɨ nguazir kamɨn gumazamiziba bar bizir avɨrir aghuir kɨ Jerusalemia gamizibar ganigham. Egh gumazamizir kaba bar akuegh navir amɨrizim nan ikɨva, ziar ekiam na danɨngam. Egh gumazamizir kaba Jerusalemian dabirabir aghuimɨn ganɨva, bizir aghuir kɨ Jerusalem ganɨngizibar ganɨva, atiating nɨghɨva akong dɨgavir kuram damigham.”

Onger Akaba 50:14

“Kamaghɨn deragham, ia bar God mɨnabagh. Kamaghɨn garir ofa ia a damu. Kɨ Godɨn Bar Pɨn Itim, bizir aghuir ia na danɨngasa mɨkemegha gɨvaziba, ia da isɨ na danɨng.

Nehemia 12:46

Bar fomɨra, Atrivim Devit ko Asapɨn dughiamɨn, aning ighiaba batir gumazimning, gumazir onger akar kamɨn faragha zuiba ingara, ighiaba banga God bagha bar akuegha a mɨnabi. Ezɨ datɨrɨghɨn men ovavir boriba, gumazir ighiabagh amibar otifi.

Nehemia 12:8

Livain ua izezibar ziabar kara: Jesua, Binui, Katmiel, Serebia, Juda, Matania, Bakbukia, ko Uno. Matania uan adarazi ko, me gumazir God mɨnabir ighiabagh amir gumaziba, ezɨ a men faragha zui. Gumazir kaba onger akar akuar mam bangezɨ me gɨn, Bakbukia ko Uno uan adarazi ko, me me ikarvagha ighiar akuar igharazim bange.

Akar Mogomem 1:18

Egha kɨ gumazir angamɨra itim. Fomɨra kɨ areme. Datɨrɨghɨn nɨ gan, kɨ zurara angamɨra ikɨ mamaghɨra ikiam. Kɨ Ovevemɨn ki, koma Gumazamizir Oveaghuezibar Nguibamɨn ki, kɨ aningɨn suiragha aningɨn ganamin gavgavim iti.

Akɨnafarir Pol Romɨn Nguibar Ekiamɨn Itir Sios Bagha Osirizim 11:36

E fo, God uan dafarimɨn biziba bar dar ingari, egha dar mɨngarim, ezɨ da a baghavɨra ikia, mamaghɨra iti. Kamaghɨn amizɨ e zurazurara ziar ekiam a danɨng mamaghɨra ikiam! Bar guizbangɨra.

1 Korin 14:16

Nɨ kamaghɨn damuan kogh, egh duamɨn aven God mɨnabɨtɨ, gumazamizir kɨnitaba ian tongɨn ikɨva, nɨ amir mɨgɨrɨgɨar kam gɨfoghan koghɨva, me manmaghɨn nɨ mɨnabir mɨgɨrɨgɨam gɨfogh suam, “A guizbangɨra?” Me foghan kogham, nɨ tizibav gei.