Akar Mogomem 19:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ezɨ 24plan gumazir dapaniba ko 4plan bizir angamɨra itir kaba, teviba apɨrigha egha Godɨn uan atrivir dabirabimɨn aperaghav itimɨn ziam fe. Egha me kamaghɨn mɨgei: “Bar guizbangɨra! E an ziam fe!”

Godɨn Akar Aghuim; Akar Dɨkɨrɨzir Gavgavir Igiam

⁴ Ezɨ 24 plan gumazir dapaniba ko 4 plan bizir angamra itir kaba tevir akuriba apɨrigha egha Godɨn uan atrivir dabirabimɨn aperaghav itimɨn ziam fe. Egha me kamaghɨn mɨgei, “Bar guizbangɨra! E an ziam fe!”

Akar Mogomem 19:4 ပူးပေါင်းရင်းမြစ်များ

Akar Mogomem 5:14

Ezɨ 4plan bizir angamɨra itiba kamaghɨn mɨgei, “Guizbangɨra.” Ezɨ gumazir dapaniba uan teviba apɨrigha aningɨn ziamning fe.

Onger Akaba 106:48

E Ikiavɨra Itir Godɨn ziam feka, a Israelian God. E datɨrɨghɨn ko, gɨn izamin dughiabar zurara an ziam feka. Gumazamiziba bar mɨkɨm suam, “Bar guizbangɨra!” E Ikiavɨra Itir Godɨn ziam fam. Aleluia!

Nehemia 8:6

Ezɨ Esra ghaze, “E Ikiavɨra Itir Godɨn ziam fam. A Godɨn Bar Gavgavir Ekiam Itim.” Ezɨ me bar aghariba fegha ghaze, “Bar guizbangɨra! Bar guizbangɨra.” Egha me iteviba apɨrigha dapaniba avigha guaba nguazimɨn akuigha Ikiavɨra Itir Godɨn ziam fe.

Akar Mogomem 19:1

Ezɨ bizir kabar gɨn kɨ orazi, nɨgɨnir dafam, gumazamizir bar avɨrimɨn mɨn Godɨn Nguibamɨn kamaghɨn dɨa mɨgei: “E Godɨn ziam feka! En God, gavgavim ko ziam iti, a uabɨra en Akurvazir Gumazim!

Akar Mogomem 15:7

Ezɨ 4plan bizir angamɨra itibar mav, 7plan golɨn itariba inigha enselɨn 7pla ganɨngi. Golɨn itarir 7plan kabanagh, Godɨn Zurara Itimɨn anɨngagharir arazim dagh izɨfa.

Jeremaia 28:6

Jeremaia kamaghɨn mɨgei, “Bar guizbangɨra, Ikiavɨra Itir God, nɨ mɨkemezɨ moghɨn damuasa kɨ ifonge. Ikiavɨra Itir God nɨn akam inigha izir gumazimɨn akar kabar amutɨ, da guizbangɨram otivigham. Egh a uan Dɨpenimɨn biziba uam ada iniam. Egh Babilonɨn itir gumazamizir kaba, a ua me inigh Jerusalemɨn izam.

Onger Akaba 89:52

E zurara Ikiavɨra Itir Godɨn ziam fɨ kamaghɨra ikiam. Bar guizbangɨra.

Onger Akaba 72:19

E zurara an ziar aghuir kam fɨvɨra ikiam. Bar guizbangɨra. An ziar Ekiam nguazir kam bar a gizɨfagh.

Onger Akaba 41:13

E Ikiavɨra Itir Godɨn ziam fam, a Israelian God. Eghtɨ gɨn otivamin ovaviba bar, me uaghan an ziam fam. Guizbangɨra! Bar guizbangɨra!

Nehemia 5:13

Ezɨ kɨ uan ivariam gikezir inim fɨrigha a guraguraghizɨ an itir biziba ire. Ezɨ kɨ ghaze, “Gumazitam uan akar dɨkɨrɨzimɨn gɨn mangan koghtɨ, God an dɨpenimɨn biziba ko an ingangarimɨn dagheba sara, a da guragureghtɨ, a inir kamɨn mɨn pura ikiam. Mati kɨ inir kam guraguraghizɨ a pura iti moghɨn, gumazir kam biziba puvatɨgh pura ikiam.” Ezɨ gumazamiziba bar kamaghɨn mɨgei, “Bar guizbangɨra,” egha me Ikiavɨra Itir Godɨn ziam fe. Egha gɨn me akam akɨrizɨ moghɨn me deravɨra bizir kabagh ami.

1 Eghaghaniba 16:36

E Ikiavɨra Itir Godɨn ziam feka, a Israelian God. E datɨrɨghɨn ko, gɨn izamin dughiabar zurara an ziam feka. Asapɨn adarazi ighiar kam bangegha gɨvazɨ, gumazamiziba kamaghɨn mɨgei, “Bar guizbangɨra!” Egha me Ikiavɨra Itir Godɨn ziam fa ghaze, “Aleluia!”

1 Korin 14:16

Nɨ kamaghɨn damuan kogh, egh duamɨn aven God mɨnabɨtɨ, gumazamizir kɨnitaba ian tongɨn ikɨva, nɨ amir mɨgɨrɨgɨar kam gɨfoghan koghɨva, me manmaghɨn nɨ mɨnabir mɨgɨrɨgɨam gɨfogh suam, “A guizbangɨra?” Me foghan kogham, nɨ tizibav gei.

Matyu 28:20

Egh kɨ ia mɨkemezir mɨgɨrɨgɨaba, ia bar da isɨva men sure damu, eghtɨ me dar gɨn mangɨ. Ia deravɨra fogh, kɨ ia ko ikɨvɨra ikɨ mangɨtɨ, nguazir kamɨn dughiam gɨvagham.”

Matyu 6:13

Egh e ateghtɨ, e osɨmtɨzibar aven ikɨtɨ bizitam en navim bɨraghtɨ, e arazir kuratam damuan kogham. Nɨ arazir kurabar gavgavim da e inigh.’

Onger Akaba 104:35

Nan ifongiam kamakɨn, nɨ arazir kurabagh amir gumazamiziba bar me gasɨghasɨkigh. Gumazamizir kuraba bar moghɨra gevegh ua ikian kogham. Kɨ uan navir averiamɨn aven Ikiavɨra Itir Godɨn ziam fam! Aleluia! E Ikiavɨra Itir Godɨn ziam fam!

Akar Mogomem 19:3

Ezɨ me ua kamaghɨn dɨa ghaze: “E Godɨn ziam feka! Nguibar ekiar kamɨn isir avimɨn mɨgharim ghuavanang zurara mamaghɨra ikiam!”

Akar Mogomem 19:6

Ezɨ kɨ nɨgɨnir ekiam barazi mati gumazamizir avɨrim uari akuvagha mɨgei, egha mati dɨpar ekiam afora nɨdi. Egha araribar mɨn pamten dagarvagha kamaghɨn mɨgei: “En Ekiam God, a Godɨn Gavgaviba Bar Itim, datɨrɨghɨn an atrivimɨn iti. Kamaghɨn amizɨ, e Godɨn ziam fam!