Akar Mogomem 6:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ E fo, aningɨn anɨngagharimɨn dughiar ekiam datɨrɨghɨn otozɨ aning gumazamizibar arazir kuraba ikarvaghasa. Eghtɨ gumazitam aningɨn anɨngagharim iriagh, angamɨra ikian kogham!”

Godɨn Akar Aghuim; Akar Dɨkɨrɨzir Gavgavir Igiam

¹⁷ E fo, aningɨn anɨngagharimɨn dughiar ekiam datɨrɨghɨn otozɨ aning gumazamizibar arazir kuraba ikarvaghasa. Eghtɨ gumazitam aningɨn anɨngagharim iriagh, angamra ikian kogham!”

Akar Mogomem 6:17 ပူးပေါင်းရင်းမြစ်များ

Malakai 3:2

Eghtɨ dughiar a izamin kam, tinara an kotiamɨn aven guizbangɨra mɨkɨmam? Eghtɨ an azenaram otogh izamin dughiar kam, tinara tugh an ganam? Bar puvatɨgham. Guizbangɨra, a mati, avim bar puvɨra isia golɨn isigha bizir kuraba bar da adangizɨ moghɨn, a izam. Egh mati, sopɨn gavgavir inir mɨzɨrɨzim rutɨ a bar zueghamimɨn mɨn ganam.

Joel 2:11

Ikiavɨra Itir God uan mɨdorozir gumaziba Akar Gavgavim me ganɨdi, ezɨ an mɨgɨrɨgɨaba mati ararim dagarvasi. An mɨdorozir gumaziba bar avɨraseme, eghtɨ gumazitam me dɨponɨva avegham. Ikiavɨra Itir God Izamin Dughiar Ekiam, gumazamizibar amutɨ, me bar atiatigham. Eghtɨ tinara dughiar kamɨn aven mangɨ ikuvighan kogh, deravɨra ikiam? Ti puvatɨgham.

Onger Akaba 76:7

O God, nɨ men ataran bighangɨn, tinara nɨn damazimɨn tuivam? Bar puvatɨ. Gumazamiziba bar puvɨra nɨn atiati.

Akar Mogomem 16:14

Duar bar kurar kaba arazarazir igharagha garibagh ami da otiva, nguazimɨn itir kantriba bar dar atriviba bagha, tintinibar zui. Me atrivibar amutɨ me uan mɨdorozir gumaziba inigh izɨ me akuvasa. Eghtɨ Godɨn Gavgaviba Bar Itim gumazamiziba tuisɨghamin dughiar ekiamɨn, me mɨdorozim damuam.

Joel 2:31

Eghtɨ aruem mɨtarmeghtɨ, iakɨnim ghuzimɨn mɨn otogham. Bizir kaba faragh otivightɨ, gɨn Ikiavɨra Itir God Izamin Dughiar Ekiam otogham. Dughiar ekiar kam otoghtɨ, gumazamiziba bar atiatigham.

Jeremaia 30:7

Iavzika! Dughiar bar kurar mam otivasava ami. Egha dughiar kam bar dughiar kurar maba bar adagh afira. Nan gumazamiziba, Israelia, me dughiar kamɨn osɨmtɨzir bar ekiam iniam. Eghtɨ kɨ ua me iniam.”

Akɨnafarir Pol Romɨn Nguibar Ekiamɨn Itir Sios Bagha Osirizim 2:5

Nɨ uan navimɨn suiragha gavgavigha uan navim gɨghasa nɨghnɨzir puvatɨ. Egha arazir kamɨn nɨ uabɨ ivezir bar ekiar kuram uabɨ garɨsi.

Akar Mogomem 11:18

Kantrin Igharazibar Gumazamiziba bar puvɨram atari, ezɨ nɨn anɨngagharim otogha gɨfa. God gumazamizir ovengeziba tuisɨghamin dughiam otogha gɨfa. Kar dughiar nɨn ingangarir gumazamizir nɨn akam inigha izeziba, me uan ivezir aghuim iniamim. Gumazamizir nɨn atiatia egha nɨn ziamɨn apengan itiba, gumazamizir ziaba itiba ko ziaba puvatɨziba uakan. Eghtɨ gumazamizir nguazimɨn itir gumazamizibagh asɨghasɨziba, God uaghan me gasɨghasɨgham.”

Jut Osirizir Akɨnafarim 1:6

Ia enselɨn kurar maba, ia dagh nɨghnɨgh. God me ganɨngizir ingangariba me dar amuan aghua. Egha me uan danganiba ataki. Kamaghɨn amizɨ, Ekiam zurara ikɨ mamaghɨra ikiamin senbar me ike. Egha me isa kalabuziar danganir bar mɨtarmangizɨmɨn me arɨki. Ezɨ me Kotiam Damuamin Dughiar Ekiam mɨzuai.

Luk Osirizir Akar Aghuim 21:36

Ia zurara uari bagh gan Afeziam ko mɨkɨmvɨra ikɨtɨ, a gavgavim ia danɨngtɨma ia bizir otivamin kabagh itavɨragham. Egh ia Gumazamizibar Otarimɨn damazimɨn tuivam.”

1 Samuel 6:20

Egha Betsemesɨn itir gumazamiziba kamaghɨn mɨgei, “Ikiavɨra Itir God, a Godɨn bar zuezim, tinara an damazimɨn mɨtɨgham? Bar puvatɨgham. A en atartɨma, en tav bar deragh ikeghan kogham. Kamaghɨn amizɨ, e Godɨn Boksiar kam amadaghtɨ, a igharagh mangam. E managhɨra anemangam?”

Onger Akaba 2:12

Ia uari amɨragh teviba apɨrigh magɨrɨ, an dagarimningɨn tor. Puvatɨghtɨ, an adarim zuamɨrama otoghtɨ ia arɨmɨghiregham. Guizbangɨra, an anɨngagheghtɨ an anɨngagharim zuamɨrama otogham. Eghtɨ gumazitam God bagh izɨ an aven modogh, nɨghnɨzir gavgavim an ikɨ bar akuegham.

Onger Akaba 110:5

Ekiam gavgavim nɨ danɨngasa nɨ ko iti. Eghtɨ an anɨngagharir dughiam otoghtɨ an atriviba tintinimɨn me mɨsogh me gasɨghasɨgham.

Aisaia 63:4

Kɨ uan navir averiamɨn aven uan gumazamizibar apaniba ikarvagh, me gasɨghasɨghamin dughiam gɨnɨghnɨghavɨra iti. Ezɨ datɨrɨghɨn dughiar kɨ ua gumazamiziba iniamim otogha gɨfa.

Joel 1:15

Bar guizbangɨra, dughiar kuram kɨran oveghangɨn otivam, kar Ikiavɨra Itir God Izamin Dughiar Ekiam. Kar Godɨn Gavgaviba Bar Itim, uan gavgavimɨn ivezir kuram gumazamizibar anɨngamin dughiam. Evzika! E uarira uarir apangkufi, dughiar kam, a bar moghɨra ikuvigham.

Joel 2:1

Ikiavɨra Itir God Izamin Dughiar Ekiam, a bar roghɨra izi. Kamaghɨn amizɨ, Saionɨn nguibam, a Godɨn mɨghsɨamra, ia a gisɨn ikɨ, sɨghabagh iviva dɨbɨaribar tong. Eghtɨ Judan nguazimɨn itir gumazamiziba bar nɨghɨva akong.

Nahum 1:6

An anɨngazir dughiam, tina deravɨra ikɨ ikuvighan kogham. Bar puvatɨgham. A gumazamizibar anɨngagha, an damazimning mati avim isiava aghefe, An anɨngagharim, dagɨaba mɨsaragharɨsi.