Akar Mogomem 4:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ “Nɨ en Ekiam, en God. Nɨ biziba bar dar ingari. Egha nɨ uan ifongiamɨn, biziba bar dar ingarizɨma da otifi, ezɨ datɨrɨghɨn biziba bar iti. Kamaghɨn amizɨ, nɨrara e uari nɨn torogha nɨn ziam bar pɨn anetɨ. Gumazamiziba bar nɨ bagh bar akuegh, egh nɨn ziam fɨva, nɨn gavgavimɨn apengan ikiam.”

Godɨn Akar Aghuim; Akar Dɨkɨrɨzir Gavgavir Igiam

¹¹ “Nɨ en Ekiam, en God. Nɨ biziba bar dar ingari. Egha nɨ uan ifongiamɨn, biziba bar dar ingarizɨma da otifi, ezɨ datɨrɨghɨn biziba bar iti. Kamaghɨn, nɨrara e uari nɨn itorogha nɨn ziam bar pɨn anetɨ. Gumaziba bar nɨ bagh bar akuegh, egh nɨn ziam fɨva nɨn gavgavimɨn apengan ikiam.”

Akar Mogomem 4:11 ပူးပေါင်းရင်းမြစ်များ

Akar Mogomem 5:12

Me pamten dia kamaghɨn ighiam gami: “Sipsipɨn Nguzir me mɨsoghezɨ aremezir kam, e an uarir torogha an ziam bar pɨn anetɨ. A ziar ekiam ko bizir aghuir avɨriba ko fofozir aghuiba ko gavgavir ekiam iti. E an ziam fɨva a bagh bar akongegh a mɨnamam.”

Aisaia 40:28

Ia ti kamaghɨn oregha fozir puvatɨ, Ikiavɨra Itir God, a Godɨn zurara ikia mamaghɨra itim. A nguazir kam ko an itir biziba bar moghɨra dar ingari. An amɨragha amɨrazir puvatɨ. Egha an gavgavim gevir puvatɨ. Eghtɨ gumazitam an nɨghnɨzim gɨfofoghsɨ damuva avegham.

Aghuzir Akaba 16:4

Ikiavɨra Itir God biziba bar dar ingari, ezɨ da ingangariba iti. Ezɨ kamaghɨra, Ikiavɨra Itir God, gumazir arazir kurabagh amibar ingarigha, dughiar abuananamɨn ovengasa me amɨsefe.

Akar Mogomem 10:6

Egha ghaze, “Godɨn zurara itimɨn ziamɨn kɨ guizbangɨra mɨgei. Godɨn kam, an overiam ko bizir an itibar ingarigha nguazim ko an itir bizibar ingarigha, ongarim ko an itir bizibar ingari. Ezɨ kɨ kamaghɨn mɨgei, dughiam datɨrɨghɨn gɨvasava ami. God uam orarkian kogham. Bar puvatɨ.

Akar Mogomem 14:7

Egha a pamten kamaghɨn mɨgei, “God gumazamizibar arazibar tuisɨghamin dughiam bar roghɨra ize. Kamaghɨn amizɨ, ia Godɨn atiating, egh ziar ekiam a danɨng. Ia, overiam ko nguazim ko ongarim ko nguazimɨn aven ivemarir dɨpabar ingarizir God, an ziam fɨ.”

Akar Mogomem 5:9

Egha me ighiar igiar mam kamaghɨn a gami: “Me nɨ mɨsoghezɨ nɨ areme, egha nɨn ghuzimɨn nɨ gumazamiziba God bagha me givese. Nɨ anababa bar, dar gumazamizir maba ko, nguibabar akaba bar ko, mɨkarzir igharagha gariba bar ko, kantriba bar dar gumazamiziba, men marasi, nɨ me givese. Egha nɨ me gamizɨma me atrivimɨn adarazir otivigha, ofa gamir gumazamizibar mɨn ikia, en God bagha ingari. Egh me atrivibar ikɨ, egh nguazimɨn gumazamizibar ganam. Kamaghɨn amizɨ, God ua bagha nɨn torozɨ, nɨ akɨnafarim inigh kendelɨn grisba adegham.”

Hibru 1:10

Egha God uan Otarim kamaghɨn a mɨgei: “Ekiam, nɨ fomɨra nguazir kamɨn ingari. Guizbangɨra, nɨ uabɨ uan dafaribar overiam ko bizir pɨn itibar ingari.

Jenesis 1:1

Bar faraghavɨra God overiam ko nguazimɨn ingarigha aningɨn itir biziba bar dagh amizɨma, da otifi.

Akɨnafarir Pol Romɨn Nguibar Ekiamɨn Itir Sios Bagha Osirizim 11:36

E fo, God uan dafarimɨn biziba bar dar ingari, egha dar mɨngarim, ezɨ da a baghavɨra ikia, mamaghɨra iti. Kamaghɨn amizɨ e zurazurara ziar ekiam a danɨng mamaghɨra ikiam! Bar guizbangɨra.

Efesus 3:9

God biziba bar dar ingari, egha faragha zuir dughiaba uan nɨghnɨzir mogomem men ghuara. Egha iza datɨrɨghɨn a uan nɨghnɨzir mogomem aghurasa, ingangarir kam na ganɨngi, eghtɨ kɨ gumazamiziba bar me damutɨ me God damuamin araziba bar dagh fogham.

Aposel 14:15

“Maia! Gumazamiziba, ia tizim bagha arazir kam gami? Ga pura gumazir kɨnimning, egha uaghan ian mɨrara gari. Ga kamaghsua Akar Aghuir kam ia mɨgei. Ia pura bizir kɨnir kabar ziaba fan markɨ. Ia uari isɨ Ekiam danɨng, an Angamɨra Itir God. A Godɨn overiam ko nguazim ko ongarimɨn ingarizim, egha dar itir biziba bar adar ingari.

Jeremaia 32:17

“O Ikiavɨra Itir God, nan Ekiam, nɨn gavgavir ekiamɨn, nɨ overiam ko nguazimɨn ingari. Nɨ bizitam damusɨ iburaghan kogham.

Onger Akaba 18:3

E Ikiavɨra Itir Godɨn ziam feka! Kɨ an deima a nan akurazɨma, apaniba na gasɨghasɨghizir puvatɨ.

Nehemia 9:5

Livain marasi, men ziabar kara: Jesua, Katmiel, Bani, Hasapnea, Serebia, Hodia, Sebania, ko Petahia, me Ikiavɨra Itir God ko mɨkɨmasa gumazamizibav gɨa ghaze, “Ia dɨkavigh Godɨn ziam fɨ, a ian Ikiavɨra Itir God, e zurara an ziam fɨ mamaghɨra ikiam.”

Aposel 17:24

“Godɨn mam iti, a nguazir kam ko an itir biziba bar dar ingari, anarɨra overiam ko nguazimɨn Ekiam. Egha a gumaziba dafaribar ingarir dɨpenibar itir puvatɨ.

2 Samuel 22:4

E Ikiavɨra Itir Godɨn ziam feka! Kɨ an deima, a nan akurazɨma, apaniba na gasɨghasɨghizir puvatɨ.

Akar Mogomem 5:2

Ezɨ kɨ enselɨn gavgavir mamɨn garima a pamten kamaghɨn diava azangsɨsi, “Tina gumazir aghuir God uabɨn torozim, an akɨnafarimɨn itir kendelɨn grisba adeghɨva, akɨnafarir kam onegham?”

Jopɨn Akɨnafarim 36:3

Fofozir aghuir avɨriba nan navim gizɨfa. Ezɨ datɨrɨghɨn kɨ kamaghɨn nɨn akakaghasa, Godɨn Nan Ingarizim, a zurara voroghɨra itir arazibagh ami.

Onger Akaba 68:34

Ia gumazamiziba bar, Godɨn ziar ekiamɨn gun mɨkɨm. A Israelian atrivim. An gavgavir ekiam, e overiamɨn pɨn an ganam.

Hibru 1:2

Ezɨ datɨrɨghɨn dughiar kam, kar dughiar abuananaba, God e mɨkɨmasa uan akam isa uan Otarim ganɨngi. God biziba bar da iniasava Otarir kam amɨsefe. Otarir kamɨn agharimɨn, God fomɨra overiam ko nguazimɨn ingari.

Jeremaia 10:11

“Israelia, ia kamaghɨn nɨghnɨzir gavgavim Godɨn itir puvatɨzir gumazamizibav kɨm, ‘Ian aseba overiam ko nguazimɨn ingarizir puvatɨzɨ, da ua nguazim ategh an ikian kogham, egh overiamɨn apengan ikian kogham.’ ”

Aisaia 40:26

Ia pɨn overiamɨn gan! Tinara mɨkoveziba ko overiamɨn itir bizibar ingarizɨ, da otifi? Bizir kaba, Godɨn mɨdorozir gumazibar mɨn iti. A ziaba dagh arɨgha dar pone. An adar dɨbobonim gɨfogha, vaghvagha dar ziabagh fo. A gavgaviba bar iti, kamaghɨn amizɨ, bizir pɨn itir katam ovengan kogham.

Godɨn Araziba 32:4

En God zurara kamaghɨra iti. A zurara guizɨn arazibaram ami. A mati dagɨar ekiar mamɨn mɨn gavgavigha kamaghɨra iti. A zurara uan akamɨn gɨn ghua egha ifarir puvatɨ. Ezɨ an araziba bar deragha egha voroghɨra iti. A guizɨn arazimɨn gɨn ghua biziba tuisɨgha egha ifarir puvatɨ.

Ua Me Ini 20:11

Guizbangɨra, Ikiavɨra Itir God 6plan aruebar nguazim ko overiam, ongarimɨn ko dar itir biziba bar adar ingari. Egha namba 7ɨn aruem an avughse. Kamaghɨn amizɨ, Ikiavɨra Itir God, Sabatɨn dughiam deraghavɨra a gɨnɨghnɨgha an anogorogha a gamizɨma, an a baghvɨra ikiamin dughiamɨn oto. Kar Godɨn dughiamra.

Akar Mogomem 1:6

An e gamizɨma, e atrivimɨn ofa gamir gumazamizibar otozɨma, God e gativazɨ e Godɨn ingangarim gami, God Iesusɨn afeziam. Zurazurara Krais ziar ekiam ikɨva egh biziba bar dar ganamin gavgavim ikɨ. Bar guizbangɨra.

Akar Mogomem 19:1

Ezɨ bizir kabar gɨn kɨ orazi, nɨgɨnir dafam, gumazamizir bar avɨrimɨn mɨn Godɨn Nguibamɨn kamaghɨn dɨa mɨgei: “E Godɨn ziam feka! En God, gavgavim ko ziam iti, a uabɨra en Akurvazir Gumazim!