Akar Mogomem 21:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Nguibar kamɨn dɨvazim, 12plan dagɨar ekiaba an apengan ikia gavgavim a ganɨdi, ezɨ Sipsipɨn Nguzimɨn aposelbar ziaba dar iti.

Godɨn Akar Aghuim; Akar Dɨkɨrɨzir Gavgavir Igiam

¹⁴ Nguibar kamɨn dɨvazim, 12 plan dagɨar ekiaba an apengan ikia gavgavim a ganɨdi, ezɨ sipsipɨn nguzimɨn aposelbar ziaba dar iti.

Akar Mogomem 21:14 ပူးပေါင်းရင်းမြစ်များ

Hibru 11:10

Abraham zurara nɨghnɨzir gavgavim ikia nguibar ekiar gavgavigha itir kamɨn ganasa mɨzua iti. Nguibar ekiar kam, God uabɨra tuavir an ingaramibagh nɨghnigha, egha uabɨ an ingari.

Efesus 2:20

Ia uaghan mati God ingarizir dɨpenimɨn mɨn iti. Gumazim dɨpenim ingarasa ter akɨniba kuazizɨ moghɨn, God aposelba ko uan akam inigha izir gumazibav sevezɨ me tuivigha ingangarim gami. Ezɨ Krais Iesus, a uabɨ dɨpenir guarimɨn mɨn iti.

Aisaia 54:11

Ikiavɨra Itir God ghaze, “O Jerusalemɨn nguibam, noki, gumazitam nɨn apangkuvizir puvatɨ, egha osɨmtɨzir avɨriba nɨ garɨgha nɨ apɨrizɨ nɨ irɨ. Eghtɨ kɨ dagɨar bar aghuiba inigh ua nɨn ingarightɨ, nɨ nguibar bar aghuim otogham. Kɨ dagɨar aghuir ivezim bar pɨn koziba inigh nguazimɨn dar afegh, adagh isɨn nɨ afagham. Egh dɨvazir gavgavim nɨ gighuigh an ingarigh, egh kɨ dagɨar igharagha gara taghtazir aghuiba inigh, dɨvazimɨn tiar akabar ingarigh, uaghan dɨvazimɨn mɨn, dɨpenir bar pɨn itibar ingarigham.

Akar Mogomem 18:20

Ia Godɨn Nguibamɨn itir darasi, ia bar akongegh! Eghtɨ ia Godɨn gumazamiziba ko aposelba ko Godɨn akam inigha izir gumazamiziba, ia bar akongegh! Arazir kurar nguibar kam ia gamizim baghava, God a tuisɨgha gɨvagha, uam an arazir kuram ikarvasi. Kamaghɨn amizɨ, ia datɨrɨghɨn nguibar kam batozir bizim bagh bar akongegh.’ ”

Jut Osirizir Akɨnafarim 1:17

Nan namakar bar aghuiba, ia gɨn otivamin bizim gɨnɨghnɨgh, en Ekiam Krais Iesusɨn aposelba an gun mɨkeme.

Efesus 3:5

Faragha zuir dughiaba, God gumazamiziba nɨghnɨzir mogomer kamɨn me mɨkemezir puvatɨ. Ezɨ datɨrɨghɨn God uan Duamɨn tuavimɨn uan aposelɨn a baghavɨra itiba ko an akam inigha izir gumazibar akazɨ an azenim girɨ.

Matyu 16:18

Ezɨ kɨ nɨ mɨgei, nɨ Pita. Egh dagɨar kam gisɨn kɨ uan siosɨn ingaram, eghtɨ Ovevemɨn Gavgavim an suiragh anepɨrighɨva a gasɨghasighan kogham.

Efesus 4:11

Gumazir kamra a “bizir bar aghuiba pura gumazamizibagh anɨngi.” A bizir aghuir kaba me ganɨngi, marazi an aposelɨn ingangarim me ganɨngi. Marazi, a Godɨn akam inigha izir gumazimɨn ingangarim me ganɨngi. Marazi, a Godɨn Akar Aghuim akunamin ingangarim me ganɨngi, marasi, a Godɨn gumazamizibar ganamin ingangarim me ganɨngi, egha marasi, gumazamiziba God ifongezir arazibar men sure damuamin ingangarim me ganɨngi.

Aposel 1:26

Egha me dagɨaba aningɨn ziamning osirigha torim gatɨgha aning givazvasi. Ezɨ dagɨar Matiasɨn ziam isɨn itim faragha azenim girɨ. Ezɨ me Matias isa, uaghan 11plan aposelbar tongɨn anetɨ.

Akar Mogomem 21:13

Ezɨ aruem anadi naghɨn itir dɨvazir mɨriam, tiar akar 3pla an iti. Ezɨ dɨvazir mɨriar Notɨn itim, tiar akar 3pla an iti. Ezɨ dɨvazir mɨriar Sautɨn itim, tiar akar 3pla an iti. Ezɨ aruem uaghiri naghɨn itir dɨvazir mɨriam, tiar akar 3pla an iti.