Akar Mogomem 3:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ “Ia kamaghɨn mɨgɨa ghaze, ‘E bizir avɨriba ko dagɨar avɨriba iti. E bizitamɨn otevir puvatɨ.’ Ezɨ puvatɨ. Ian dabirabim pazavɨra itima, gumazamiziba ian garava bar ian apangkufi. Ia bar biziba puvatɨgha damaziba okavigha bibiabara iti. Egha ia uari bizir kam gɨfozir puvatɨ.

Godɨn Akar Aghuim; Akar Dɨkɨrɨzir Gavgavir Igiam

¹⁷ Ia kamagh mɨgɨa ghaze, “E bizir avɨriba ko dagɨar avɨriba iti. E bizitamɨn otevir puvatɨ.” Ezɨ puvatɨ. Ian dabirabim pazavɨra itima, gumaziba ian garava bar ian apangkufi. Ia bar biziba puvatɨgha egha damaziba okavigha egha bibiabara iti. Egha ia uari bizir kam gɨfozir puvatɨ.

Akar Mogomem 3:17 ပူးပေါင်းရင်းမြစ်များ

Aghuzir Akaba 13:7

Gumazir maba biziba puvatɨgha ifara ghaze, “E dagɨar avɨriba ko bizir avɨriba iti.” Ezɨ gumazir dagɨar avɨriba itir maba, mati gumazir dagɨaba puvatɨziba moghɨn iti.

Hosea 12:8

Egha me kamaghɨn mɨgei: ‘E dagɨaba itir gumazibar otivigha gɨfa. E bizir avɨriba iti. Eghtɨ gumazitam kamaghɨn mɨkɨman kogham, e okɨmakɨar arazim gamua dagɨar gumazibar otifi. E arazir kuratam gamizir puvatɨ.’

Akar Mogomem 2:9

Kɨ osɨmtɨziba ko mɨzazir ia bativiziba ko biziba bar puvatɨzir arazim gɨfo. Ezɨ puvatɨ. Ia guizbangɨra bizir bar avɨriba iti. Kɨ fo, gumazamizir maba gɨrakɨrangɨn akar kurabar ia mɨgɨa ghaze, me Judan adarasi. Ezɨ me Judan adarazi puvatɨ. Me guizɨn Satanɨn adarasi.

Akɨnafarir Pol Romɨn Nguibar Ekiamɨn Itir Sios Bagha Osirizim 7:24

Maia! Kɨ ghaze, kɨ bar ikufi! Tina nan akuraghtɨma, kɨ mɨkarzir ovengamin kamɨn fɨrighɨrɨgham?

Luk Osirizir Akar Aghuim 1:53

A bizir aghuiba isava mɨtiriaba azibagh anigha, biziba bar izɨvaziba amangizɨma me pura ghue.

Matyu 9:12

Ezɨ Iesus mɨgɨrɨgɨar kam baregha kamaghɨn me mɨgei, “Arɨmariaba puvatɨzir gumazamiziba, dokta bagha zuir puvatɨ. Gumazamizir arɨmariaba itibara, me dokta bagha zui.

Akar Mogomem 16:15

“Ia orakigh! Kɨ, okɨmakɨar gumazimɨn mɨn izam, a izir dughiam ia a gɨfozir puvatɨzɨ moghɨn, kɨ zuamɨra otogham. Kamagh amizɨ, gumazim akuir puvatɨgha, uan korotiaba uabɨn boroghɨn da arɨsi, a bibiamra daruan kogham, eghtɨ gumazamiziba an gantɨ, an aghumsɨghan kogham. Kamaghɨn amizɨ, gumazir kam bar akongegh.”

Akɨnafarir Pol Romɨn Nguibar Ekiamɨn Itir Sios Bagha Osirizim 12:3

God uan apangkuvimɨn gɨn ghua ingangarim damuasa bizir aghuim na ganɨngizɨ, kɨ vaghvagha kamaghɨn ia mɨkɨmasa. Ia uari fɨva pɨn uari arɨghan markɨ. Ia deragh nɨghnɨghɨva, God ia ganɨngizir nɨghnɨzir gavgavimɨn ganɨva, tuavir kamɨn ia uari tuisɨgh.

Jenesis 3:7

Ezɨ aningɨn damazimning kuaghirezɨma aning uaningɨn gari, aning bibiamra iti. Kamaghɨn aning fighɨn iter afariba isa inibar mɨn da isamigha, uan mɨkarzimning avara.

2 Pita 1:9

Gumazim o amizim arazir kaba puvatɨgh, a bizir saghuiamɨn tibar ganan kogham, a mati gumazir damazir okavɨrɨzimɨn mɨn ikiam. Guizbangɨra, God an arazir kurar a fomɨra amiziba gɨn amada, egha a gamizɨma a zue. Egha datɨrɨghɨn bizir kaba, a da bakɨnɨghnɨki.

Matyu 5:3

“Ia Godɨn damazimɨn ia fo, ia an bizibagh asa, ia God Bizibagh Ativamin Dughiamɨn aven mangam. Kamaghɨn ian naviba deragh.

Luk Osirizir Akar Aghuim 6:24

Ia bizir avɨriba itiba, ia datɨrɨghɨn navir aghuim inigha gɨfa, kamaghɨn ia ikuvigham.

Sekaraia 11:5

Sipsipɨn kabar ghuaviba dav sogha ghaze, ‘E ti arazir kuram gamir puvatɨ.’ Me sipsipbav sogha, dar tuziba dagɨaba bagha da amagava, dagɨaba isa ghaze, ‘E dagɨar gumazibar otivigha gɨfa. Kamaghɨn amizɨ e Ikiavɨra Itir Godɨn ziam fam.’ Ezɨ sipsipbagh eghuvir gumaziba me uaghan, sipsipbar apangkuvir puvatɨ.”

Ua Me Ini 32:35

Guizbangɨra, gumazamiziba uari bagh bulmakaun nguzimɨn ingarasa bar Aron gakaghone. Kamagh amizɨ, Ikiavɨra Itir God gɨn men arazir kuram ikaragha arɨmariar kurar mam amadazɨ a me bagha ize.

Akɨnafarir Pol Romɨn Nguibar Ekiamɨn Itir Sios Bagha Osirizim 11:25

Nan adarasi, ia guizɨn akar mogomer mam gɨfoghasa kɨ ia mɨgei. Ia a gɨfoghɨva, kamaghɨn mɨkɨman kogham, ia fofozir ekiam iti. Akar kam kamakɨn: Israelɨn marazi datɨrɨghɨn nɨghnɨzir gavgavim ikian aghua; men arazir kam zurara ikɨvɨra ikian kogham. Me kamaghɨra ikɨ mangɨ, Kantrin Igharazibar Gumazamizir God mɨseveziba bar God bagh izamin dughiamɨn tugham. Eghtɨ me gɨn Godɨn gumazamizibar tongɨn ikiam.

Akɨnafarir Pol Romɨn Nguibar Ekiamɨn Itir Sios Bagha Osirizim 11:20

Guizbangɨra, God kamaghɨn ami. Arazir an amizir kamɨn mɨngarim kamakɨn, me nɨghnɨzir gavgavim Godɨn itir puvatɨzɨ, a me aghore. Ezɨ ia nɨghnɨzir gavgavim Godɨn ikia, egha deravɨra iti. Kamaghɨn amizɨ ia deragh uari bagh gan, uari uan ziaba fan markɨ. Ia atiatingtɨ deragham.

Jeremaia 2:31

Ia Israelian datɨrɨghɨn iti darasi, kɨ Ikiavɨra Itir God, kɨ ia mɨkɨmasa. Ia deraghvɨra kuariba arigh, nan akam baragh. Ia ti ghaze, kɨ bizir kuram, egha mati danganir dakɨghtɨzim? Kɨ mati danganir bar mɨtatem, a? Bar puvatɨ. Egha manmaghsua ia nan gumazamiziba ghaze, Datɨrɨghɨn e uari uan ifongiabar gɨn mangɨ tintinibar daruam. E ua nɨ bagh izan kogham.

Aisaia 42:19

Ia nan ingangarir gumazamiziba, kɨ ua bagha ia amɨsefe, eghtɨ ia na baghvɨra ikɨ, nan abuir gumazibar mɨn ikɨ nan akam inigh mangam. Egha ia gumazir damazir okavɨrɨziba ko, kuarir onganibar mɨn iti, egha bar damazir ikuviziba ko kuarir onganiba, bar me gafira.

Aghuzir Akaba 30:9

Guizbangɨra, kɨ dagher avɨriba ikɨva, akɨrim ragh nɨ gasaragh egh mɨkɨm suam, “Ikiavɨra Itir God, a tinara?” Egh kɨ onganarazibagh amir gumazimɨn mɨn otoghɨva, ti okɨmɨva uan Godɨn ziam dɨkabɨragham.

Akar Mogomem 3:16

Ezɨ puvatɨ. Ia mong, ganadamra fei. Ia bar puvɨra feir puvatɨ, egha bar orangizir puvatɨ. Kamagh amizɨ, kɨ uan akamɨn ian mighasava ami.